I Kor 2:1 - Testamente Ledrimpswha ni Mapsalma

¹ Na mine, vamakweru, loko nitlhasile ku n'wine, anatanga hi maritu ya kutlakuka kumbe ya vutivi akuva nin'witivisa a xihundla xa Xikwembu Nkulukumba.

I Kor 2:1 Referans Kwoze

I Kor 1:17

Hikusa Kriste anganirumanga kuyababatisa, kambe ntsena a kuyativisa a Ivangeli, na ningatirisi vutlhari bya maritu, akuva swingatisusa lisima axihambanwini xa Kriste.

I Kor 2:13

a mintxhumu leyi hikhanelaka ha yone kungali hi maritu ya kudondrisiwa hi vutlhari bya vumhunu, kambe hi maritu lawa madondrisiwiki hi Moya, na hili kari hitlhamuxela a swa Moya ku lava vanga va Moya.

I Kor 2:4

na kone a ritu dranga ni kurera kwanga, aswavanga swa maritu ya vutlhari bya kukholwisa, kambe kuvi kukombisa ka ntamu wa Moya,

II Tmt 1:8

Hileswo-ke ungave ni tingana hi vumboni bya Hosi yeru, nambi kakuva ha mine, ninga mubohiwa wa yone; kambe yingela kuvaviseka kun'we na mine, a Ivhangeleni leyinene, hi ntamu wa Xikwembu Nkulukumba;

Rm 16:18

hikusa volavu avatireli Kriste Hosi yeru, kambe, ina votirela makhuri yavu. Hi maritu yavu lawa ya hombe ni hi kukutxa, vakanganyisa vhanu lava vangeke na rengu.

II Kor 11:6

Nambi loko mine ningatlharihanga aku khaneleni, kambe aswitanu hi kutiva, mfuri hi vonekisiwile ku n'wine hi matlhelo hinkwawu, ni le mintxhun'wini hinkwayu.

Mpfuletelo 1:2

lweyi avikini kutiyisa ku ritu dra Xikwembu Nkulukumba ni ku vumboni bya Yesu Kriste, mayelano ni hinkwaswu leswi yene aswivoniki.

I Yhn 4:14

Hine hiswivonile kutani hinyika vumboni bya leswaku Tatana arumi N'wana wakwe akuva Muhuluxi wa misava.

II Tsl 1:10

Dri tava siku ledri a Hosi yitaka tela kubekeliwa xihluwa hi hinkwavu ni vahlawuliwa va yone, ni kukutxiwa hi hinkwavu lava yamukeliki vupfumeli. Na n'wine mipfumeli mhaka yeru ya Ivangeli.

I Kor 1:6

swanga hi leswi a vumboni bya Kriste byitiyisiwiki ku n'wine,

Mintiro Ya Vapostola 22:18

Kutani lweyi afaka akhanela aku ku mine: Hangwesa uhuma Yerusalema, hikusa vangatiyamukela a vumboni byaku ha mine.

Mintiro Ya Vapostola 20:21

na nitiyisa mahlweni ka va-Yuda ni le ku va-Girika a kundrulukela ku Xikwembu Nkulukumba ni kupfumela ku Hosi yeru Yesu Kriste.

Mpfuletelo 19:10

Kolahu ni wela minengeni ya yone akuva ni yigandrela, kambe yone yiku ku mine: Im'hi! Ungayentxi leswo! Mine ni nandra-kuloni ni wa vamakwenu lava vanga ni vumboni bya Yesu. Gandrela Xikwembu Nkulukumba. Hikuva a vumboni bya Yesu i Moya wa kurera kweru.

Mpfuletelo 1:9

Mine Yohana, makwenu ni muhlengeli na n'wine akuxanisiweni, ni le Mfun'wini, ni le kutiyiseleni loku kunga ku Kriste, nivi axihlaleni lexi xitxhuliwaka Patimosi, hinkonta ya ritu dra Xikwembu Nkulukumba, ni vumboni bya Yesu.

I Tmt 1:11

swanga hi kulandra a Ivangeli ya kuphatima ya Xikwembu Nkulukumba lweyi akhensiwaka, leyi nirwexiwiki yone.

II Kor 10:10

Avan'we vataku: A mapapela yake mabindra, manonon'hwa, kambe avukone byake byini gome, na wone a maritu yake madreleka.

Rm 16:25

I Xikwembu Nkulukumba lweyi angaswikotaka a kun'wiyentxa n'witiya kupfumeleni, kufambelana ni Ivangeli leyi niyitivisiki ni hi ritu dra Kriste, swanga hi leswi hi nyikiwiki kutiva kungu dra matilo dra huluxo. A kungu ledro, dri fihliwiki kehe ku minkama hinkwayu,

I Kor 2:7

kambe hivulavula hi vutlhari bya Xikwembu Nkulukumba, anga xihundla lexi xifihlekiki, lebyi Xikwembu Nkulukumba abyibekiseliki a kutwala kweru na minkama mingasinava kone;