I Ptr 3:1 - Testamente Ledrimpswha ni Mapsalma

¹ Vavasati, na n'wine tibekani hansi amahlweni ka vanuna venu, akuva loko kuni lava vayalaka a ritu, hi mahanyela yenu, kungali hi kuvulavula, na vone vakokiwa,

I Ptr 3:1 Referans Kwoze

Va-le-Kolosa 3:18

Vavasati, yingesetani vanuna venu swanga hi leswi swifanelaka ku lweyi apfumelaka ku Hosi.

Ef 5:33

Nan'wine aswivetanu, amun'wana ni mun'wana habyake arandre a nsati wakwe swanga hi leswi atirandrisaka xi swone, ni nsati ave ni xitxhavu ku nuna.

I Kor 11:3

Kambe nidjula leswaku n'witiva leswaku a nhloko ya wanuna mun'wana-ni-mun'wana hi Kriste; a wanuna i nhloko ya wansati; kutani a nhloko ya Kriste hi Xikwembu Nkulukumba.

I Kor 7:16

Hikuva, we' nsati, xana waswitiva leswaku kumbe utahuluxa a nuna waku? Na wene nuna, xana waswitiva leswaku utahuluxa nsati waku?

I Ptr 3:7

Hi ndlela yoleyo, na n'wine vanuna, hanyani ni vasati venu na n'witiva leswaku vone vafana ni swibya leswi swingatiyangakiki, n'wivabekela xihluwa swanga vadi-pfindla kuloni va timpswalu ta vutomi, akuva a swikhongoto swenu swingahlulekisiwi.

Rm 7:2

Xileswi, a wansati lweyi a tekiwiki atlhanganisiwi ni nuna wakwe hi ntamu wa nawu, loko nuna aha hanya; Kambe, loko nuna a fa, a nsati antrhunxekile ku nawu lowo wa vukati.

I Kor 14:34

a vavasati amakerekeni avamiyele, hikusa aswipfumeliwi ku vone akuva vavulavula, kambe avatibeke a hansi, swanga hi kuhlaya ka Nawu.

Mt 18:15

Loko makwenu akudohela, famba uyamutshinya na n'wi swenu ntsena. Loko akuyingela, utava ukumi makwenu.

Va-le-Kolosa 4:5

Fambani hi vutlhari ku lava ngeke vapfumeli, na n'wilondrovota swinene a minkama.

Va-Heberu 11:8

Hi kupfumela Abrahamu ayingiseti loko avitaniwile akuva, kutani asuki atiyela atikweni ledri afaka atanyikiwa drone swanga pfindla. Asuki a famba na angakutivi lomu ayaka kone.

II Tsl 1:8

Atata hi le makari ka malangavi ya ndrilo, a kutatakhatisa lava vayalaka Xikwembu Nkulukumba, ni lava vangayingisetikiki a Ivangeli ya Hosi Yesu Kriste.

Rm 6:17

Kambe, a kutlangeliwi Xikwembu Nkulukumba! N'wine lava n'wiviki swikarawa swaxidoho, kuhinkwaswu n'wivi nikuyingiseta hi mbilu amayentxela ya dondro dondrweni leyi n'wiyi nyikiwiki.

I Ptr 4:17

Hikusa i nkama wa kusungula a kuyavanyisa, kusungula hi yindlu ya Xikwembu Nkulukumba; ke, loko kusungula ha hine, byitava byini a vugamu bya lava va kuka-kuyingiseta a Ivangeli ya Xikwembu Nkulukumba, xana?

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

Va-Heberu 5:9

Kuti loko ahetisekisiwile, andruluki Muvangi wa huluku ledri dringahelikiki ku hinkwavu lava vamuyingisetaka.

Rm 10:16

Kambe ahi hinkwavu lava yamukelaka Ivangeli. Ezaya ahlayisi xiswoswo aku: Tatana, i mani xana lweyi apfumelaka kuleswi afaka hi rera swone?

I Ptr 3:2

hi kuvona a mahanyela yenu lawa mabasiki, ni xitxhavu xenu.