II Tsl 3:4 - Testamente Ledrimpswha ni Mapsalma

⁴ Hinyika kudumba ku Xikwembu Nkulukumba leswaku n'wine n'witaya mahlweni minkama hinkwayu n'wiyentxa leswi hi n'wileletiki.

II Tsl 3:4 Referans Kwoze

I Tsl 4:10

Hikusa mfuri n'waswiyentxa leswo ku vamakweru hinkwavu lava vanga tikweni dra Makedoniya. Kambe ha n'witratriya, vamakweru, leswaku n'wiyentxa hi kutlulisa.

Va-le-Filipiya 1:6

Nini kudumba ka leswaku lweyi a sunguliki ntiro wa kuxonga ku n'wine, atawuyisa mahlweni kukota kuva hi siku dra Kriste Yesu.

Filimoni 1:21

Hikudumba loko ninga naku, hi kuyingelisisa kwakwu, ni kutralelaka leswi, na nitiva leswaku utayentxa leswi ni kukombelaka, mfuri ni kutlula leswo.

Va-le-Filipiya 2:12

Kolahu-ke vamakweru, swanga hi leswi n'wiyingisetiki minkama hinkwayu, na angali ntsena hi loko afa nili kone kolahu, kambe kutlula swoswi ningaliki kone, hi swoswo na kone n'witirela kuhuluka kwenu hi kutitrongohata ni kururumela;

II Kor 2:3

Leswo ni n'witraleli akuva loko nitlhasile halanu, ni ngavi ni kuvaviseka hikola ka lava afaka vafaneli kuni trhavisa; kambe hi kun'widumba n'wine hinkwenu, ni kutiva leswaku a kutrhava kwanga i kwenu na n'wine.

II Tsl 3:12

Hidjula kun'wileleta hi kuswihanyisisisa ku lava kunhati, hi vito dra Hosi Yesu, leswaku a vatire hikurula ni kukuma kati ledri vadaka.

II Tsl 3:6

Vamakweru hidjula kun'wileleta hi vito dra Hosi yeru Yesu Kriste, leswaku n'witravukana ni hinkwavu vamakweru lava vahanyaka na vangayentxi ntxhumu, na vangalandrikiki tidondro teru ni swihila leswi vaswiyamukeliki ku hine.

Mt 28:20

n'wivadondrisa a kubekisa hinkwaswu leswi nin'wileletiki swone. Na swone lavisani, mine nina n'wine masiku hinkwawu kukondra kuhela a minkama.

Gl 5:10

Mine na n'widumba Hosini leswaku n'winga yanakanyi swimbeni. Hikusa lweyi an'wikarataka atarwexiwa ku yavanyisiwa, angava mani na mani.

II Kor 8:22

Kun'we na vone hi n'wirumela mun'wana makweru, lweyi ha kanyingi hi bekaka kudumba, hikola ka leswo ha switiva leswaku ha kanyingi alulamela a kupfuna. Swoswi leswi angani kun'widumba ngopfu, ahali ni kunavela ngopfu akupfuna.

II Kor 2:9

Avi hikolahu ni n'witraleliki akuva ni n'wikamba ni kuvona leswaku n'winikuyingiseta.

I Kor 14:37

Loko a wa kukari apimisaka leswaku i muprofeta kumbe leswaku i wa moya, ativisise leswi nin'witralelaka swone, leswaku i leleto dra Hosi;

I Kor 7:19

A kusoka ahi ntxumu, ni kukala a kusoka ahi ntxhumu; a swa lisima i kubekisa a swileleto swa Xikwembu Nkulukumba.

Rm 15:18

Hikusa mine anitiyi nhlana wa kukhanela loko kunge hi leswi Kriste aswi yentxiki ha mine akuva ni yisa va-Matiko kuyamukela Xikwembu Nkulukumba. Leswo swi yentxiwi hi maritu ni mintiho,

Rm 15:14

Mine, nini kudumba vamakweru, hikola kwenu, leswaku n'witali hi vunene, n'witali hi vutivi byinyingi, n'witibekiseli akuva n'wilayana van'we ni van'wana.

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.