I Ptr 4:10 - Testamente Ledrimpswha ni Mapsalma

¹⁰ Mun'wana-ni-mun'wana, hi lana ayamukeliki ha kone a nyiko, ayitiriseli van'wana, na n'wili vayaveli vanene va timpswalu leti tinyingi ta Xikwembu Nkulukumba.

I Ptr 4:10 Referans Kwoze

Marka 10:45

Hikusa na Yene N'wana wa Mhunu angatelanga kutatireliwa, kambe kutirela, ni kunyiketa a vutomi byake xiva xitirulo ku lava vanyingi.

Va-Heberu 6:10

Hikusa Xikwembu Nkulukumba angana mona, akuva adrivala ntiro wenu ni lirandru ledri n'widrikombisiki ku vito drakwe, hikusa n'witirelile, mfuri n'wahata tirela vahlawuliwa.

I Kor 15:10

Kambe hi timpswalu ta Xikwembu Nkulukumba, mine ni leswi ninga swone, ni timpswalu ku mine ativanga ta mahala, hikuva nitiri ngopfu kutlula hinkwavu, nambi leswi afaka angali mine kambe tili timpswalu ta Xikwembu Nkulukumba leti tinga ku mine.

I Kor 3:10

Hi timpswalu ta Xikwembu Nkulukumba leti ninyikiwiki tone, swanga ntivi hi tlhelo dra vuyaki, nibeki a masungulu; kutani mun'wana ayaka a henhla ka wone; kambe mun'wana-ni-mun'wana ativonele leswi ayakisaka swone a henhla ka wone.

Ef 4:11

Hi yene mfuri anga nyika van'we kuva vapostola, ni van'wana kuva vaprofeta, van'wana kuva vavhangeli, ni van'wana kuva vabyisi ni vadondrisi;

Rm 15:27

Vaswikumi swili swone kuyentxa leswo, kambe hakunene afa vali ni nandru. Swanga heswi a vapfumeli va-le-Yerusalema vayavelaniki a swa moya ni va-Matiko, kutani lava vone vafanela kupfuna lavaya hi swa miri.

Tito 1:7

Hikuva kudjuleka leswaku a bixopo ava lweyi angekena kusoliwa, swanga mulaviseli wa mintxhumu ya Xikwembu Nkulukumba, angavi wa kutikulisa, angavi wa mahlundru, angatinyiketeli kunweni, angavi wa kulebya, kumbe wa kurandra a mabindru,

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

Lk 12:42

Yesu aku: Hiwini a mulaviseli wa yindlu lweyi wa kudumbeka, ava atlhariha, lweyi a n'winyi wakwe ataka mubeka, alavisela vatiri vakwe, akuva atavayavela swakuda hi nkama lowu wufanekelaka?

I Kor 4:7

Hikusa hi mani lweyi akuhambanisaka ni van'wana, xana? Nakone una yini leswi unganyikiwangakiki? Mfuri leswi wekeyamukela ntsena, hayini-ke utitwalisa, swanga hi loko leswi unga naswu unganyikiwanga?

Lk 19:13

Avitana khume dra malandra yake, amanyika khume dra vampondo, aku ku vone: Bindrulani ha vone niko nibuya.

Lk 8:3

na Yowana nkata Kuza, a ndruna ya Heroda, na Suzana, ni van'wana lava vanyingi lava afaka vapfuna Yesu ni vadondrisiwa vakwe hi leswi afaka vali naswu.

II Kor 6:1

Swanga hi leswi hitirisanaka na yene, ha n'witratriya na kone leswaku n'wingayamukeli mahala a timpswalu ta Xikwembu Nkulukumba.

Rm 15:25

Kambe swoswi ni kongoma Yerusalema hi ntiro wa vapfumeli.

Mt 25:44

Kutani na vone vatayangula vaku ku yene: We HOSI, xana hakuvoni drini na unindlala, kumbe unitora, kumbe uli muyeni, kumbe ungayambalanga ntxhumu, kumbe uvabya, kumbe uli kubohiweni hiyala kukutirela?

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

II Tmt 1:18

A Hosi ayimunyiki hi siku ledriya, leswaku a kuma vumbilu ku Hosi. Nakone wene wa switiva ngopfu kutlula mine, leswaku mintiro mingani aniyentxeliki le Efesa.

Mt 24:45

Hi mani-ke a mutiri lweyi wa kudumbeka ni kutlhariha, lweyi a hosi yake yimubekiki a henhla ka ndangu wa yone, akuva awuyavela a swakuda hi nkama lowu wufanekelaka, xana?

Mt 24:14

Kutani a Ivangeli ya Mfumu yitareriwa akuva byiva vumboni amisaveni hinkwayu; ntrhaku hi kone kutakata vugamu.

II Kor 9:1

Loko wuli ntiro lowu wa xipfuno ku tinsasi, aswipfuni ntxhumu kun'witralela.

Mt 24:21

hikusa kutavani nhlomulo wukulu, lowu swanga ha wone, wungasamikiki wuva kone kusukela loko misava mitumbuluxiwa, mfuri wungahatikiva kone.

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.

I Ptr 5:12

Nin'witraleli a maritunyana lawa ha Silivano, ku mine anga makweru wa kudumbeka, na mine nimuvonisa xiswoswo, na nin'witratriya, nibeka ni vumboni, leswaku leti i timpswalu ta xihlayelamfuri ta Xikwembu Nkulukumba; tiya ku tone.

Mt 25:17

Na yene lweyi ayamukeliki mabiri ayayentxisa xiswoswo, abindrula man'wana mabiri.