I Ptr 3:11 - Testamente Ledrimpswha ni Mapsalma

¹¹ Aafularele a swakubiha, ayentxe leswinene, adjule a kurula ava akulandra akondra akukuma;

I Ptr 3:11 Referans Kwoze

Mt 5:9

Vakatekile a valulami, hikusa vatatxhuliwa vana va Xikwembu Nkulukumba!

Va-Heberu 12:14

Djulani kurulisana ni hinkwavu, ni kutixwengisa, handle ka leswo, akuna mhunu angaswikotaka kuvona Hosi,

Rm 14:19

Xileswo ahidjuleni mintxhumu leyi minyikaka kurula na mi hi pfuna kutiyisa kupfumela ku van'we ni van'wana.

Va-le-Kolosa 3:15

A kufume timbilwini tenu a kurula ka Kriste, loku Xikwembu Nkulukumba an'wivitaneliki kone akuva n'wiyentxa miri min'we ntsena, vanani lava vatlangelaka.

Rm 14:17

Hileswo-ke, a Mfumu wa Xikwembu Nkulukumba ahi mhaka ya swakuda ni swakunwa, kambe i mhaka ya kululama, kurula ni kutrhava loku pfaka ku Moya wa Kuhlawuleka.

Rm 12:18

Loko swikotekaka hi tlhelo drenu, vanani ni kurula ni vhanu hinkwavu.

III Yhn 1:11

Murandriwa, ungayetisi leswakubiha, kambe ina yetisa leswaku xonga. Lweyi a yentxaka leswakuxonga i wa Xikwembu Nkulukumba, kambe lweyi a yentxaka leswi swakubiha angativi Xikwembu Nkulukumba.

Yakobe 4:17

Kutani lweyo ni lweyo ativaka kuyentxa leswi swa hombe, ava angaswiyentxi, ku leswo ayentxa xidoho.

Va-Heberu 13:16

N'wingadrivali kuyentxa leswi swinene ni kuyavelana leswi n'winga naswu van'we ku van'wana, hikusa hikola ka switlhavelo leswo, Xikwembu Nkulukumba awatitrhavisa.

I Tmt 6:18

ni leswaku vayentxa leswinene, vava swipfundri hi mintiro leminene, vavani nkhinkhi akuhananeni, vava vanabyala akuva vayavela a swavu;

Gl 6:10

Hileswo-ke, leswi hingani nkama ahi yentxeleni leswi swinene ku hinkwavu, kambe ngopfu ku lava vanga vandangu wa vupfumeli.

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Rm 8:6

Hikusa akuyanakanya ka swanyama kuyisa kufeni, kambe leswi swinga swa Moya swiyisa vuton'wini ni le kuruleni.

Rm 7:21

Hikusa, loko nidjula kuyentxa leswi swinene, kambe nikuma nawu wa leswi swaku; a xidoho xitrhama ku mine.

Rm 5:1

Leswi hihlayiwiki valulami hi kupfumela, ahiveneni ni kurula ku Xikwembu Nkulukumba ha Hosi yeru Yesu Kriste.

Yohana 17:15

Anikombeli leswaku uvasusa misaveni, kambe leswaku uvaxirelela ku leswi swakubiha.

Mt 6:13

Ungahiyise akudringiweni, kambe hihuluxe ku lwe mfani.

Mt 5:45

akuva n'witava vana va Tatana wenu lweyi anga Matilweni, hikusa atlhavisa a dambu drakwe a henhla ka lava vanene ni ku lava vamfani, anisa a mpfula ku lava vanene nambi ku lava vamfani.

Rm 7:19

Hikusa aniyentxi vunene lebyi nibyirandraka, kambe niyentxa vubihi lebyi ningabyirandrikiki.

Lk 6:35

Kambe randrani a valala venu, n'wivayentxela leswi swinene, n'wiva n'wivolekisa na n'wingalaviseli hakelo. Hikone-ke a hakelo drenu dritakava drikulu, kutani n'witava vana va Xikwembu Nkulukumba wa le Henhla-henhla, hikusa na yene ani vumbilu ku lava vangativikiki kutlangela ni lava vamfani.

Lk 6:9

Yesu aku ku vone: Nan'wivutisa, xana kupfumeleliwa a kuyentxa yini hi Savata, a kuyentxa leswi swinene kumbe leswi swakubiha? A kuhanyisa mhunu kumbe a kumutrika afa?

Lk 1:79

Kuphatima loko kutavaninga lava vahanyaka munyameni ni le ntrhutini wa lifu ni kufambisa a mikondro yeru andleleni ya kurula.

Marka 14:7

A swisiwana n'wina swone minkama hinkwayu, kutani n'wingaswiyentxela a mintxhumu leminene, loko n'wiswirandra, kambe mine n'wingave na mine hi minkama hinkwayu.

I Ptr 3:12

hikusa a mahlu ya Hosi male henhla ka valulami ni tindleve ta Yone tiyingiseta swikombelo swavu, kambe a liso dra Hosi drihambana ni vayentxi va swakubiha.