II Tmt 3:3 - Testamente Ledrimpswha ni Mapsalma

³ lava vapfumalaka lirandru, lava vangadumbekikiki, lava vakulumbeta, lava vangativikiki kutikhoma, lava vakulebya, lava vangarandrikiki leswinene;

II Tmt 3:3 Referans Kwoze

Yd 1:18

Afa va n'wibyela vaku: Ankameni wa vugamu kutava ni vhanu lava taka kanganyisa van'wana, lava vatakafamba hi kunavela kwavu.

Rm 1:31

Vakuka vangena lipfalu, vakuka vanga dumbekanga, vakupfumala lirandru ni lirere van'we ku van'wana.

Mt 10:21

Na swone, a mhunu atanyiketa makwavu akudlayiweni, ni tatana atanyiketa n'wana; a vana vatapfukela a vapswali, kutani vatavadlaya.

II Ptr 2:14

Amahlu yavu matali hi vuwoswi lawa mangatrikiki kudoha, vareya mimoya leyi mingatiyangakiki vani timbilu leti titaliki hikurandra vufuyi. I vhanu lava varuketeliwiki.

I Tmt 3:11

Aswive xitanu na vone a vavasati, avave lava vafaneliwaka hi xitxhavu, vangavi va mahlevo, vava lava vatipimelelaka akudeni ni le kunweni, vava lava vadumbekaka ku hinkwaswu.

Mt 4:1

A Moya wuyisi Yesu ahuleni, akuva Diyavulosi amudringa.

Mpfuletelo 17:6

Kutani nivona lweyi wansati na apopswi hi ngati ya tinsasi ni ngati ya timboni ta Yesu; kutani loko nimuvona, nihlamala ngopfu hi kuhlamala lokukulu.

Mpfuletelo 16:6

hikusa vahalati ngati ya valulami ni ya vaprofeta, na wene uvanyiki kunwa ngati, hi leswi swivalulameliki.

Mpfuletelo 13:17

Akuva kungavi na mhunu lweyi akotaka kuxava ni kuxavisa, loko ange lweyi angani xikombiso, kumbe vito dra xihari xa kulebya, kumbe a nhlayo ya vito dra xone.

Mpfuletelo 13:15

Xinyikiwi ntamu wa kunyika kuhefemula ku xifaniso xa xihari xa kulebya, akuva na xone xifaniso xa xihari xakulebya xikota kuvulavula, ni kuva xiyentxa leswaku kudlayiwa hinkwavu lava vanga gandrelangakiki a xifaniso xa xihari xa kulebya.

Yd 1:16

Lava hi lava n'unun'utelaka, lava hlatiyelaka hi kunavela kwavu, a milomu yavu mivulavula mandrendre, na vatiyentxa lava randrekaka ku van'wana kambe ntsena kuli kutidjulela swavu.

II Ptr 3:3

Akusungula ka hinkwaswu n'wifanela kutiva leswaku masikwini ya vugamu kuta humelela vhanu, avahleki ni swisandri swavu, vatifambela mayelanu ni kunavela kwavu

Yakobe 2:6

Kolahu-ke, n'wine van'wana n'widrela swisiwana. Kambe xana ahivapfundri lava van'wixanisaka, ahivone lava van'wikokoviselaka a tihubyini ta kuyavanyisa xana?

Tito 2:3

xiswoswo na vone a vavasati lava vakuliki ngopfu, avave ni mahanyela la makhensekaka, vangave va mahlevo kumbe swikarawa swa byala, kambe vava vadondrisi va leswi swinene,

Tito 1:8

kambe ave murureli wa vayeni, ava mhunu wa hombe, wa kutlhariha, murandri wa leswinene, akotaka kutikhoma, mululami, wa kuxwenga, arandraka a kulandra a nawu,

I Tsl 4:8

Hikolahu, lweyi a drelaka leswi anga dreli mhunu, kambe a drela Xikwembu Nkulukumba, lweyi ahinyikaka nawone a Moya wakwe wa Kuxwenga.

I Kor 7:9

Kambe loko vahluleka a kutikhoma, avatekane, hikusa swayapswa kutekana kutlula a kupswha hi kunavela.

I Kor 7:5

N'wingatronananeni, handle ka loko n'wiyingelanile hi nkamanyana, akuva n'witinyiketa akukhongoteni, kambe n'witatlhela n'wiva kun'we akuva Sathana angatxhuki an'widringa hi kuhluleka kwenu ka kutikhoma.

Yohana 6:70

Yesu avayangula aku: Xana ahi mine ningan'wihlawula, n'wine lava va khume na vabiri? Kasi mun'we ku n'wine i Diyavulosi

Lk 16:14

A Vafarisi vanga varandri va mali, afa vayingela hinkwaswu leswo, vahleka Yesu.

Lk 10:16

Ntrhaku abyela a vadondrisiwa aku: Lweyi an'wiyingelaka, awa niyingela; nangweso lweyi an'widrelaka, awanidrela; mfuri lweyi anidrelaka adrela lweyi anirumiki.

II Ptr 2:19

Vadumbisa kuntrhunxeka, na kasi vone i swikarawa swa vuhoneki, hikusa mhunu mun'wana-ni-mun'wana i xikarawa xa leswi mufumaka.

Rm 1:29

Vataliki hi vusomboloki hinkwabyu, ni kunavela, ni vubihi, ni matrhoho, ni vudlayi, ni pfilumpfilu, ni madrimi, ni mona ni kuhleva.