II Tmt 2:21 - Testamente Ledrimpswha ni Mapsalma

²¹ Ke, loko mhunu atinhlampswa ku swihoxo leswo, atava xibya xa ntiro lowu wa hombe, lexi xixwengisiwiki, lexi pfunaka swinene n'winyi wa xone, lexi bekeliwiki mintiro hinkwayu le minene.

II Tmt 2:21 Referans Kwoze

II Tmt 3:17

akuva a mutireli wa Xikwembu Nkulukumba ava lweyi ahetisekiki, abekiseliwa mintiro leminene hinkwayu.

Ef 2:10

Hikusa hi yentxiwa ha Yene, hi vumbiwiki ku Kriste Yesu mintirweni leminene, yoleyo Xikwembu Nkulukumba hi ntshima angayibekisa akuva hi famba ku yone.

II Kor 7:1

Leswi hinga ni swidumbiso leswo varandriwa, Ahi tibasiseni swidoho sweru ku hinkwaswu, swingava swa nyama, kumbe swa moya, hi hetiseka avululameni byeru, ni kutxhava Xikwembu Nkulukumba.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

I Yhn 3:3

Lweyo ni lweyo angani kulavisela ku Yene, awa tibasisa ha swake, swanga ha Yene a basiki.

II Tmt 2:20

Kambe andlwini ya lifuyu, akuna ni swibya swa gole ni silivhela ntsena, na kone swikone ni swibya swaku vatliwa ni swavumba; a swin'we swini ntiro wa lisima ni swin'wana ntiro lowu wutrongo.

Tito 3:8

Aritu ledri dradumbeka; nidjula leswaku, mayelano ni mintxhumu leyo, utiyisa hi kudumba, akuva lava vapfumeliki ku Xikwembu Nkulukumba, vakhinyela kutinyiketa amintirweni le minene. Leswo i swinene, swipfuna vhanu.

Mintiro Ya Vapostola 9:15

Kambe Hosi yiku ku Ananiya: Famba, hikusa yelweyo, ku mine i xibya xa kuhlawuliwa, xitakatwalisa a vito dranga amahlweni ka va-Matiko, ni ka vafumi, ni ka vana va Israyele.

I Ptr 1:7

akuva a ntshima ya vupfumeli byenu, lebyi byitlulaka hi lisima a gole, ledri drisuvaka, kambe dridringiwaka hi ndrilo, yifanekela hi kukhensiwa, ni kuphatima, ni xihluwa, akutikombekiseni ka Yesu Kriste;

I Kor 5:7

Txukumetani a handrelo ya khale, akuva n'windruluka mbila yimpswha, n'wiva lava vangalikina handrelo, hikuva na drone a Paska drenu dritlhabyiwile, anga Kriste.

Tito 3:14

Na vone a vaka-kweru avadondre a kutinyiketela amintirweni leminene lomu kunganikuvilela, akuva vangativa lava vakuka-vangabindruli mihandru.

Tito 3:1

Vadrimuxe leswaku vatibeka hansi ka vafumi ni tindruna; leswaku vavayingiseta ni leswaku vatrhama na vatilulamiseli a kutira mintiro le minene;

II Kor 9:8

Xikwembu Nkulukumba akota kun'wiyandrisela hi timpswalu, akuva n'wikuma minkama hinkwayu leswin'wiyanelaka amatlhelo hinkwawu, n'witlhela n'witaleliwa hi ntiro wa kuxonga hinkwawu,

I Tmt 6:11

Kambe wene, mhunu wa Xikwembu Nkulukumba, tingawula a mintxhumu yoleyo; uva udjuletela a kululama, ni vukhongoti, ni vupfumeli, ni lirandru, ni kutiyisela, ni kunabyala.

II Tmt 2:16

Kambe tingawula maritu lawa yakusandra ya kuka ndlela, hikuva lava vahlayaka swone vatayengetela akuka vangapfumeli.

II Tmt 4:11

Luka a vuswake a kola na mine. Buyisa Marka; hikusa i mupfuni lweyi munene ku mine amintirweni.