I Ptr 3:8 - Testamente Ledrimpswha ni Mapsalma

⁸ Hi vugamu, vanani va mayanakanyela man'we, n'wili va kutretrelela, n'wini lirandru dra xikwavu, n'wivani vumbilu ni kutitrongohata,

I Ptr 3:8 Referans Kwoze

Rm 12:10

Randranani hivuxaka, n'wisiya-siyana hiku yentxelana xihluwa.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

Ef 4:31

A xiviti hinkwaxu ni tihanyi, a mahlundru, a pongwe, kumbe swifingeto aswive kule na n'wine, ni lixaka hinkwadru dra leswakubiha.

Yakobe 3:17

Kambe a vutlhari lebyi pfaka hi le henhla i kusungula ka hinkwaswu, kubasa; byirulile, ni kunabyala, ni kuyingelana, byitali hi lirere, mintiro ya hombe; abyi yentxi xihlawu-hlawu xa vhanu, abyi na kutiyentxisa.

Ef 4:2

hiku kutitrongohata hinkwaku ni kunabyala, kulehisa mbilu, n'wibyatrhanana hi lirandru, van'we ku van'wana.

Va-le-Kolosa 3:12

Leswi angavahlawuliwa va Xikwembu Nkulukumba, vaxwengi ni varandriwa hi leswo-ke vanani ni lilondro ni vunene, kutitrongohata ni kunabyala, ni kulehisa ka mbilu.

I Kor 12:26

Akuva loko xin'we xiro xixaniseka, na swone leswi swin'wana swixaniseka kun'we na xone. Ni loko xin'we xiro xitwalisiwa, hinkwaswu switrhava kun'we na xone.

Mt 18:33

Xana afa swingafanelanga leswaku utretrelela a nandra-kuloni swanga ha mine nikutretreleliki?

I Yhn 3:14

Haswitiva hine leswaku ahikhaluti hi kulifu hiya vuton'wini, hikusa hi randra vamakweru. Lweyi akalaka angarandri makwavu aha file.

I Kor 1:10

Nan'witratriya vamakweru hi vito dra Hosi yeru Yesu Kriste, leswaku hinkwenu n'wivulavula a ritu drin'we, kungave ni kuhambana amakari kwenu, kambe n'wiva van'we amiyanakanywini ni le mavoneleni.

Mintiro Ya Vapostola 4:32

A vunyingi bya lava vapfumeliki afa vali mbilu yin'we ni moya mun'we. Mfuri afa kungena mun'we lweyi aliki a mintxhumu leyi anganayu i yake vuswake, kambe hinkwaswu ku vone afa swili swavu hinkwavu.

I Ptr 5:5

Hi ndlela yoleyo, na n'wine vampswha, tibekani hansi ku lavakulu; na kone hinkwenu yambalani a kutitrongohata van'we ku van'wana, hikusa Xikwembu Nkulukumba ayalela lava va kutikulisa, kambe anyika timpswalu ku lava va kutitrongohata.

Va-Heberu 13:1

Yanani mahlweni n'wiva ni lirandru drawu kwavu.

II Ptr 1:7

hi vukhongoti, n'wirandrana, hi kurandrana ka lirandru.

I Ptr 2:17

Vana ni xihluwa ku hinkwavu, randrani a vukwavu, txhavani Xikwembu Nkulukumba, n'wivani xihluwa ku mufumi.

Yakobe 5:11

Hili, vakatekile lava vatiyiseliki. N'wine n'wiswiyingelile loko kukhaneliwa hi kulavisela ka Yob, na kone n'wiswivonile, a Hosi yi munyikile; hikusa a Hosi yitali hi timpswalu ni lirere.

Yakobe 2:13

Hikusa a tremo dritava drakukala lirere ku lweyi atakava na angakombisanga lirere, a lirere drititwalisa henhla ka tremo.

Va-le-Filipiya 3:16

Kambe ku leswi kutani hitlhasiki, ahifambeni hi ndlela yoleyo, leyi hiyilandriki kutlhasa swoswi.

Rm 15:5

Ingi Xikwembu Nkulukumba lweyi a kutiyisela ni kulavisela swipfaka ku Yene, angan'winyika kuyingelana kuvavisekeni avan'we ku van'wana, mi landra a xikombiso xa Yesu Kriste.

Mintiro Ya Vapostola 28:7

Afa kuni tikwana kusuhi ni mbangu lowo ledri afaka drilumba a murangeli wa xihlale, a vito drakwe afaka vaku i Publiyu. Ahiyamukela masiku mararu, ahirurela hi vumbilu byikulu.

Mintiro Ya Vapostola 27:3

Hi siku ledri drilandrelaka, hiyatlhasa a Sidoni, lomu Julio ayentxeliki Pawulosi a vumbilu, amupfumelela kuyavona a vanakulobye ni kukuma kupfuniwa ha vone.

Mintiro Ya Vapostola 2:1

Loko kutlhasi a siku dra Pentekosta, afa vahlengeletani hinkwavu ku mbangu mun'we.

Lk 10:33

Kambe a mun'we mu-Samariya lweyi ayendraka atlhasa kolahu, amuvona, amutwela vurombe.

Ef 4:32

Vanani lava vapfunanaka, ni kuvavelelana, n'widrivalelana mun'we ni mun'wana, swanga hi leswi Xikwembu Nkulukumba an'widrivaleliki ha Kriste.

Va-le-Filipiya 2:3

N'wingayentxi ntxhumu hi kukanetana, nambi kutidrumisa, kambe hi kutitrongohata, mun'wana-ni-mun'wana ayanakanyi leswaku i ntrongo ku van'wana.