I Ptr 5:12 - Testamente Ledrimpswha ni Mapsalma

¹² Nin'witraleli a maritunyana lawa ha Silivano, ku mine anga makweru wa kudumbeka, na mine nimuvonisa xiswoswo, na nin'witratriya, nibeka ni vumboni, leswaku leti i timpswalu ta xihlayelamfuri ta Xikwembu Nkulukumba; tiya ku tone.

I Ptr 5:12 Referans Kwoze

Va-Heberu 13:22

Na n'witratriya vamakweru, leswaku n'wilehisela mbilu ku maritu lawa ya kun'witiyisa. Hikuva nin'witralela mange mangani.

Mintiro Ya Vapostola 11:23

Yelweyi-ke, loko atlhasa, avona timpswalu ta Xikwembu Nkulukumba, atrhava ngopfu; na swone akhongotela hinkwavu leswaku vanamarela ku Hosi hi kutiya mbilu;

II Kor 1:19

Hikusa Yesu Kriste N'wana wa Xikwembu Nkulukumba, lweyi n'wingadondrisiwa ha mine na Silivano na Timotewu, angavanga ina ni im-him ha nkama mun'we. Kriste avi ina ha kunene-nene.

I Kor 15:1

Vamakweru, nitlhela nin'witivisa a Ivangeli leyi nin'wirereliki yone, n'wiviki n'wiyiyamukela, n'witiya ku yone,

Mintiro Ya Vapostola 20:24

Kambe anitihlayeli ntxhumu hi vutomi byanga, aniyanakanyi leswaku byini lisima ku mine; nitakota kuheta a mpfhuka wanga ni ntiro, lowu niwuyamukeliki ku Hosi Yesu, wa kuva ni hambela vumboni Ivangeli ya timpswalu ta Xikwembu Nkulukumba.

II Tsl 1:1

Mine Pawulosi na Silvano, na Timotewu, ku kereke dra le-Tesalonika, ledringa ku Xikwembu Nkulukumba, Tatana weru ni Hosi yeru Yesu Kriste.

I Tsl 1:1

Pawulosi, na Silvano na Timotewu, hi kongomisa ku Kereke dra Tesalonika, ledri dringa ku Xikwembu Nkulukumba Tatana, ni le ku Hosi Yesu Kriste: a timpswalu ni kurula leswi swipfaka ku Xikwembu Nkulukumba Tatana, ni le ku Hosi Yesu Kriste, aswive na n'wine.

Yd 1:3

Varandriwa, leswi ni khinyelisisaka kun'witralela swakuhuluka kweru, ave hikolahu nitiyingeliki nani sindriseka kun'witralela, ni n'witratriya ni n'witiyisa leswaku n'wilwela kupfumela loku a vapfumeli vanyikiwiki kone kan'we.

III Yhn 1:12

Loko ali Demetriyo, vhanu hinkwavu vahlaya swahombe ha yene, na xihlayelamfuri hi ntshima xihlaya swahombe ha yene. Na hine hibeka vumboni, wa switiva wene leswaku avumboni byeru i xihlayelamfuri.

II Ptr 2:15

Vatrutrumi a ndleleni leya kululama, va lahleka, valandri ndlela ya Balaami, n'wana Bosori, lweyi angarandra xihiwa xavusomboloki;

II Ptr 1:12

Hileswo-ke, nitaya mahlwini hi ku n'widrimuxa hikola ka leswo, nambi n'wiswitiva, ni kuva n'witiyile xihlayelamfurini lexi n'wingana xone.

Va-le-Kolosa 4:9

ni murumela kun'we na Onesimo, a makweru lweyi wa ku dumbeka, lweyi anga mun'we wa kwenu. Vone vatan'widrungulela hinkwaswu leswi humelelaka halenu.

Va-le-Kolosa 4:7

Tikiko a makweru lweyi arandriwaka, lweyi angamutirikulori lweyi wa kudumbeka Hosini atan'winyika madrungula hinkwawu ha mine.

Va-le-Kolosa 1:7

Hinkwaswu leswi n'wine n'wiswidondrisiwiki hi Epafra, nakulori murandriwa weru wa kudumbeka ni mutirikulori ntirweni wa Kriste, lweyi anisiviki ku n'wine.

Ef 6:21

Akuva na n'wine n'witativa madrungula ya kutlhamuxeleka henhla kwanga ni kuleswi ni swiyentxaka, Tikiko, makweru lweyi arandrekaka ni kudumbeka Hosini, atan'wibyela hinkwaswu,

Ef 3:3

Aninyiki kutiva makungu ya xihundla xakwe. Nilulamisi mhaka leyi, hi kuhangwesa ku mbangu mun'wana.

II Kor 1:24

Anirandri kuva n'winyi wa vupfumeli byenu, Kambe hi tirisana na n'wine akuva n'wikuma kutrhava, hikusa hi kupfumela n'witiyile.

Rm 5:2

Lweyi ha Yene hikumiki hi kupfumela, timpswalu leti hitiyiki ku tone, nakone hititwalisa akulaviseleni ka kuphatima ka Xikwembu Nkulukumba.

Yohana 21:21

Loko Petrosi a muvonile, aku ku Yesu: Hosi, kutavana yini ku lweyi xana?

Mintiro Ya Vapostola 15:22

Kolahu a vapostola ni vakulu va Kereke kun'we ni Kereke hinkwadru vavona leswaku kuhlawuliwa a vavanuna amakari kwavu, vavaruma kun'we na Pawulosi na Barnabasi a Antiyokia. Kuhlawuliwi Yuda lweyi atxhuliwiki Barsabasi na Silasi, vavanuna lava vakhensiwaka amakari ka vamakwavu.

I Ptr 1:13

Hileswo-ke, pfukani n'witiya akuyanakanyeni kwenu, hanyani hi kutikhoma, na n'wilavisela hi kuhetiseka atimpswalu leti n'wibuyiseliwiki tone akutipfuleteleni ka Yesu Kriste;

I Ptr 4:10

Mun'wana-ni-mun'wana, hi lana ayamukeliki ha kone a nyiko, ayitiriseli van'wana, na n'wili vayaveli vanene va timpswalu leti tinyingi ta Xikwembu Nkulukumba.