I Ptr 2:11 - Testamente Ledrimpswha ni Mapsalma

¹¹ Varandriwa, nan'witratriya swanga valuveli ni vayendri amisaveni leyi, leswaku n'witrika a kunavela swa nyama, loku kulwaka ni moya;

I Ptr 2:11 Referans Kwoze

Gl 5:24

Kambe avaka Kriste Yesu va vambi nyama ni kurandra ni kunavela ka yone.

I Ptr 4:2

akuva n'wingahahanyeli akunaveleni ka ximhunu, kambe n'wihanyela a kurandra ka Xikwembu Nkulukumba.

Va-Heberu 11:13

Hinkwavu vhanu lava vafile a kupfumeleni, na vangasangana yamukela a swidumbiso, kambe va swivonile na vali hi le kule, vakholwile ku swone, afa vatiyisa leswaku i valuveli ni vayendri lana misaveni.

Rm 8:13

Loko n'wine n'wihanya hi kunavela ka nyama, n'wikongoma kufeni; kambe loko hi Moya n'widlaya mintiho ya vudohi, xileswo n'wine n'witahanya.

Yakobe 4:1

Kuhuma kwini a kulwa ni kukanetana, loku kunga makari kwenu xana? A kuhumi kunaveleni ka kutinyoxisa loku kupfuxaka kulwa a nyameni yenu?

II Tmt 2:22

Kambe trutrumela kule ni swinavelo swalava vampswha, ulandra kululama, ni kupfumela, ni lirandru, ni kurula, kun'we ni lava tivitanelaka Hosi hi timbilu leti ta kubasa.

II Kor 7:1

Leswi hinga ni swidumbiso leswo varandriwa, Ahi tibasiseni swidoho sweru ku hinkwaswu, swingava swa nyama, kumbe swa moya, hi hetiseka avululameni byeru, ni kutxhava Xikwembu Nkulukumba.

Rm 12:1

Vamakweru, nan'witratriya kolahu hi lirandru dra Xikwembu Nkulukumba akuva n'witinyiketa ku yene swanga mhamba leyi ya kuhlawuleka ni leyi yitrhavisaka. Hi droledri gandrelo ledra ntshima ledri n'wifanekelaka ku munyika.

Ef 4:1

Hileswo-ke na n'wikombela, mine mubohiwa Hosini, leswaku n'wifamba hi laha swifanekelaka ku vitaniwa loku n'wivitaniwiki ha kone;

Rm 7:23

kambe nivona leswaku amirini yanga kuni wun'wanyana nawu lowu wulwetanaka ni nawu wa vutlhari byanga. Hi swoleswo swiniyentxaka mubohiwa wa nawu wa xidoho lexi xinga mirini yanga.

Mintiro Ya Vapostola 15:29

N'widrela a mintxhumu leyi mihahleliwiki swikwembu, ngati ya swihari swakufa hi xihluku, ni kuyentxa vumbuye. Loko n'witivonela ku mintxhumu leyo, n'witava n'wiyentxa swone. Hambanini!

Lk 21:34

Kambe tivonelani, suka timbilu tenu tibindriwa hi maxovo ni kupopswa ni minhlatiyelo ya vutomi! Kutani siku ledro dritatxhuka drin'witela swanga hi xitxhuketo na n'winga drilaviselanga,

I Ptr 1:17

Ke loko n'wine n'wivitana swanga Tatana wenu, lweyi ayavanyisaka mun'wana-ni-mun'wana mayelano ni mintiro yake, na angayentxi xihlawu-hlawu xa vhanu, hanyani hi kutxhava, ankameni lowu wa kuhundra kwenu lomu misaveni,

II Kor 6:1

Swanga hi leswi hitirisanaka na yene, ha n'witratriya na kone leswaku n'wingayamukeli mahala a timpswalu ta Xikwembu Nkulukumba.

II Kor 5:20

Hileswo-ke, hivakombisi lava vakhanelaka hikola ka Kriste, swanga hiloko Xikwembu Nkulukumba a tratriya ha hine. Hin'wikombela hinkonta ya Kriste, leswaku n'witibuyelelisa ni Xikwembu Nkulukumba.

Mintiro Ya Vapostola 15:20

kambe vatraleliwa leswaku akuva vadrela a swinyamiso swa swikwembu, ni vumbuye, ni ngati ya swihari leswi swifiki hi xihluku.

I Ptr 1:1

Mine Petrosi, mupostola wa Yesu Kriste, ku vahlawuliwa, valuveli lava vahangalakiki Ponto, ni le Galatiya, ni le Kapadokiya, ni le Aziya, ni le Bitiniya;

Ef 2:19

Hileswo-ke, n'wine amehe vayeni ni valuveli. N'wiva tiko drakuhlawuleka dra Xikwembu Nkulukumba ni swiro swa ndangu wakwe.

Va-Heberu 6:9

Kambe loko ali n'wine-ke, varandriwa, hi lavisela mintxhumu leminene, mintxhumu lemifaneliwaka hi huluku, swin'witlhasisa kuhuluxiweni, nambi hinga khanelisa xiswoswo.

I Ptr 4:12

Varandriwa, n'wingahlamaleni a ndrilo wupfuraka a makari kwenu akuva wun'widringa, na wuyentxa swanga i ntxhumu wa kuhlamalisa wuhumelelaka,

II Ptr 3:1

Varandriwa, ledri i papela dra vubiri ledri ni n'witralelaka; ku wone, nidjulisisa kupfuxeta mimpimiso yenu leyinene hi swidrimuxo,