II Tmt 4:2 - Testamente Ledrimpswha ni Mapsalma

² Rera ritu, utiyisa hi nkama lowu faneliki, ni hinkama lowu wungafanelikiki, khata, khongotela, khwavela hi mbilu ya kuleha, ni hi kudondrisa.

II Tmt 4:2 Referans Kwoze

I Tsl 5:14

Ha n'wikombela mfuri vamakweru, akuva n'wiluleka lava vakukala vangatibekisi, tiyisani lava vaheliki timbilu, byatrhani lava vagome, n'wilehisela hinkwavu ambilu.

Tito 2:15

Hlaya a mintxhumu leyi na utratriya uva ukawuka hi ntamu hinkwawu; kungavi na mhunu lweyi akudrelaka.

I Tmt 4:13

Tinyiketeli akuhlayeni ka Matralwa, akutratriyeni, ni le kudondriseni kukondra nitlhasa.

Mpfuletelo 3:19

Mine nikhwavela niva nikhata lava nivarandraka, hileswo-ke, ufanela a kukhinyela na utisola!

Tito 1:13

A vumboni lebyi byitiyisile; hi kola ka leswo, utavakawuka hi ntamu, akuva vahanya akupfumeleni,

II Tmt 2:21

Ke, loko mhunu atinhlampswa ku swihoxo leswo, atava xibya xa ntiro lowu wa hombe, lexi xixwengisiwiki, lexi pfunaka swinene n'winyi wa xone, lexi bekeliwiki mintiro hinkwayu le minene.

Gl 6:6

Lweyi adondrisiwaka ritu, apumbele mintxhumu hinkwayu lweyi amudondrisaka.

Rm 12:12

Nyoxani akulaviseleni, n'wiva ni xixixi amahlomulweni, n'witiyisela a kukhongoteni.

II Tmt 3:10

Kambe wene unilandrisisi adondrweni yanga, ni le mahanyeleni, ni le makungwini, ni le kupfumeleni, ni le kunabyaleni, ni le lirandrwini, ni le kutiyiseleni.

I Tmt 5:20

Lava vadohaka, vakhate amahlweni ka hinkwavu, akuva van'wana na vone vatavani kutxhava.

Va-le-Kolosa 1:25

Ledri mine ningayentxiwa murumiwa, hikola ka kuntrhunxiwa hi Xikwembu Nkulukumba, akuva aniruma ntiro wa kuhetisisa a ritu dra Xikwembu Nkulukumba ku n'wine.

Rm 10:15

Nakone vatarerisa kuyini loko vangarumiwanga? Swanga hi leswi kutraliwiki: ahikuxonga ka minenge leyi mitivisaka Ivangeli!

Mintiro Ya Vapostola 20:7

Hi siku dra kusungula dra vhiki, na hihlengeletaneli kukhemelela a kati, Pawulosi, leswi afaka adjula kusuka hi siku ledri drilandrelaka, akhanela na vone kukondra kuva makari ka vusiku.

Mintiro Ya Vapostola 16:13

Hi siku dra Savata hihumi handle ka muti hiya nambyeni, lomu afaka hipimisa leswaku kuni mbangu wa swikhongoto; hitrhamisa kone, hi khanela ku vavasati lava afaka vahlengeletani kone.

Lk 9:60

Yesu aku ku yene: Trika vafi valahla a vafi vavu, wene famba uya tivisa ta Mfumu wa Xikwembu Nkulukumba.

Lk 7:4

Vone-ke vatlhasa ku Yesu vamukhongota ngopfu vaku: A ndruna leyi yifanekeli kupfuniwa,

I Tsl 5:20

N'wingadreli a vaprofeta.

Lk 7:23

Akatekile lweyi angakhunguvanyekiki ha mine.

II Tmt 2:25

A dondrisa avakaneti vakwe hi kunabyala akuva kumbe xana Xikwembu Nkulukumba angavanyika kundruluka, vativa ni xihlayelamfuri,

Va-Heberu 13:22

Na n'witratriya vamakweru, leswaku n'wilehisela mbilu ku maritu lawa ya kun'witiyisa. Hikuva nin'witralela mange mangani.

Mintiro Ya Vapostola 28:16

Loko hitlhasi a Roma, Pawulosi apfumeleliwa ku titrhamela vuswake, kun'we ni musotxha lweyi afaka amulavisela.

Mintiro Ya Vapostola 13:5

Loko vatlhasi le Salamina vadondrisa a ritu dra Xikwembu Nkulukumba amasinagogeni ya va-Yuda. Afa vali na Yohana Marka mupfuni wavu.

Va-le-Kolosa 4:3

N'wihikhongotela na hine mfuri, akuva Hosi yi ta hipfulela nyangwa ya kurera ritu, akuva hikota ku vulavula hi kungu dra Kriste, xileswo mfuri ningabohelweni hinkonta ya drone.

I Tsl 1:6

N'wine n'wiyentxeliwi vayetisi veru ni Hosi, n'wiyamukela Ritu ahlomulweni lowu wukulu, hi kutrhava loku pfaka ku Moya wa Kuxwenga,