I Ptr 2:24 - Testamente Ledrimpswha ni Mapsalma

²⁴ hi Yene abyatrhiki a swidoho sweru amirini yake amhandreni ya xihambano, akuva hine, na hifeli swidoho, hihanyela a vululami; hi Yene mfuri hi swilondra swake n'wine n'widahiwiki.

I Ptr 2:24 Referans Kwoze

Mt 8:17

Leswi swihumeleli akuva kuhetiseka leswi swingativisiwa hi muprofeta Ezaya loko aku: Yene atitekeli a mahlomulo yeru, atirwexi a mavabyi yeru.

Rm 6:11

Hi ndlela yoleyo, tipimisani na n'wine lava feliki xidoho kambe n'wihanyela Xikwembu Nkulukumba hi kutlhanganasiwa na Yesu Kriste.

Mpfuletelo 22:2

A makari ka huvo ya muti, hi tlhelo dra mfula hala ni hala, kuni nsinya wa vutomi, lowu wu humexaka mihandru ya khume na mibiri hi lembe, na wu humexa mihandru hweti ni hweti. A matluka ya nsinya ma tiriseliwa muri wa kuholisa vhanu hinkwavu.

I Yhn 2:29

N'waswitiva n'wine leswaku Yene alulamile, ni leswaku lweyo ni lweyo lweyi alulamiki, apswaliwi ha Yene.

Yakobe 5:16

Ke, byelanani swidoho; n'wikhongotelana mun'wana ku mun'wana, akuva miholisiwa. A xikhongoto xa mululami xini ntamu swinene xatira.

Va-Heberu 9:28

Hiswoswo ke, Kriste ahumexiwi kan'we kususa swidoho swa vhanu. Ntrhaku ata humelela nangweso, kunge ha kutata susa xidoho, kambe a kutata huluxa lava mulaviselaka.

Gl 3:13

Kriste ahintrhunxi kuruketeliweni ka nawu, yene atiyentxi xiruku hinkonta yeru, hikusa a Matralwa mali: Kuruketeliwi mani na mani lweyi a hayekiwiki mhandreni,

Rm 6:2

Swingatxhuki swiva tanu! Hinga hanyisa kuyini a xidohweni Hine lava ku Yene hi fiki?

Va-le-Kolosa 3:3

Hikusa n'wine n'wifile na Kriste a vutomi byenu byifihliwi kun'we na yene ku Xikwembu Nkulukumba.

Rm 6:13

N'winganyiketeni xidohweni swiro swamiri yenu swanga switiro swavubihi; kambe tinyiketani ku Xikwembu Nkulukumba, swanga hi vhanu lava vapfukaka kufeni, miri yenu ku Xikwembu Nkulukumba, swanga switiro swakululama.

Yohana 1:29

A siku ledri drintlhantamaka, Yohana avona Yesu na ata ku yene, kutani aku: Vonani! Hi leyi a Hambana ya Xikwembu Nkulukumba leyi yisusaka swidoho swa misava!

Rm 7:6

Kambe swoswi hintrhunxekile ku nawu, hifile ku lexi afaka xi hiyentxa swanga swikarawa. Xileswi, haswikota kutirela Xikwembu Nkulukumba hi ndlela leyimpswha, hi kulandra Moya, na kunge hi ndlela ya letela.

I Yhn 3:7

Vana vanga, n'wingatitriki n'wikanganyisiwa hi mhunu! Lweyo ni lweyo ayentxaka kululama a lulamile, swanga ha Yene alulamiki.

Rm 6:7

Lweyi afiki antrhunxekile axidohweni.

Rm 6:16

N'wine n'waswitiva leswaku, lweyi n'witinyiketaka ku yene swanga switiri akuva n'wimuyingiseta, ku yelweyo n'wimuyingisetaka n'wiswitiri swake, kumbe swa xidoho lexi xiyisaka ku feni, kumbe akuyingiseteni loko kutisaka kululama.

II Kor 6:17

Hileswo-ke, sukani makari kwavu, n'witravukana na vone, kuhlaya Hosi; n'winga khumbeni mintxhumu ya kunyama; kutani mine ni ta n'wiyamukela,

Mintiro Ya Vapostola 5:30

Xikwembu Nkulukumba wa vatatana weru apfuxi Yesu, lweyi n'wine n'wingamudlaya hi kumuhayeka mhandreni.

Lk 4:18

A Moya wa Hosi wule henhla kwanga, hikusa yi nitotile, akuva nidrungulela swisiwana a Ivangeli, yi nirumi kuhuwelela kuntrhunxeka ku lava vabohiwiki, ni kubuyisela kuvona ku lava vakufa-mahlu, ni kuntrhunxa lava vaxanisiwaka;

Mt 5:20

Hikusa nan'wibyela, nili: Loko n'wine n'wingatluli a vandondrisi va Nawu ni vafarisi hi kululama, n'wingaka n'winganhingeni a Mfun'wini wa Matilo.

Va-Heberu 12:13

Nakone yentxelani minenge yenu atindlela leti takululama, akuva lweyi a khutaka angatitxhuka asuleka kambe aholisiwa.

Mintiro Ya Vapostola 13:29

Kutani ntrhaku ka kuhetisa hinkwaswu leswi switraliwiki mayelano na Yene, vamuhawula amhandreni, vamubeka axireni.

Mintiro Ya Vapostola 10:35

Kambe a tikweni drin'wana ni drin'wana, lweyi amutxhavaka ni kutira swakululama, awayamukeleka ku Yene.

Va-Heberu 7:26

Hikusa afa hifanekeliwa hi muprista lwenkulu lweyi waku tanu, wa kuxwenga, lweyi angeke na nandru, ni xambya, lweyi a travukaniki ni vadohi, lweyi angatlakuxiwa henhla ka matilo.

Va-le-Kolosa 2:20

Loko n'wifile kun'we na Kriste, ni loko n'wihambanile ni ku swihila swa misava. Hayini n'witinyiketa ku minkhuva swanga va misava? A switsimbo swanga hi leswaku:

Rm 6:22

Swoswi kutani n'wintrhunxekiki ku xidoho, n'windrulukiki n'wiva switiro swa Xikwembu Nkulukumba. N'wini handru wenu akuva n'wibasisiwa, akuva n'witava ni vutomi lebyi byingahelikiki.

Mintiro Ya Vapostola 10:39

na hine hi timboni ta hinkwaswu leswi aswiyentxiki, atikweni dra va-Yuda ni le Yerusalema; kambe vamudlayile hi kumuhayeka amhandreni.

Mt 27:26

Kolahu Pilatu avantrhunxela Barabasi, antrhaku ka loko Yesu apswhitiwile, avanyiketa yene akuva avambiwa.

Ef 5:9

Hikusa a mhandru wa livango, i vunene hinkwabyu, ni kululama ni xihlayelamfuri,

Yohana 19:1

Kutani Pilato ateka Yesu amubisa hi swisepu.

Va-le-Filipiya 1:11

N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.

Marka 15:15

Kutani Pilatu, antrhunxa Barabasi hikuva afaka anavela kutrhavisa xitrhungu. Ntrhaku arumi kupswhitiwa Yesu na avanyiketa akuva avambiwa.

I Kor 15:3

Hikuva akusunguleni, nin'winyiketi leswi na mine niswiyamukeliki, leswaku: Kriste a fi hikola ka swidoho sweru, swanga hi kuhlaya ka Matralwa;

Va-le-Kolosa 2:14

asusi a papela ledri afaka kutraliwi ku drone a nandru weru, ledri afaka drihiyavanyisa swanga hi kuramela ka nawu, adrisusi hinkwadru hi kumugongondrela axihambanwini,

Va-Heberu 10:5

Hileswo-ke hi kuta misaveni leyi, ati: A wurandranga switlhavelo nambi swinyiko, kambe univumbi niva miri.

Va-Heberu 10:10

Hikusa akurandreni kwake koloko, hine ha xwengisiwile kan'we, hiku humexeliwa ka miri ya Yesu Kriste.