I Ptr 1:11 - Testamente Ledrimpswha ni Mapsalma

¹¹ na vadjulisisa kutiva leswaku atava wini kumbe wa kuyini a nkama lowu a Moya wa Kriste, lowu afaka wuli ku vone wukongometa wone, na wutiyisa hi tlhelo dra tinxanisa leti afaka tikongoma Kriste, ni kuphatima loku afaka kutalandrela, ntrhaku ka leswo.

I Ptr 1:11 Referans Kwoze

II Ptr 1:21

Hikusa a kungiva ni vuprofeta ni byin'we byitivisiwiki hi kurandra ka vumhunu, kambe, a vhanu vakuhlawuleka vakhaneli na swipfa ku Xikwembu Nkulukumba, na vafambisiwa hi Moya wa Kuxwenga.

Rm 8:9

Ke, n'wine swoswi an'wihanyi nyameni, kambe n'wihanya Moyeni, loko hakunene n'wini Moya wa Xikwembu Nkulukumba. Loko mhunu ange na Moya wa Kriste, ahi wa Kriste.

Mpfuletelo 19:10

Kolahu ni wela minengeni ya yone akuva ni yigandrela, kambe yone yiku ku mine: Im'hi! Ungayentxi leswo! Mine ni nandra-kuloni ni wa vamakwenu lava vanga ni vumboni bya Yesu. Gandrela Xikwembu Nkulukumba. Hikuva a vumboni bya Yesu i Moya wa kurera kweru.

Gl 4:6

Hikusa n'wine n'wi vana, Xikwembu Nkulukumba arumi Moya wa N'wana wakwe atimbilwini teru, lowo wu bandlukana: Abba, swidjulaka kuhlaya leswaku: Tatana!

Yohana 12:41

Ezaya ahlayi leswo, loko avoni kutwala ka Yesu, na kone, akhaneli ha yene.

Lk 24:44

Yesu ahangaku ku vone: Hiwo maritu lawa ningan'wibyela, loko nahali na n'wine niku: Swifanekeli kuhetiseka hinkwaswu leswi swingatraliwa hinkonta yanga aNawini wa Moxe ni le madrunguleni ya vaprofeta ni le Swidrumiseni.

Mt 26:24

A N'wana wa Mhunu awafamba swanga hi leswi kutraliwiki ha yene; kambe yowee lweyi a mhunu lweyi a N'wana wa Mhunu awongiwaka hi yene! Afa swi swahombe ku mhunu lweyo, loko afa angabelekiwanga.

Mintiro Ya Vapostola 16:7

vatlhasa tikweni dra le Misiya, vadringisa kuya Bitiniya, kambe a Moya wa Yesu awuvapfumelelanga.