I Ptr 3:21 - Testamente Ledrimpswha ni Mapsalma

²¹ lawa na n'wine, swanga xikombiso xa babatiso, man'wihuluxaka swoswi, kungali kususa nxambya ya nyama, kambe kuli kudjulela Xikwembu Nkulukumba a lipfalu ledrinene hikola ka kupfuka-kufeni ka Yesu Kriste,

I Ptr 3:21 Referans Kwoze

Marka 16:16

Lweyi apfumelaka, ava ababatisiwa, atahuluka, kambe lweyi angapfumelikiki, atayavanyisiwa.

Mintiro Ya Vapostola 2:38

Petrosi avayangula aku: Ndrulukani, mun'wana-ni-mun'wana ababatisiwa avitweni dra Yesu Kriste, akuva n'witadrivaleliwa a swidoho swenu, kutani n'witayamukela nyiko ya Moya wa Kuxwenga.

Gl 3:27

Hikolahu n'wine hinkwenu n'wibabatisiwiki ku Kriste, n'wiyambexiwi Kriste.

Mintiro Ya Vapostola 22:16

Kutani swoswi waharindrela yini? Sekeleka, ubabatisiwa, uhlampswiwa a swidoho swaku na uvitana a vito drakwe.

Ef 5:26

Ayentxi leswo akuva adrihlawulekisa ni kudri basisa hi mati ni hi ritu drakwe,

I Ptr 1:3

Akukhensiwe Xikwembu Nkulukumba, Tatana wa Hosi yeru Yesu Kriste, lweyi hikola ka lirere drakwe ledri drikulu ngopfu, ahitumbuluxiki ka vubiri, akuva hivani kulavisela loku kuhanyaka, hikola ka kupfuka ku lava vakufa ka Yesu Kriste amakari ka vafi,

I Kor 12:13

Hileswo-ke, hinkweru hibabatisiwi ku Moya wolowu wa wun'we, akuva hiva miri wun'we, vangava va-Yuda kumbe va-Girika, swikarawa kumbe lava vantrhunxekiki. Nakone hinkweru hinwisiwi a Moya wun'we ntsena.

Va-le-Kolosa 2:12

Hikusa n'wibabatisiwile, n'wilahliwi kun'we na Yene, n'wipfuxiwi kun'we na Yene, hikupfumela ku ntamu wa Xikwembu Nkulukumba, lweyi angamupfuxa ku lava ku fa.

Mt 28:19

Hileswo-ke, fambani n'wiyadondrisa a matiko hinkwawu, n'wivababatisa hi vito dra Tatana ni dra N'wana ni dra Moya wa Kuxwenga,

Va-Heberu 9:24

Hikusa Kriste anga nhingenanga ambangwini wa kuxwenga lowu yentxiwiki hi mavoko, lexi xinga xifaniso ntsena xa lowu wunga wone. Kambe atilweni antshima ya drone, ayahumelela swoswi amahlweni ka Xikwembu Nkulukumba ahikombelelaka.

I Tmt 6:12

Lwana a yimpi leyinene ya vupfumeli, utikhomela a vutomi lebyi byingahelikiki, lebyi uvitaneliwiki byone, uviki ubyihlaya hi kutihlaya loku kunene amahlweni ka timboni letinyingi.

II Kor 7:1

Leswi hinga ni swidumbiso leswo varandriwa, Ahi tibasiseni swidoho sweru ku hinkwaswu, swingava swa nyama, kumbe swa moya, hi hetiseka avululameni byeru, ni kutxhava Xikwembu Nkulukumba.

I Kor 4:6

A mintxhumu leyi, vamakweru, nimifanisi ha mine na Apolo hinkonta yenu, akuva n'widondra ku hine akuva n'wingatluli leswi switraliwiki ni kuva amakari kwenu kungavini lweyi atikulisaka a henhla ka mun'wana.

Mintiro Ya Vapostola 16:33

Kutani yene avateka hi nkama wolowo wa vusiku, avahlampswa swilondra, ava ababatisiwa xikan'we ni va ndangu wakwe hinkwavu.

Mintiro Ya Vapostola 8:36

Vaku na vafamba hi ndlela, vatlhasa lomu kungani mati, a ndruna yiku: Hi lawa mati! Xana kuni xa ntxhumu xingasivelaka leswaku nibabatisiwa? [

Rm 5:14

Kambe aku fa ka fumi kusukela ka Adamu kukondra kuya tlhasa nkameni wa Moxe, nambi ku lava afaka vangena xidoho hi kufana na Adamu, lweyi angaxifaniso xa lweyi afaka a faneli kuta.

Va-Heberu 11:19

Hikusa afa apimisa leswaku: Xikwembu Nkulukumba i nyamintamu waku, nambi ku vafi atamupfuxa. Ni hi ndlela ya kukari, na kone mfuri, atlhela hi xifaniso amuyamukela.

II Kor 1:12

Hikusa a lidrumo dreru drakuva vumboni bya lipfalu dreru, leswaku hi fambisiwi misaveni, hi vunene ni xihlayelamfuri xa Xikwembu Nkulukumba, akavanga hi vutivi bya vumhunu, kambe a timpswalwini ta Xikwembu Nkulukumba, mfuri ngopfu ku n'wine.

I Tmt 1:5

Kambe a nkongometo wa leleto i lirandru, ledri dripfaka ambilwini leyi yibasiki, ni le lipfalwini ledri nene, ni le kupfumeleni loku kungalikina kukanganyisa,

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

Va-Heberu 10:22

A hitrhindrekeleni hi mbilu leyi nene, ni hi kupfumela loku tiyiki, na hili ni timbilu leti tibasisiwiki, ni kubasisiwa lipfalu ledri nfani, ledri n'winhlampsiki hi mati lawa ya kubasa.

Va-Heberu 13:18

Hikhongotelani hikusa hadumba leswaku hi nilipfalu ledrinene, swanga lava va navelaka kutifambela hi kululama matlhelo hinkwawu.

I Ptr 3:16

kambe swiyentxani hi kunabyala ni xitxhavu, n'wivani lipfalu ledrinene, akuva, ku leswi van'wifingetaka ha swone, vava ni tingana lava van'wifingetaka hi mahanyela yenu lawa manene ku Kriste.

Yohana 13:9

Simoni Petrosi aku ku yene: Hosi mingavi minenge ntsena, kambe ni mavoko ni nhloko!

Mintiro Ya Vapostola 8:37

Filipi aku: Loko upfumela hi mbilu yaku hinkwayu, akuna lexi xingasivelaka. Yene aku: Napfumela leswaku Yesu Kriste i N'wana wa Xikwembu Nkulukumba.]