I Ptr 1:6 - Testamente Ledrimpswha ni Mapsalma

⁶ Ku leswo, n'wini kutrhava kukulu, nambi leswi swoswi, n'wahavavisekaka kutrongo, loko swidjuleka, hinkonta ya mindringo ya tinxaka-xaka,

I Ptr 1:6 Referans Kwoze

Yakobe 1:2

Vamakweru, n'wifanela kuva ni kunyoxa, loko n'wihundra ku mindringo ya kuhambana.

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.

Rm 12:12

Nyoxani akulaviseleni, n'wiva ni xixixi amahlomulweni, n'witiyisela a kukhongoteni.

Rm 5:2

Lweyi ha Yene hikumiki hi kupfumela, timpswalu leti hitiyiki ku tone, nakone hititwalisa akulaviseleni ka kuphatima ka Xikwembu Nkulukumba.

Mt 5:12

Trhavani, n'witrhavisisa hikusa a hakelo drenu i drikulu a Matilweni. Hikusa vaxanisisi xiswoswo na vo vaprofeta lava van'wirangeliki.

Yohana 16:33

Nin'wibyeli leswo akuva n'wivani kurula ku mine. Amisaveni leyi n'witavani nhlomulu, kambe tiyani ntamu, mine nihluli misava.

Yohana 16:22

Switanu na n'wine: n'wavaviseka swoswi, kambe nitatlhela nin'wivona, kutani a timbilu tenu titatrhava; na kone akuna mhunu lweyi atakan'wisusela kutrhava kwenu.

Mt 11:28

Tanani ku mine hinkwenu n'wine n'wikaraliki na n'wine n'wibindriwaka, nitan'wiwisisa.

Rm 5:11

Na ange ntsena hinkwaswu leswi; kambe na hine hititwalisa ku Xikwembu Nkulukumba ha Yesu Kriste, Hosi yeru, hikola ka lweyi hikumiki ha Yene akutlhanganisiwa.

Mintiro Ya Vapostola 14:22

lomu vatiyisiki vapfumeli, ni kuvaleleta leswaku vaya mahlweni vatiyisela kupfumeleni, ni kuvadondrisa leswaku hikola ka mahlomulu lawa manyingi, swifaneli hinhingena a Mfun'wini wa Xikwembu Nkulukumba.

Lk 10:20

Nambi swilitanu, n'winganyoxeni hi leswi a mimoya mihluliwaka ha n'wine. Kambe nyoxani hi leswi a mavito yenu matraliwiki Matilweni.

I Ptr 4:7

A kuhela ka mintxhumu hinkwayu ku kusuhi. Hileswo-ke tlharihani, n'witikhoma n'witakota akukhongota.

Yakobe 4:9

Vavisekani, n'wiba nkosi; n'widrila. A mahleko yenu amandruluke swidrilo, ni kutrhava kwenu, a kuve kuvaviseka.

II Kor 4:17

Hikusa a mahlomulo ya nkama lowu wa swoswi mavevuka, mahitisela lidrumo drakuphatima loku kungahelikiki, loku kungekena kupimanisiwa.

Yakobe 1:9

Makweru lweyi anganixiyimu xa kutrongahateka afanela kutrhava akutlakuxiweni kwake.

Va-le-Filipiya 3:3

Hikusa aku soka hi hine, lava vatirela Xikwembu Nkulukumba hi Moya, na hi tikulisa ku Yesu Kriste, na hinga dumbi a nyama.

II Kor 6:10

hivi lava vaxukuvalisiwaka, kambe hitrhava hi minkama hinkwayu; swanga swisiwana, kambe hifuyisa lava vanyingi; na hinge na ntxhumu, kambe hive ni hinkwaswu.

I Tsl 1:6

N'wine n'wiyentxeliwi vayetisi veru ni Hosi, n'wiyamukela Ritu ahlomulweni lowu wukulu, hi kutrhava loku pfaka ku Moya wa Kuxwenga,

Va-le-Filipiya 4:4

Miva ni kutrhava hi minkama hinkwayu a Hosini. Ni tlhela ni hlaya ni ku: Trhavani!

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Rm 9:2

Nini nhlomulo lowu wukulu, ni kuvaviseka mbilwini yanga.

Va-le-Filipiya 2:26

yene avi ni kunavela lokukulu ka kun'wivona hinkwenu, afa avaviseka hikusa n'wiyingeli a swa xinyonga xakwe.

Lk 2:10

A ntrumi yiku ku vone: N'wingatxhaveni! Nin'witisela Mahungo lawa manene, matakatrhavisa ngopfu ku n'wine ni ku tiko hinkwadru.

Lk 1:47

ni moya wanga wutinyoxeli ku Xikwembu Nkulukumba Muhuluxi wanga,

Mt 26:37

Atekiki Petrosi ni vana vabiri va Zebedeya, asungula kuvaviseka ni kukamiwa-ka-mbilu.

I Ptr 3:17

Hikusa swayampswa a kuxaniseka, loko kurandra ka Xikwembu Nkulukumba kuli koloko, hi kuyentxa leswi swinga swinene, kutlula a kuyentxa a swakubiha.