I Ptr 4:2 - Testamente Ledrimpswha ni Mapsalma

² akuva n'wingahahanyeli akunaveleni ka ximhunu, kambe n'wihanyela a kurandra ka Xikwembu Nkulukumba.

I Ptr 4:2 Referans Kwoze

I Ptr 1:14

n'wiva swanga vana va kuyingiseta, n'wingayi hi kunavela kwenu ka khale, ankama afaka n'wingasinativa ntxhumu;

Ef 6:6

N'wingavi tira akuva va n'wivona ntsena, swanga hi loko n'widjula kunyoxisa vhanu, kambe swanga malandra ya Kriste, yentxani hi mbilu, akurandra ka Xikwembu Nkulukumba.

Rm 6:11

Hi ndlela yoleyo, tipimisani na n'wine lava feliki xidoho kambe n'wihanyela Xikwembu Nkulukumba hi kutlhanganasiwa na Yesu Kriste.

II Kor 5:15

Kutani yene a feli hinkwavu, leswaku lava hanyaka, vangaha tihanyeli ha swavu, kambe vahanyela lweyi ava feliki atlhela apfuka kufeni.

Ef 2:3

Ku vone na hine hinkweru mfuri afa khale hi famba hi kunavela ka nyama yeru, hiyentxa kunavela ka nyama yeru ni miyanakanyu yeru. Hi ntumbuluku afa hili vana vamahlundru, swanga hi van'wana.

Rm 6:2

Swingatxhuki swiva tanu! Hinga hanyisa kuyini a xidohweni Hine lava ku Yene hi fiki?

Ef 4:17

Hikolahu ka leswi, na n'wibyela, ni kutiyisa aHosini leswaku, n'wingaha fambeni swanga hi va-Matiko, a miyanakan'wini yavu ya kuka-ndlela.

Rm 14:7

Aku na ni mun'we ku hine lweyi atihanyelaka hi ntshima yake ni kutifela.

I Ptr 2:1

Ke, na n'witriki vubihi hinkwabyu, vukanganyisi hinkwabyu, ni mandrendre, ni matrhoho, ni mahlevo,

Yohana 7:17

Loko mhunu anavela kuyentxa kurandra ka Xikwembu Nkulukumba, atativa dondro leyi leswaku yihuma ku Xikwembu Nkulukumba, kumbe nivulavula leswi swinga swanga ntsena.

Marka 7:21

Hikusa andreni kwake kuhuma miyanakanyu leyi mimfani ni vumbuye, ni kuyiva, ni kudlaya,

Marka 3:35

Hikusa lweyi ayentxaka a kurandra ka Xikwembu Nkulukumba, hi yene a makweru wa xinuna ni makweru wa xisati, ni mamana wanga.

I Yhn 2:17

Ke, a misava yahundra, nambi kunavela ka yone; kambe lweyi ayentxaka kurandra ka Xikwembu Nkulukumba a trhama hilaha kungahelikiki.

Yakobe 1:18

Hikuva hikurandra kwake, Yene ahibeleki hi ritu dra xihlayelamfuri, akuva hi va swirangana swa swivumbiwa swake.

Va-Heberu 13:21

an'wihetisekisi ku mintiro leminene hinkwayu, akuva n'wiyentxa kurandra kwake, ni leswaku ayentxa leswi amahlweni Yakwe leswi swimutrhavisaka ha Yesu Kriste, lweyi alidrumu dringa ku Yene hi minkama hinkwayu. Amen!

I Tsl 5:18

Ku hinkwaswu nyikani mitlangelo, hikusa leswo i kurandra ka Xikwembu Nkulukumba ku Kriste Yesu ha n'wine.

Va-le-Kolosa 1:9

Hileswo-ke, na hine kusukela siku ledri hiyingeliki leswo, a hi yimi kun'wikhongotelela ni kun'wkombelela leswaku n'witala hivutivi byakurandra kwake, avutlharini hinkwabyu ni kuyingelisisa loku pfaka ku Moya wakwe,

Ef 5:17

Hikolahu n'wingaveneni lava vanfani, kambe djulani kuyingelisisa leswaku hi kwini a kurandra ka Hosi.

Rm 12:2

N'winga hanyi hi kufambelana ni swihila swa nguva leyi, kambe tindrulutani, n'wikuma mayanakanyela lamampsha. Xi leswi, n'witayingelisisa leswaku hi kwini kurandra ka Xikwembu Nkulukumba, leswinga swinene, leswi trhavisaka ni leswi hetisekiki.

Rm 7:4

Hiswoswo vamakweru, na n'wine n'wifile nawini hikola ka miri ya Kriste, akuva n'wiva ku mun'wana lweyi angapfuka akufeni, akuva hibekela Xikwembu Nkulukumba a mihandru.

Yohana 1:13

lava vangapswaliwangakiki hi ngati, nambi kukurandra ka nyama, nambi kukurandra ka wanuna, kambe vapswaliwiki hi kurandra ka Xikwembu Nkulukumba.

Mt 21:31

Hi wini ku lava vabiri ayentxiki a kurandra ka tatana wakwe? Vamuyangula vaku: Hi lweyi wa kusungula. Kutani Yesu aku ku vone: Hikusa nihlayelamfuri nili ku n'wine: A vahlengisi ni vavasati va vumbuye vatan'wirangela kunhingena a Mfun'wini wa Xikwembu Nkulukumba.

Mt 12:50

Hikusa lweyi ayentxaka akurandra ka Tatana wanga lweyi anga Matilweni, lweyo i makweru waxinuna, ni makweru wa xisati ni mamana wanga.

Mt 7:21

Ahi hinkwavu lava vanihlayaka: HOSI, HOSI! Vatakanhingena a Mfun'wini wa Matilo, kambe ntsena lava vayentxaka a kurandra ka Tatana wanga lweyi anga Matilweni.

Va-le-Kolosa 4:12

Awa n'widrungula nangweso Epafra lweyi i nga mun'we wenu, a ntirweni wa Kriste, an'wilwelaka minkama hinkwayu hi swikhongoto, akuva n'witiyisiwa n'wiva lava vahetisekiki, akurandreni hinkwaku ka Xikwembu Nkulukumba.

Va-le-Kolosa 3:3

Hikusa n'wine n'wifile na Kriste a vutomi byenu byifihliwi kun'we na yene ku Xikwembu Nkulukumba.

Mt 20:4

Aku ku vone: Yanani na n'wine n'wiyatira ansin'wini yanga, nitan'winyika leswi swidringanaka.