I Ptr 1:20 - Testamente Ledrimpswha ni Mapsalma

²⁰ lweyi hi tlhelo drin'we arangiki kutiviwa na misava mingasinavumbiwa, kambe hi tlhelo drin'wana angavonekisiwa avugan'wini bya minkama hikola kwenu,

I Ptr 1:20 Referans Kwoze

Ef 1:4

Swanga hileswi ahi langiki na misava mingasinava kone, akuva hiva vaxwengi, hili lava vangeke na xidoho mahlweni kwake, ni le lirandrwini drakwe.

Va-Heberu 9:26

Hikusa loko swilitanu, afa afanekelile kuxaniseka ha kunyingi, kusukela akutumbulukeni ka misava. Kambe swoswi ahumeleli kan'we akuhetisekeni ka minkama, atadrivalela swidoho hi kutinyiketa ava mhamba.

Mpfuletelo 13:8

Vata xigandrela hinkwavu lavayakiki misaveni, lava mavito yavu mangatraliwangakiki abukwini dra vutomi, ledringa dra Hambana leyinga dlawa kehe kusunguleni ka misava.

Va-Heberu 1:2

A minkameni leyi ya vugamu, a khanelile na hine hi n'wana wakwe, lweyi amubekiki kuva mudi wapfindla dra mintxhumu hinkwayu, lweyi na kone avumbiki misava ha Yene.

Va-le-Kolosa 1:26

A makungu lawa afaka mafihlekile kusukela hi madzana ni madzana ya malembe lawa mahundriki, ni kutinxaka hinkwatu, kambe swoswi a paluxiki ku vahlawuliwa vakwe.

Ef 3:11

Ledri hidro kungu ledri Xikwembu Nkulukumba adritraliki kusukela kusunguleni na adriyentxiki ha Yesu Kriste, Hosi yeru.

Ef 3:9

ni fanekela kunyika hinkwavu kutiva makungu ya xihundla lexi Xikwembu Nkulukumba mutumbuluxi wa hinkwayu mintxhumu, leyi angalulamisa kusukela kusunguleni angan'wikombisanga.

Gl 4:4

Kambe-ke, kutlhasa kuhetiseka ka minkama, Xikwembu Nkulukumba arumi N'wana wakwe, lweyi a pswaliwiki hi wansati, lweyi angatumbuluka a hansi ka nawu,

I Yhn 1:2

Hikusa a vutomi bya vonekisiwile, hi byi vonile, hi timboni ta byone, hi n'wibyela vutomi lebyingahelikiki, lebyi afaka byi li ku Tatana, kutani byi vonekisiwi ku hine.

Ef 1:10

Akuva atatlhanganisa mintxhumu hinkwayu ku Yene, kungava ya le Matilweni kungava ni yala misaveni, hiku hetiseka ka minkama.

Rm 3:25

Lweyi Xikwembu Nkulukumba angamubeka khale ava xiruliso, hikupfumela ka ngati yake, akuva akululama kwake ku kombisiwa. Hileswi Xikwembu Nkulukumba atrikiki kukhatisa a swidoho leswi swiyentxiwiki khale;

I Yhn 3:8

Lweyo ni lweyo ayentxaka xidoho i waka Diyavulosi; hikusa Diyavulosi adohile kehe kusunguleni. Hikolaho ka leswo, a N'wana wa Xikwembu Nkulukumba ativonekisi akuva atahelisa mintiro ya Diyavulosi.

I Yhn 3:5

Kutani n'wine n'wiswitiva ngopfu swinene leswaku Yene ativonekiseli kutata susa a swidoho sweru, kutani ku Yene akuna xidoho.

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Mintiro Ya Vapostola 2:23

anyiketiwi, hi kulandra makungu ni kuvona ka nkongometo wa Xikwembu Nkulukumba, kutani n'wine n'wimudlayile hi kumuvamba hi mavoko ya vadohi;

Rm 8:29

Hikusa lava Xikwembu Nkulukumba afaka nana avahlawulile vabekiseli akuva vafana ni N'wana wa wakwe, akuva Yene ava n'wana wakusungula ku vamakwavu lavanyingi.

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

Va-Heberu 2:14

Hi leswi-ke, a vana vaniyavelo drin'we dra ngati ni nyama, e kuyavelisiwa xiswoswo na Yene, akuva hi kufa kwake atahelisa lweyi afaka ani ntamu wa kufa, anga yene Diyavulosi.

I Ptr 1:2

vahlawuliwiki hi Xikwembu Nkulukumba Tatana, angativela vone a khale, vaxwengisiwiki hi Moya akuva vayingiseta, ni hi kuxuviwa hi ngati ya Yesu Kriste, a timpswalu ni kurula aswive hi ntalu ku n'wine.