II Tsl 1:3 - Testamente Ledrimpswha ni Mapsalma

³ I mfanelo yeru kutlangela Xikwembu Nkulukumba hi minkama hinkwayu ha n'wine vamakweru. Swanga hi leswi swifanelekiki, hikusa a kupfumela kwenu kuvi kukula ni kuhuhuma ka lirandru drenu ku mun'wana-ni-mun'wana dra yengetelana.

II Tsl 1:3 Referans Kwoze

II Ptr 3:18

Kutlula hinkwaswu, yanani mahlweni n'wikula atimpswalwini ni le kutiveni ka Hosi yeru ni Muhuluxi Yesu Kriste. Ku yene akunyikiwe lidrumu, kusukela swoswi nikuyatlhasa sikwini ledringahelikiki! Amen.

II Tsl 2:13

Kambe loko ali hine, vamakweru lava varandrekaka Hosisni, hi fanela kutlangela Xikwembu Nkulukumba, himinkama hinkwayu hikola kwenu. Hikusa Yone yin'wihlawulile akuva vakuranga kuyamukela kuhuluxiwa, hi ntiro wa Moya ni hi kupfumela kwenu ku xihlayelamfuri.

I Tsl 4:1

A vugan'wini vamakweru, ha n'wikombela ni kun'witratriya ku Hosi Yesu leswaku, swanga hileswi n'wiyamukeliki ha hine leswi n'wifanekelaka kufambisa xiswone akuva n'witatrhavisa Xikwembu Nkulukumba, fambisani xiswoswo, akuva n'wiya mahlweni hi kuyandra ngopfu.

Va-le-Filipiya 1:9

Nakone nikhongota leswaku a lirandru drenu drihundrisa a kukula hi vutlhari ni kuyingelisisa,

I Tsl 3:12

A Hosi yinga yengetela ni kuyentxa lirandru drenu drikula ku van'we ni kuva van'wana ni kuhinkwavu. Swanga hi leswi na hine hin'wirandraka.

Yohana 15:2

A likambu lin'wana ni lin'wana ledringa ku mine, ledringabekiki mihandru, awadritrhema; kambe drin'wana ni drin'wana ledri dribekaka mihandru awadrikhakhata, akuva dritahundrisa kubeka mihandru.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

I Tsl 3:9

hikusa hingamutlangela hayini Xikwembu Nkulukumba hi kunyoxa hinkwaku loku hi nyikiwaka hinkonta yenu amahlweni ka Xikwembu Nkulukumba weru,

Rm 1:8

A kusungula nitlangela Xikwembu Nkulukumba wanga ha Yesu Kriste, hinkonta yenu hinkwenu, hikusa amisaveni hinkwayu kukhaneliwa hi kupfumela kwenu.

II Ptr 1:13

Nambi swili tanu, na nahali kola antrongeni, nipimisa leswaku swilulamile kun'wikawuka hi swidrimuxo leswi,

I Tsl 3:6

Kambe leswi Timotewu abuyiki swoswi, atatava na hine na ahitisela madrungula manene ya vupfumeli byenu ni lirandru, ni leswi n'wihidrimukisaka xiswone minkama hinkwayu, n'winikuhlunyela ngopfu kuhivona, swanga hileswi na hine hin'wihlunyelaka,

Va-le-Filipiya 1:7

Mfuri swilulamile leswaku ni n'wiyanakanya swoswi n'wine hinkwenu; hikusa ni na n'wine hinkwenu ambilwini, angava kubohiweni, nambi kutimpfekeleni ni kutiyiseni ka Ivangeli, na kone n'wivayaveliwa-kun'we na mine atimpswalu.

Ef 5:20

Tlangelani Xikwembu Nkulukumba, Tatana weru hi minkama hinkwayu, hikola ka hinkwaswu, hi vito dra Hosi yeru Yesu Kriste.

I Kor 1:4

Nitlangela Xikwembu Nkulukumba wanga minkama hinkwayu ha n'wine, hinkonta ya timpswalu leti Xikwembu Nkulukumba an'winyikiki tone ha Yesu Kriste,

Lk 17:5

Kutani a vapostola vaku ku Hosi: Hi yengeselele kupfumela.

Lk 15:32

Kambe afa swifanela hi trhava ni kutlangela, hikusa a makwenu lweyi afa afile kutani ahanyile, afa lahlekile, kutani akumikile.

II Kor 10:15

Na hingatitwalisi handle ka mpimu amintirweni ya van'wana vhanu, na hili ni kulavisela ka leswaku, loko n'wikula akupfumeleni kwenu, hitavani kukhensiwa loku kukulu amakari kwenu, andreni ka mindrelakana leyi Xikwembu Nkulukumba angahinyika yone,

II Tsl 2:1

Leswi kongomaka a kubuya ka Hosi yeru Yesu Kriste ni kutlhanganisiwa kweru kun'we na yene,