II Tmt 2:7 - Testamente Ledrimpswha ni Mapsalma

⁷ Yanakanya leswi ni kubyelaka; hikusa Hosi yita kunyika kutlhariha atimhakeni hinkwatu.

II Tmt 2:7 Referans Kwoze

Yakobe 1:5

Kambe loko wa kukari angenavutlhari bya kudringana a akombele ku Xikwembu Nkulukumba lweyi hananaka hinkwavu mahala na angasoli, kutani atan'winyika.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

Lk 24:45

Kahangava kone apfulaka swifuva swavu, akuva vayingelisisa Matralwa

Yohana 14:26

Kambe Mutxhaveleli, wunga Moya wa Kuxwenga, lowu Tatana atakawurumela hi vito dranga, wutan'widondrisa hinkwaswu, ni kun'widrimuxa hinkwaswu leswi ni n'wibyeliki swone.

Yakobe 3:17

Kambe a vutlhari lebyi pfaka hi le henhla i kusungula ka hinkwaswu, kubasa; byirulile, ni kunabyala, ni kuyingelana, byitali hi lirere, mintiro ya hombe; abyi yentxi xihlawu-hlawu xa vhanu, abyi na kutiyentxisa.

I Tmt 4:15

Yanakanya leswo utiyisela ku swone, akuva akuya-mahlweni kwaku kuvoneka ku hinkwavu.

Va-le-Kolosa 1:9

Hileswo-ke, na hine kusukela siku ledri hiyingeliki leswo, a hi yimi kun'wikhongotelela ni kun'wkombelela leswaku n'witala hivutivi byakurandra kwake, avutlharini hinkwabyu ni kuyingelisisa loku pfaka ku Moya wakwe,

Yohana 16:13

Kambe yelweyo ataku loko atile, wunga Moya wa xihlayelamfuri, atan'wifambisa axihlayelamfurini hinkwaxu. Hikuva angaka angavulavuli ha swake, kambe hinkwaswu leswi atakaswiyingela ataswihlaya, na kone atan'witivisa ni leswi switakahumelela.

Lk 21:15

hikusa mine nitan'winyika nomu ni vutlhari lebyi a valala venu hinkwavu vatakahluleka kubyikaneta ni kuyangula ntxhumu.

Va-Heberu 13:7

Drimukani vafambisi venu, lava van'wibyeliki ritu dra Xikwembu Nkulukumba, kupfumela kwavu n'wiva n'wivayetisa, na n'wihlalela vugamu bya vutomi byavu.

Va-Heberu 12:3

Yanakanyani ha yene lweyi a tiyiseliki hi ndlela leyo, loko vadohi vamukaneta, akuva n'winga trani mahikeni yenu, nambi kuhela timbilu.

Va-Heberu 7:4

Lavisani-ke, a vukulu bya kunhati bya lweyi kokwana Abrahamu, angamunyika swa vukhume dra swalisima leswi phangiwiki yimpini.

Va-Heberu 3:1

Hileswo-ke, vamakweru lava vahlawulekiki, n'wine n'wingavahlengeli va kuvitaniwa ka le tilweni, yanakanyani Yesu Kriste, lweyi anga mupostola wa Xikwembu Nkulukumba, ni muprista lwe nkulu wa vupfumeli lebyi hi byihlayaka,

Va-le-Filipiya 4:8

Avugan'wini, vamakweru, hinkwaswu leswi swinga xihlayelamfuri, hinkwaswu leswi swinkhensekaka, hinkwaswu leswi swilulamiki, hinkwaswu leswi swibasiki, hinkwaswu leswi swirandrekaka, hinkwaswu leswi swinga ni vito ledrinene, loko kuli ni leswi swinga ni vunene, ni loko kuli ni kukhenseka swiyanakanyani.

I Kor 12:8

Hikuva mun'we anyikiwa hikola ka Moya, a ritu dra vutlhari; mun'wana, hikola ka Moya wolowo, anyikiwa a ritu dra vutivi;

Mintiro Ya Vapostola 7:10

amuhuluxa amahlomulweni yake hinkwawu; amunyika timpswalu ni vutlhari amahlweni ka Faro, mufumi wa Egipta, lweyi amusimekiki kuva ndrunankulu ya Egipta ni ya yindlu yake.

Yakobe 3:15

Lebyo ahi byone vutlhari lebyi pfaka hi le henhla; kambe i bya misava, ahibya Moya, i bya Sathana.

Lk 9:44

Yingisetani swinene leswi atindleveni tenu: A N'wana wa Mhunu atanyiketiwa amandleni ya vhanu.

II Tmt 2:6

A mutrhoveli lweyi atiraka afanele akuva lweyi a rangaka akuma mihandru ya nyuku wakwe.

II Tmt 2:8

Drimuka Yesu Kriste, lwanga pfuka kufeni, wa lixaka dra Davida, hilaha nihlayaka ha kone a Ivhangeleni yanga,