II Tmt 2:10 - Testamente Ledrimpswha ni Mapsalma

¹⁰ Hi swoswo ni tiyisela ku hinkwaswu hinkonta ya lava vahlawuliwiki, akuva na vone vakuma kuhuluka loku kunga ku Kriste Yesu, kun'we ni kuphatima loku kungahelikiki.

II Tmt 2:10 Referans Kwoze

Va-le-Kolosa 1:24

Swoswi na nyoxa a mahlomulweni yanga hinkonta yenu, ni hetisisa leswi swisaliki swaku kuxaniseka ka Kriste hinkonta ya miri yake, inga Kereke.

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.

II Tmt 2:3

Xaniseka kun'we na mine swanga hi musotxha lweyi munene wa Kriste Yesu.

II Kor 1:6

Kambe, loko hi xanisiwa, n'wikuma kumiyetiwa ni kuhuluxiwa, ni loko hi miyetiwa, na kone kambe n'wikuma kumiyetiwa, leswo swin'wiyentxaka akuva n'witiyisela akuxanisekeni kwenu loku na hine hixanisekaka ha kone.

II Kor 4:17

Hikusa a mahlomulo ya nkama lowu wa swoswi mavevuka, mahitisela lidrumo drakuphatima loku kungahelikiki, loku kungekena kupimanisiwa.

I Ptr 2:10

n'wine lava a khale afaka n'wingali tiko, kambe swoswi n'winga tiko dra Xikwembu Nkulukumba, a khale afaka n'wingayamukelanga a lirere dra Xikwembu Nkulukumba, kambe swoswi n'wiyamukeli lirere.

I Tsl 5:9

Hikuva Xikwembu Nkulukumba angahibekelanga mahlundru, kambe hikuma huluko ha Hosi yeru Yesu Kriste,

Va-le-Kolosa 1:27

Lava Xikwembu Nkulukumba avanyiki kutiva a nhlengwe dra lidrumu dra kungu amakari ka va-Matiko, hileswaku, ku n'wine kuna Kriste lweyi anga kulavisela kwenu ka lidrumu;

Ef 3:13

Hikolahu nin'wikombela n'winga tikarati hi tinxanisa leti ni taka hundra hi le kutone, hinkonta yenu. Leswo swifanela kuva mhaka yenu ya lisima.

II Kor 4:15

Hinkwayu mintxhumu mikone hikola ka lirandru drenu, hikuva loko atimpswalu tiyandra, na kone kutlangela kuva kunyingi hikola ka lava vanyingi, akuva kutwalisiwa Xikwembu Nkulukumba.

I Kor 9:22

Ku lava va gome, nitiyentxi wa gome, akuva nikuma lava va gome; nitiyentxi hinkwaswu ku hinkwavu, akuva hi tindlela hinkwatu, nikota a kuhuluxa van'we.

Rm 9:23

akuva xiswoswo, akombisa mahlolana ya lifuyo dra kutwala kwake ku swibya swa lilondro drakwe, leswi aswibekisiki akuva switakuma lidrumo na swone,

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.

Yohana 17:24

Tatana! Nirandra leswaku hinkwavu lava uninyikiki vone, vava na mine laha ningakone: akuva vatahlalela kutwala kwanga loku uninyikiki kone, hikusa unirandrile na misava mingasitumbuluka.

Yohana 17:9

Navakhongotela, anikhongoteli misava, kambe nikhongotela lava uninyikiki vone, hikusa i vaku.

Yohana 11:52

Na swone kunge kufela tiko ntsena, kambe ni kukota kuhlengeleta vana va Xikwembu Nkulukumba lava vahangalakiki, avayentxa van'we.

Mt 24:31

Ataruma a tintrumi takwe hi mpfumawulu wa mhalamhala, akuva swihlengeleta vahlawuliwa vakwe vapfa ku mune wa matlhelo ya misava, kusukela ku tlhelo drin'we kuyatlhasa ku tlhelo drin'wana dra tilo.

Mt 24:24

Hikusa kutahumelela lava vatakatihlaya va Kriste hi madrimi, ni vaprofeta va madrimi, vatakahumexa swikombiso leswi swikulu ni mahlolana, akuva loko swikoteka, kukanganyisiwa na vone a vahlawuliwa.

Mt 24:22

Loko a masiku lawo amangagomisiwanga, afa kungahulukanga mhunu ni mun'we; Kambe hinkonta ya vahlawuliwa, amasiku lawo matagomisiwa.

II Tsl 2:14

Hikola ka Ivangeli yeru, Xikwembu Nkulukumba an'wivitaneli kutava ni xiyenge xa lidrumu dra Hosi yeru Yesu Kriste.

Lk 18:7

Xana Xikwembu Nkulukumba ana angalulamiseli vahlawuliwa vakwe, lava vabandlukanaka ku yene vusiku ni nhlikanhi, na alehisa mbilu ha vone?

I Kor 1:21

Hikusa leswi, a vutlharini bya Xikwembu Nkulukumba a misava mingamutivangakiki Xikwembu Nkulukumba hi vutlhari bya yone, Xikwembu Nkulukumba atirandreli a kuhuluxa a vapfumeli hi vusinge bya kurera a Ivangeli.

II Kor 12:15

Mine hikurandra kwanga, ni lulameli kunyiketa hinkwaswu leswi ninga naswu, mfuri na mine hi vutama byanga nitatinyiketa, akuva ni n'wipfuna; loko ni n'wirandra ngopfu, n'witanirandra kutrongo xana?

II Tmt 1:1

Pawulosi, mupostola wa Yesu Kriste hi kurandra ka Xikwembu Nkulukumba, hi xidumbiso xa vutomi lebyinga ku Kriste Yesu,

II Tmt 2:1

Wene ke, n'wananga, vana ni kutiya avumbilwini lebyi nga ku Kriste Yesu.

Tito 1:1

Mine Pawulosi nandra wa Xikwembu Nkulukumba ni mupostola wa Kriste Yesu, hi kulandra a ntiro wa kupfumela ka vahlawuliwa va Xikwembu Nkulukumba ni kutiva a xihlayelamfuri lexi xifambelanaka ni vukhongoti,

Lk 22:57

Kambe Petrosi alandrula aku: Wansati animutivi.