I Ptr 1:25 - Testamente Ledrimpswha ni Mapsalma

²⁵ kambe a Ritu dra Hosi drikone hi la kungahelikiki. A Ritu ledri anga Ivangeli leyi n'witivisiwiki yone.

I Ptr 1:25 Referans Kwoze

Mt 5:18

Nihlayelamfuri nili ku n'wine: Loko a tilo ni misava swingasinahundra, kungatisusiwa a Nawini letela kumbe xintrhatana xin'we, na hinkwaswu swingasinahetiseka.

I Yhn 1:1

Lexi afaka xikone kehe kusunguleni, lexi hixiyingeliki, lexi hixivoniki hi mahlu yeru, lexi hi xihlaleliki, lexi mandla yeru maxikhumbiki, xinga xa ritu dra vutomi.

II Ptr 1:19

Xileswo, hini kudridumba ngopfu swinene a ritu dravuprofeta, kutani n'wine n'wiyentxa swone loko n'widriyingelisisa, hikusa dri swanga hi motre lowu vaningaka mbangwini wa kumphuma, byiko byixa, na yo nyeleti ya mixo yi vaninga timbilwini tenu.

Lk 16:17

Kolahu-ke swavevuka akuva tilo ni misava swihundra, kutlula loko aletelanyana dra nawu driwa.

Ef 2:17

Kriste atile, hikolahu ka kutivisa Ivangeli ya kurula, ngopfu ku n'wine lava afaka n'wili kule, kufana ni lava afaka vali kusuhi.

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Yohana 1:1

Akusunguleni, a Ritu afa drili kone. A Ritu afa drili na Xikwembu Nkulukumba, kutani Ritu afa drili Xikwembu Nkulukumba.

I Yhn 1:3

Lexi hi xivoniki, ni lexi hi xiyingeliki, hi lexo hi n'wibyelaka xone, akuva na n'wine n'witlhangana na hine. Na xileswi hitlhanganisiwi kun'we na Tatana, ni N'wanake Yesu Kriste.

I Ptr 2:2

swanga swihlangi leswi swahaka kubelekiwa, navelani a ntrwamba lowu nene wa moya, akuva ha wone n'wikula akuhulukeni,

I Ptr 1:23

n'wine n'wibelekiwi dra vubiri, kungali hi mbewu leyi yibolaka, kambe leyi yingabolikiki hikola ka Ritu dra Xikwembu Nkulukumba, ledri drihanyaka mfuri dringa kone minkama hinkwayu.

I Ptr 1:12

Ku vone kupfuleteliwile leswaku afa vangatitireli, kambe afa vatirela n'wine ku mintxhumu leyi swoswi mitivisiwiki ku n'wine hi lava van'wirereliki a Ivangeli hi ntamu wa Moya wa Kuxwenga, lowu wurumeliwiki hi le Tilweni, a mintxhumu leyi nambi tintrumi tidjulisisaka kun'witiva.

Tito 1:3

mfuri avonekisiki, hi minkama leyi mifaneliki, a ritu drakwe, ledri nirwexiwiki a kudrirera, hi kuleleta ka Xikwembu Nkulukumba, Muhuluxi weru,

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

I Kor 2:2

Hikusa afa nititrimbeli leswaku ningadjuli kutiva swimbeni amakari kwenu loko kungali Yesu Kriste ntsena, Kriste lweyi avambiwiki axihambanwini.

Va-Heberu 6:5

vangadringa ni vunandri bya ritu dra Xikwembu Nkulukumba, ni mintamu ya misava leyi mitaka,

Mpfuletelo 14:6

Ntrhaku ni voni yin'wana ntrumi yi hahaka makari ka tilo, afa yili ni Ivangeli leyi yingahelikiki, akuva yi drungulela lava yakiki misaveni, ku hinkwawu matiko, ni tinxaka ta vhanu, ni tindrimi.