I Ptr 4:13 - Testamente Ledrimpswha ni Mapsalma

¹³ kambe hi leswi n'wikumaka a yavelo akuxanisekeni ka Kriste, nyoxani, akuva n'witanyoxa hi kutrhava kukulu, akupfuleteliweni ka kuphatima kwake.

I Ptr 4:13 Referans Kwoze

Rm 8:17

Ke, loko hili vana, na kone mfuri hi vadi va pfindla. Hi vadi vapfindla dra Xikwembu Nkulukumba kun'we na Kriste. Loko hi xaniseka kun'we na yene, na kone hitatwalisiwa kun'we na Yene.

Rm 5:3

Swinge leswo ntsena, kambe hi titwalisa ni le mahlomulweni, hi kutiva leswaku a mahlomulo ma vanga kutiyisela,

Va-le-Filipiya 3:10

akuva nitiva ni ntamu wa kupfuka kwake, ni kutlhangana atinxaniseni, ni ndrulutiwa hi kufana ni kufa kwake;

II Kor 1:7

Akulavisela kweru hinkonta yenu kutiyile, hikutiva leswaku, swanga heswi n'wikumaka a yavelo akuxanisekeni, n'witava ni yavelo akumiyetiweni.

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.

II Kor 4:10

na hirwala amirini yeru, a kufa ka Yesu minkama hinkwayu, akuva na byone a vutomi byake byitikombekisa amirini yeru.

II Tmt 2:12

Loko hitiyisela na hine hita fuma na Yene; loko himulandrula, na Yene ata hilandrula.

II Kor 4:17

Hikusa a mahlomulo ya nkama lowu wa swoswi mavevuka, mahitisela lidrumo drakuphatima loku kungahelikiki, loku kungekena kupimanisiwa.

Mintiro Ya Vapostola 5:41

A vapostola vahuma, hubyini na vatrhavi ngopfu, hi kuva vakumi mfanelo ya kuxanisiwa hinkonta ya vito dra Yesu.

Mpfuletelo 1:9

Mine Yohana, makwenu ni muhlengeli na n'wine akuxanisiweni, ni le Mfun'wini, ni le kutiyiseleni loku kunga ku Kriste, nivi axihlaleni lexi xitxhuliwaka Patimosi, hinkonta ya ritu dra Xikwembu Nkulukumba, ni vumboni bya Yesu.

I Ptr 5:1

Nitratriya a vakulu-va-kereke lava vanga makari kwenu, mine swanga nkulu-wa-kereke kulobye, mfuri ninga mboni ya kuxaniseka ka Kriste, nakone ningani yavelo akuphatimeni loku kutaka pfuleteliwa, nili:

Va-le-Kolosa 1:24

Swoswi na nyoxa a mahlomulweni yanga hinkonta yenu, ni hetisisa leswi swisaliki swaku kuxaniseka ka Kriste hinkonta ya miri yake, inga Kereke.

Mt 16:27

A N'wana wa Mhunu atata hi kuphatima ka Tatana wakwe, kun'we ni tintrumi takwe, kutani atatlhelisela mun'wana-ni-mun'wana kuya hi matirela yake.

Mt 5:12

Trhavani, n'witrhavisisa hikusa a hakelo drenu i drikulu a Matilweni. Hikusa vaxanisisi xiswoswo na vo vaprofeta lava van'wirangeliki.

I Ptr 1:13

Hileswo-ke, pfukani n'witiya akuyanakanyeni kwenu, hanyani hi kutikhoma, na n'wilavisela hi kuhetiseka atimpswalu leti n'wibuyiseliwiki tone akutipfuleteleni ka Yesu Kriste;

Mintiro Ya Vapostola 16:25

A vusikwini, Pawulosi na Silasi afa vayimbelela Xikwembu Nkulukumba hi kukhongota, na vabohiwa van'wana vavayingela.

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Mt 25:31

Kambe kutaku loko a N'wana wa Mhunu ata vumenyemenyeni byake, kun'we ni tintrumi hinkwatu, atatrhamisa a xitrhan'wini xa vumenyemenye byake.

Mt 25:23

A hosi yake yiku ku yene: I swa hombe mutiri lweyi munene wa kudumbeka. Leswi udumbekiki atimhakeni leti titrongo, nitakubeka ahenhla ka leti tinyingi. Nhingena akutrhaveni ka hosi yaku!

Mt 25:21

A hosi yake yiku ku yene: I swa hombe, mutiri lweyi munene, wa kudumbeka. Leswi udumbekiki atimhakeni leti titrongo, nitakubeka ahenhla ka leti tinyingi. Nhingena akutrhaveni ka hosi yaku.

Mpfuletelo 1:7

Vonani, awata hi le makari ka matlavi, a mahlu ya vhanu hinkwavu matamuvona, nambi lava vamutlhaviki, mfuri a vhanu va tinxaka hinkwatu ta misava vatamudrilela, im'na, Amen!

Lk 17:30

switayentxisa xiswoswo hi siku ledri N'wana wa Mhunu ataka pfuleteleka ha drone.

Marka 8:38

A mhunu lweyi atakavani tingana ha mine ni maritu yanga amakari ka lixaka dra kusandra, ni dra kudoha, a N'wana wa Mhunu na yene atava ni tingana ha yene, a siku atakabuya hi kuphatima ka Tatana wakwe, kun'we ni swirun'wa leswi swakuxwenga.

Rm 8:18

Hikusa ni pimisa leswaku a mahlomulo yeru ya swoswi amana kufanisiwa ni kuphatima loko kutakapfuleteliwa ku hine.

II Kor 1:5

Hikusa, swanga hi leswi akuxaniseka ka Kriste ku hitaleliki, na kone ku miyetiwa kweru ku hitalelile hikola ka Kriste.

I Ptr 2:21

Ke n'wivitaneliwi swoleswo, hikusa na yene Kriste axanisekeli n'wine ava an'wisiyela a xikombiso, akuva n'wilandra a mintila yake,

Yd 1:24

Ke, Yene lweyi anganintamu wa kun'wibekisa kuswikhunguvanyiso, ni kun'wiyimisa mahlweni ka kuphatima kwake hikutrhava na mingena nandru,