I Ptr 2:23 - Testamente Ledrimpswha ni Mapsalma

²³ hikusa ni loko aruketeliwa, afa angayanguli hi swiruku, loko axanisiwa, afa angatxhaviseli mhunu, kambe afa anyiketa hinkwaswu amavokweni ya lweyi ayavanyisaka hi kululama;

I Ptr 2:23 Referans Kwoze

I Ptr 4:19

Hileswo-ke, lava vaxanisekaka hi kulandra a kurandra ka Xikwembu Nkulukumba, avanyikeli a mahika yavu hi kuyentxa leswinene, ku Mutumbuluxi lweyi adumbekaka.

Va-Heberu 12:3

Yanakanyani ha yene lweyi a tiyiseliki hi ndlela leyo, loko vadohi vamukaneta, akuva n'winga trani mahikeni yenu, nambi kuhela timbilu.

Mintiro Ya Vapostola 4:29

Ni swoswi, we Hosi, lavisa a switxhaviselo swavu, uva unyika a malandra yaku a kudondrisa ritu draku hi kutiya hinkwaku,

II Tmt 4:8

Kutani swoswi nibekeliwa ngiyana ya kululama, leyi Hosi a muyavanyisi lweyi wa kululama, yitakaninyika asikwini ledro; a nge mine swanga vatahananiwa hinkwavu lava valaviselaka kubuya kwake.

II Tmt 1:12

Hileswo-ke naxaniseka ha swone; kambe anina tingana hikusa nitiva lweyi nipfumeliki ku yene, nidumba leswaku ana ni ntamu wa kubekisa leswi nibekiki ku yene, kukota kutlhasa ledro siku.

Lk 23:46

Yesu abandlukaniki hi ritu dra kutlakuka, aku: Tatana, ninyiketa moya wanga mavokweni yaku. Atiki ahlaya leswo, afa.

Mpfuletelo 19:11

Kutani ni vona tilo na dripfulekile; kuvoneka a hanxi ledra ntlhohe. Lweyi a drikhandriyiki ahlayiwa Mudumbeki ni waxihlayelamfuri. Atrema, alwa hi kululama.

I Ptr 3:9

n'wingatlheliseli vubihi hi vubihi kumbe xiruku hi xiruku, kambe hi kuhambana ni leswo, hlayelani maritu manene hikusa n'wivitaneliwi leswo, akuva n'wiyamukela a pfindla dra nkateko.

II Tsl 1:5

Leswo i xikombiso swoswi xa yavanyiso dra kululama, ledri Xikwembu Nkulukumba ataka paluxa mfanelo ya Mfumu wakwe, hi lirandru droledri n'wine n'wirwaliki mahlomulo ya kunhati.

Ef 6:9

Na n'wine vinyi, yentxani swoswo ku vone, n'wingavahaleli kuvaxanisa, tivani leswaku a Hosi leyi yinga Matilweni, i yin'we ku n'wine ni ku vone, Yone ayihlawule vhanu.

Rm 2:5

Kambe hinkonta yakunono'hwa kambilu yaku, leya kuka yingadjuli kundruluka. Hi swoleswo utihlengeletela nhlengo ya mahlundru a sikwini dra mahlundru ya kupfuleteleka ka tremo dra kululama dra Xikwembu Nkulukumba,

Mintiro Ya Vapostola 17:31

hikusa Xikwembu Nkulukumba abeki siku ledri atakayavanyisa misava hi kululama, hi wanuna lweyi angamubekela swone, ava amuhambela vumboni amahlweni ka hinkwavu hi kumupfuxa kufeni.

Mintiro Ya Vapostola 9:1

Na Saulo aha hisekela kuxanisa ni kudlaya vadondrisiwa va Hosi, aya ku muprista lwe nkulu,

Lk 23:9

Amuvutisa hi maritu lawa ya kutala, kambe Yesu angamuyangulanga ntxhumu.

Mintiro Ya Vapostola 7:59

Kuti loko vamukhandla, Stefano akhongota, aku: Hosi Yesu, yamukela moya wanga!

Lk 23:41

Loko ali hine, swihilulamelile, hikusa hiyamukela leswi swifanekelaka leswi hi swiyentxiki; kambe lweyi anga yentxanga ntxhumu leximfani.