I Ptr 1:2 - Testamente Ledrimpswha ni Mapsalma

² vahlawuliwiki hi Xikwembu Nkulukumba Tatana, angativela vone a khale, vaxwengisiwiki hi Moya akuva vayingiseta, ni hi kuxuviwa hi ngati ya Yesu Kriste, a timpswalu ni kurula aswive hi ntalu ku n'wine.

I Ptr 1:2 Referans Kwoze

II Tsl 2:13

Kambe loko ali hine, vamakweru lava varandrekaka Hosisni, hi fanela kutlangela Xikwembu Nkulukumba, himinkama hinkwayu hikola kwenu. Hikusa Yone yin'wihlawulile akuva vakuranga kuyamukela kuhuluxiwa, hi ntiro wa Moya ni hi kupfumela kwenu ku xihlayelamfuri.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

Va-Heberu 12:24

ni ku Yesu, mutlhanganisi wa xipfumelelanu leximpswha, ni ngati ya xuvo leyi yihlayaka leti tinene kutlula ya Abele.

Rm 11:2

Xikwembu Nkulukumba angatxukumetanga tiko drakwe, ledri angadrihlawula kehe kusunguleni. Xana n'wine an'wiswitivi leswi a Matralwa ya Kuxwenga ma hlayaka swone ha Eliya lweyi a rambelaka Israyele ku Xikwembu Nkulukumba?

II Ptr 1:2

A timpswalu ni kurula aswin'witaleli, akutiveni ka Xikwembu Nkulukumba na Yesu Kriste, Hosi yeru.

Mintiro Ya Vapostola 2:23

anyiketiwi, hi kulandra makungu ni kuvona ka nkongometo wa Xikwembu Nkulukumba, kutani n'wine n'wimudlayile hi kumuvamba hi mavoko ya vadohi;

Rm 16:26

swoswi dri vonekisiwi hi mabuku ya vahlayi va ritu swanga hi leleto dra Xikwembu Nkulukumba lweyi angakone hila kungahelikiki. Kutani dri nyikiwi matiko hinkwawu leswaku wone mayamukela kupfumela.

II Tmt 2:10

Hi swoswo ni tiyisela ku hinkwaswu hinkonta ya lava vahlawuliwiki, akuva na vone vakuma kuhuluka loku kunga ku Kriste Yesu, kun'we ni kuphatima loku kungahelikiki.

I Kor 6:11

Hi leswi afaka n'wili swone, van'we ku n'wine; kambe n'wihlampswiwile, mfuri n'wixwengisiwile, n'wiva n'wiyentxiwa lava valulamiki hi vito dra Hosi yeru Yesu Kriste, ni hi Moya wa Xikwembu Nkulukumba weru.

Marka 13:27

Kutani yene ataruma swirun'wa, kuhlengeleta vahlawuliwa vakwe. Kusukela avugan'wini byin'we bya misava, kuyatlhasa ku vugamu byin'wana.

Marka 13:20

Mfuri, loko afa a Hosi yingapumbanga a masiku lawo, afa kungatihuluka mhunu ni mun'we. Kambe hinkonta ya vahlawuliwa, lava Xikwembu Nkulukumba avahlawuliki, agomisi masiku wolawo.

Va-Heberu 10:22

A hitrhindrekeleni hi mbilu leyi nene, ni hi kupfumela loku tiyiki, na hili ni timbilu leti tibasisiwiki, ni kubasisiwa lipfalu ledri nfani, ledri n'winhlampsiki hi mati lawa ya kubasa.

Rm 16:19

A kudumbeka loku n'winganaku ku Kriste kutibyiwa matlhelo hinkwawu, kolahu na trhava ha n'wine. Kambe nidjula leswaku n'witlhariha swinene n'wilandra leswinene, ni kunabyala n'witatingawula swakubiha.

Rm 8:33

Hi mani lweyi angarambelaka lava Xikwembu Nkulukumba a vahlawuliki xana? I Xikwembu Nkulukumba avahlayiki valulami.

Lk 18:7

Xana Xikwembu Nkulukumba ana angalulamiseli vahlawuliwa vakwe, lava vabandlukanaka ku yene vusiku ni nhlikanhi, na alehisa mbilu ha vone?

Mt 24:24

Hikusa kutahumelela lava vatakatihlaya va Kriste hi madrimi, ni vaprofeta va madrimi, vatakahumexa swikombiso leswi swikulu ni mahlolana, akuva loko swikoteka, kukanganyisiwa na vone a vahlawuliwa.

Mt 24:22

Loko a masiku lawo amangagomisiwanga, afa kungahulukanga mhunu ni mun'we; Kambe hinkonta ya vahlawuliwa, amasiku lawo matagomisiwa.

I Ptr 2:9

Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;

Va-Heberu 11:28

Hi kupfumela, a yentxi nkhuvu wa Pasika ni kuxuva hi ngati akuva a ntrumi ya vuhelisi yinga khumbi mativula ya vana va-Israyele.

Rm 15:16

akuva mutireli wa Yesu Kriste amakari ka va-Matiko. A ntirweni wa kutivisa Ivangeli ya Xikwembu Nkulukumba, leswaku va-Matiko vata kombisiwa ku Hosi swanga mhamba leyi trhavisaka ni leyi basisiwiki hi Moya wa Kuhlawuleka.

Rm 8:13

Loko n'wine n'wihanya hi kunavela ka nyama, n'wikongoma kufeni; kambe loko hi Moya n'widlaya mintiho ya vudohi, xileswo n'wine n'witahanya.

Rm 1:7

Nitralela n'wine hinkwenu, Xikwembu Nkulukumba an'wirandriki, an'wivitaniki a kuhanyela Yene. Ingi Xikwembu Nkulukumba, Tatana weru, na Yesu Kriste Hosi yeru vangan'winyika timpswalu ni kurula.

Rm 1:5

Kuvi hikola kwake hi yamukeliki a timpswalu ni vurumiwa, kuyisela kuyingiseteni ka kupfumela, amakari ka vhanu va-Matiko hinkwawu hinkonta ya vito drakwe.

Mintiro Ya Vapostola 15:18

leyi yinyikiki kutibyiwa mintxhumu leyi kusukela minkama ya khale.

Yd 1:2

a lirere ni kurula ni lirandru aswiyandrisiwe ku n'wine.

Va-Heberu 5:9

Kuti loko ahetisekisiwile, andruluki Muvangi wa huluku ledri dringahelikiki ku hinkwavu lava vamuyingisetaka.

Va-le-Kolosa 3:12

Leswi angavahlawuliwa va Xikwembu Nkulukumba, vaxwengi ni varandriwa hi leswo-ke vanani ni lilondro ni vunene, kutitrongohata ni kunabyala, ni kulehisa ka mbilu.

II Kor 10:5

ni kutikukumuxa hinkwaku loku kuhumelelaka akulwa ni vutivi bya Xikwembu Nkulukumba, Hiva hiyentxa miyanakanyu hinkwayu miyingiseta Kriste.

Rm 11:28

Hi kuyelana ni Ivangeli, a va-Yuda i valala va Xikwembu Nkulukumba hinkonta yenu. Kambe vahatama vava vahlawuliwa va Xikwembu Nkulukumba hinkonta ya vakokwana vavu.

Mintiro Ya Vapostola 20:32

Kutani nin'wibeka ku Xikwembu Nkulukumba ni le ritwini dra timpswalu takwe, lweyi akotaka kun'wiyakisa, ni kun'winyika a pfindla kun'we ni hinkwavu lava vahlawulekisiwaka.

Tito 1:1

Mine Pawulosi nandra wa Xikwembu Nkulukumba ni mupostola wa Kriste Yesu, hi kulandra a ntiro wa kupfumela ka vahlawuliwa va Xikwembu Nkulukumba ni kutiva a xihlayelamfuri lexi xifambelanaka ni vukhongoti,

I Kor 1:30

Kambe n'wine n'wi vakwe, hi le ku Yesu Kriste, lweyi ku hine andrulukiki vutlhari, ni vululami, ni kuxwenga, ni vutiruli hi kurandra ka Xikwembu Nkulukumba,

Marka 13:22

Hikusa kutahumelela lava vatihlayaka vaku mine ni Kriste, hi madrimi, ni profeta va madrimi vatakahamba ni swikombiso ni mahlolana, akuva vakanganyisa vahlawuliwa va Xikwembu Nkulukumba, loko swingakotekaka.

Mt 24:31

Ataruma a tintrumi takwe hi mpfumawulu wa mhalamhala, akuva swihlengeleta vahlawuliwa vakwe vapfa ku mune wa matlhelo ya misava, kusukela ku tlhelo drin'we kuyatlhasa ku tlhelo drin'wana dra tilo.

II Yhn 1:13

A vana va makwenu wa wansati angamuhlawuliwa, vakudrungula.

II Yhn 1:1

Mine murangeli lwenkulu, ni tralela nkosikazi leyi yilangiwiki, ni vana va yone lava ni varandraka hi xihlayelamfuri, kutani ange mine ntsena, kambe na kone, ni hinkwavu lava tivaka xihlayelamfuri.

I Ptr 1:14

n'wiva swanga vana va kuyingiseta, n'wingayi hi kunavela kwenu ka khale, ankama afaka n'wingasinativa ntxhumu;

I Ptr 1:19

kambe hi ngati ya lisima drikulu ya Xihambana lexi xingalikina vulema kumbe bati dra nandru, anga Kriste,

I Ptr 1:20

lweyi hi tlhelo drin'we arangiki kutiviwa na misava mingasinavumbiwa, kambe hi tlhelo drin'wana angavonekisiwa avugan'wini bya minkama hikola kwenu,