I Ptr 1:7 - Testamente Ledrimpswha ni Mapsalma

⁷ akuva a ntshima ya vupfumeli byenu, lebyi byitlulaka hi lisima a gole, ledri drisuvaka, kambe dridringiwaka hi ndrilo, yifanekela hi kukhensiwa, ni kuphatima, ni xihluwa, akutikombekiseni ka Yesu Kriste;

I Ptr 1:7 Referans Kwoze

Yakobe 1:12

Anindjombo lweyi atiyiselaka mindringweni, hikuva loko akumiwa na atiyiselili andringweni atayamukela a ngiyana ya vutomi lebyi byingahelikiki, lebyi Xikwembu Nkulukumba adridumbisiki lava vamurandraka.

I Ptr 4:12

Varandriwa, n'wingahlamaleni a ndrilo wupfuraka a makari kwenu akuva wun'widringa, na wuyentxa swanga i ntxhumu wa kuhlamalisa wuhumelelaka,

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.

I Kor 3:13

a ntiro wa mun'wana-ni-mun'wana wutavoneka alivaleni; hikusa a siku ledro dritawuvonekisa, wuvonekisiwa hi ndrilo, a ndrilo lowu wutakakambisisa a ntiro wa mun'wana-ni-mun'wana leswaku i ntiro muni!

Yd 1:24

Ke, Yene lweyi anganintamu wa kun'wibekisa kuswikhunguvanyiso, ni kun'wiyimisa mahlweni ka kuphatima kwake hikutrhava na mingena nandru,

II Ptr 1:4

Hikola ka leswo, ahinyiki aswidumbiso swake swalisima ledrikulu ngopfu swinene, akuva ha swone n'wiva ni vuhlengeli bya ntumbuluku wa kuhlawuleka wa le henhla-henhla, n'witrutruma ku swinavelo swakubiha swinga kone misaveni.

I Ptr 2:4

lweyi n'witrhindrekeliki ku Yene, anga ribye ledri drihanyaka, ledri dringadreliwa hi vhanu, kambe amahlweni ka Xikwembu Nkulukumba drihlawuliwiki na drili dra lisima ngopfu.

Mt 25:21

A hosi yake yiku ku yene: I swa hombe, mutiri lweyi munene, wa kudumbeka. Leswi udumbekiki atimhakeni leti titrongo, nitakubeka ahenhla ka leti tinyingi. Nhingena akutrhaveni ka hosi yaku.

Mpfuletelo 3:10

Leswi ubekisiki a ritu dra kutiyisela kwanga, na mine nitakubekisa ankameni wa ndringo, lowu wutakata amisaveni hinkwayu, akuva wutatadringa lava vatrhamaka amisaveni hinkwayu.

Mpfuletelo 2:10

Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.

Mpfuletelo 1:7

Vonani, awata hi le makari ka matlavi, a mahlu ya vhanu hinkwavu matamuvona, nambi lava vamutlhaviki, mfuri a vhanu va tinxaka hinkwatu ta misava vatamudrilela, im'na, Amen!

I Kor 4:5

Hileswo-ke, n'wingayavanyiseni ntxhumu na nkama wungasinatlhasa, kukota kutlhasa Hosi; anga Yene atakavaninga leswi swifihlekiki, swa munyama, atakavonekisa ni makungu lawa manga timbilwini ta vhanu; laho-ke mun'wana-ni-mun'wana atayamukela a kukhensiwa hi Xikwembu Nkulukumba.

Mintiro Ya Vapostola 8:20

Petrosi aku ku yene: A mali yaku ayisuve kun'we na wene, leswi upimisiki kuxava a nyiko ya Xikwembu Nkulukumba hi mali.

Yohana 12:26

Loko mhunu adjula kunitirela, a anilandre, kutani laha ninga kone, na yene nandra wanga atava kone. Loko mhunu anitirela, Tatana atamukomba xitxhavu.

Yohana 5:44

Xana n'wingapfumelisa kuyini leswi n'wirandraka kutwalisana, n'wingadjuli kutwalisiwa loku pfaka ku Xikwembu Nkulukumba ha swake?

Lk 12:33

Xavisani leswi n'winga naswu, n'winyika a swisiwana. Tiyentxelani minkwama ya mali leyi ya kuka minga honeki, ni nhlengwe leyi yinga helikiki Matilweni, lomu a muyivi angatlhasikiki, ni laha a nsumba yinga honikiki kone.

Mt 25:23

A hosi yake yiku ku yene: I swa hombe mutiri lweyi munene wa kudumbeka. Leswi udumbekiki atimhakeni leti titrongo, nitakubeka ahenhla ka leti tinyingi. Nhingena akutrhaveni ka hosi yaku!

Mt 19:28

Yesu avayangula aku: Nihlayelamfuri nili ku n'wine: Loko kutlhasa a nkama lowo, hinkwaswu switakapfuxeteliwa; loko a N'wana wa Mhunu atatrhama axiluvelweni xakwe xa kuphatima, n'wine lava vanilandriki, n'witatrhama ku khume dra switrhamu na swibiri, akuva n'wiyavanyisa a tinxaka leti ta khume na tibiri ta Israyele.

Mpfuletelo 3:18

nakulaya leswaku utixavela ku mine a gole dra lisima ngopfu, akuva utava xipfundri, utavani swiyambalu swa ntlhohe akuva utiyambexa, tingativoneka a tingana ta vusweti byaku, ni muri wa kutota mahlu yaku, akuva utavona.

II Ptr 1:1

Simoni Petrosi, a nandra ni mupostola wa Yesu Kriste, ku lava hinkweru hi yamukeliki kupfumela kakufana kalisima, akululameni ka Xikwembu Nkulukumba weru ni Muhuluxi Yesu Kriste.

I Ptr 2:7

Hileswo-ke, n'wine lava vapfumelaka vanani ni xihluwa, kambe ku lava va kuka-kupfumela, a ribye ledri a vayaki vadridreliki, drindruluki a ribye dra hoka;

I Ptr 1:5

n'wine lava hikola ka vupfumeli n'wibekisiwaka hi ntamu wa Xikwembu Nkulukumba akuva n'wikuma a huluxu, ledri drilulameliki kutivonekisa ankameni wa vugamu.

Rm 2:29

Kambe mu-Yuda hi lweyi anga yene andreni, ni loko asokiwi ambilwini, ni le Moyeni kunge hi nawu wa kutraliwa. Hi yelweyo anganikukhenseka loko kungapfiki vhanwini, kambe ku Xikwembu Nkulukumba.

Lk 17:30

switayentxisa xiswoswo hi siku ledri N'wana wa Mhunu ataka pfuleteleka ha drone.

Rm 2:10

Kambe kutava ni lidrumo, kutwala kurula ku hinkwavu lava vayentxaka vunene, kusungula ku va-Yuda ni ku va-Matiko.

Rm 8:19

A misava hinkwayu n'wirindrela hi kunavela lokukulu ampfuletelo wa Xikwembu Nkulukumba ku vana vakwe.

I Ptr 1:13

Hileswo-ke, pfukani n'witiya akuyanakanyeni kwenu, hanyani hi kutikhoma, na n'wilavisela hi kuhetiseka atimpswalu leti n'wibuyiseliwiki tone akutipfuleteleni ka Yesu Kriste;

I Ptr 4:13

kambe hi leswi n'wikumaka a yavelo akuxanisekeni ka Kriste, nyoxani, akuva n'witanyoxa hi kutrhava kukulu, akupfuleteliweni ka kuphatima kwake.

I Ptr 5:1

Nitratriya a vakulu-va-kereke lava vanga makari kwenu, mine swanga nkulu-wa-kereke kulobye, mfuri ninga mboni ya kuxaniseka ka Kriste, nakone ningani yavelo akuphatimeni loku kutaka pfuleteliwa, nili:

II Ptr 3:14

Hikola kaleswo varandriwa, leswi n'wahalaviselaka a siku ledro, khinyelani kuyentxa hinkwaswu akuva atan'wikuma hikurula na n'wingenabati mfuri na n'wingenakusoliwa.