II Tmt 1:12 - Testamente Ledrimpswha ni Mapsalma

¹² Hileswo-ke naxaniseka ha swone; kambe anina tingana hikusa nitiva lweyi nipfumeliki ku yene, nidumba leswaku ana ni ntamu wa kubekisa leswi nibekiki ku yene, kukota kutlhasa ledro siku.

II Tmt 1:12 Referans Kwoze

II Tmt 1:8

Hileswo-ke ungave ni tingana hi vumboni bya Hosi yeru, nambi kakuva ha mine, ninga mubohiwa wa yone; kambe yingela kuvaviseka kun'we na mine, a Ivhangeleni leyinene, hi ntamu wa Xikwembu Nkulukumba;

Yd 1:24

Ke, Yene lweyi anganintamu wa kun'wibekisa kuswikhunguvanyiso, ni kun'wiyimisa mahlweni ka kuphatima kwake hikutrhava na mingena nandru,

I Ptr 4:19

Hileswo-ke, lava vaxanisekaka hi kulandra a kurandra ka Xikwembu Nkulukumba, avanyikeli a mahika yavu hi kuyentxa leswinene, ku Mutumbuluxi lweyi adumbekaka.

II Tmt 4:8

Kutani swoswi nibekeliwa ngiyana ya kululama, leyi Hosi a muyavanyisi lweyi wa kululama, yitakaninyika asikwini ledro; a nge mine swanga vatahananiwa hinkwavu lava valaviselaka kubuya kwake.

Va-Heberu 7:25

Hileswo-ke, vangaswikota kuhuluxa lava trhindrekelaka ku Xikwembu Nkulukumba, leswi ahanyaka hilaha kungahelikiki akuva ava khongotelela.

I Tmt 6:20

Ke we' Timotewu, bekisa leswi swibekiwiki ku wene hi kudumbeka, udrela a swivula-vula swakuka-ndlela ni swakusandra, ni kukanetana ka kutiva loku kuhlayisiwaka xiswoswo na kungali kutiva;

Rm 1:16

Aninatingana hi Ivangeli ya Kriste. Hikusa kunene hi wone ntamu wa Xikwembu Nkulukumba wa kuhanyisa hinkwavu lava pfumelaka, kusungula a va-Yuda ni va-Matiko.

Mt 24:36

Kambe a siku ni nkama, akuna mhunu lweyi aswitivaka, nambi tili tintrumi ta Tilo, nambi ali N'wana, loko angali Tatana ntsena.

I Ptr 1:5

n'wine lava hikola ka vupfumeli n'wibekisiwaka hi ntamu wa Xikwembu Nkulukumba akuva n'wikuma a huluxu, ledri drilulameliki kutivonekisa ankameni wa vugamu.

II Tmt 1:18

A Hosi ayimunyiki hi siku ledriya, leswaku a kuma vumbilu ku Hosi. Nakone wene wa switiva ngopfu kutlula mine, leswaku mintiro mingani aniyentxeliki le Efesa.

Va-le-Filipiya 3:21

Yene ataka ndruluta miri yeru ya kutrongahateka, akuva mifana ni miri yake ya kuphatima, hi ntamu lowu ha wone aswikotaka kubeka hinkwaswu hansi kwake.

II Tmt 2:9

Ivangeli leyi ni bohiwiki ha yone swanga ni nsulavoya; kambe a ritu dra Xikwembu Nkulukumba drone adri bohiwanga.

Va-le-Filipiya 3:10

akuva nitiva ni ntamu wa kupfuka kwake, ni kutlhangana atinxaniseni, ni ndrulutiwa hi kufana ni kufa kwake;

Va-le-Filipiya 3:8

Mfuri, nihlaya hinkwaswu leswaku i swakuka ndlela, hinkonta ya vutivi lebyi byitlakukiki ngopfu bya Hosi yanga, Kriste Yesu, hikola kwake nilahlekeliwi hi hinkwaswu, niva ni swifananisa ni swanga xambya, akuva nitakota kukuma Kriste,

I Kor 3:13

a ntiro wa mun'wana-ni-mun'wana wutavoneka alivaleni; hikusa a siku ledro dritawuvonekisa, wuvonekisiwa hi ndrilo, a ndrilo lowu wutakakambisisa a ntiro wa mun'wana-ni-mun'wana leswaku i ntiro muni!

Yohana 17:15

Anikombeli leswaku uvasusa misaveni, kambe leswaku uvaxirelela ku leswi swakubiha.

Mt 12:21

Na swone a va-Matiko vatadumba vito drakwe.

Rm 9:33

swanga hi leswi kutraliwiki: Nibeka ribye a Siyoni ledri drikhunguvanyisaka ni kuwisana; Kambe lweyi a pfumelaka ku drone angavi na tingana.

I Ptr 4:16

kambe, loko mhunu axaniseka hi leswi anga mukriste, angavenatingana, kambe atwalise Xikwembu Nkulukumba hi vito ledro.

Va-Heberu 12:2

Na hi lavisa ku Yesu hikutiya, amuvangi ni muhetisisi wa kupfumela, lweyi hi kunyoxa loku abekeliwiki kone atiyiseliki xihambanwini, adrela tingana ta xone, swoswi atrhami xineneni xa xiluvelo xa Xikwembu Nkulukumba.

Va-Heberu 2:18

Hikusa kuleswi Yene hi ntshima axanisekiki, adringiwiki, ani ntamu wa kuswikota kupfunisa lava dringiwaka.

I Tsl 2:16

Vahi sivela kurerela va-Matiko a ritu dra huluku, vatatisa mpimu wa swidoho swavu minkama hinkwayu, kambe amahludru ya Xikwembu Nkulukumba maweli henhla kwavu kutlhasa vugan'wini.

Va-le-Filipiya 1:20

Swanga hi kulavisela ni kudumba kwanga, ka leswaku ningayentxisiwi tingana ha ntxhumu, kambe leswaku, Kriste atakulisiwa, swanga hi khale, ni swoswi amirini yanga, nambi kuli kuhanyeni, kumbe kufeni.

Mintiro Ya Vapostola 21:13

Kolahu Pawulosi ayangula aku: Xana n'wiyentxa yini, n'widrila, n'witrhova a mbilu yanga? Hikusa mine anitibekiselanga kubohiwa ntsena, kambe ni kufa a Yerusalema hi vito dra Hosi Yesu.

Mintiro Ya Vapostola 13:50

Kambe a va-Yuda vahlohloteli vavasati va vukhongoti va kutxhaviseka, ni vakulu va muti, vavakholwisa akuva vapfuxela Pawulosi na Barnabasi a nxaniso, vavahlongola tikweni dravu.

Mintiro Ya Vapostola 13:46

Kutani Pawulosi na Barnabasi, vakhanela hi ntamu vaku ku vone: Afa kusindriseka leswaku a Ritu dra Xikwembu Nkulukumba drihlayiwa ku n'wine va-Yuda, kusungula. Kambe leswi n'widriyalaka, n'witipimisaka lava vangafanekeliki hi vutomi lebyi byingahelikiki, vonani hiya ku lava vangeke va-Yuda.

Mintiro Ya Vapostola 9:16

Hikusa nitamukomba mahlomulu hinkwawu atakafanela kumayingela hinkonta ya vito dranga.

Mintiro Ya Vapostola 7:59

Kuti loko vamukhandla, Stefano akhongota, aku: Hosi Yesu, yamukela moya wanga!

Yohana 6:44

Akuna mhunu lweyi angataka ku mine, loko Tatana lweyi anirumiki angamukokeli ku mine, kutani mine nitamupfuxa hi siku dra vugamu.

Lk 23:46

Yesu abandlukaniki hi ritu dra kutlakuka, aku: Tatana, ninyiketa moya wanga mavokweni yaku. Atiki ahlaya leswo, afa.

I Tsl 5:4

Kambe n'wine vamakweru an'wahahanyi munyameni, akuva a siku ledriya dringan'witxhuketi swanga muyivi,

Lk 10:12

Yesu aku natiyisa ku n'wine leswaku: Asikwini ledro, a xikhatiso xitavevuka ku Sodoma kutlula ku muti lowo.

Mt 7:22

Asikwini ledro vanyingi vataku: HOSI, HOSI, xana ahaprofetanga hi vito draku? Ahihlongolanga mademoni hi vito draku? Ahayentxanga ni mahlolana lawa manyingi hi vito draku?

I Kor 1:8

lweyi atakan'witiyisa kutlhasa vugan'wini, leswaku n'wingativana nandru a sikwini dra Hosi yeru Yesu Kriste.

II Tmt 1:14

Leswi swinene leswi swibekiwiki ku wene, swibekise hi Moya wa Kuxwenga lowu trhamaka ndreni kweru.

II Tmt 1:16

Aan'winyiki Xikwembu Nkulukumba a vumbilu byake ku ndangu wa Onesiforo, hikusa ha kanyingi animbuweteliki angavanga na tingana ha mine hikuva mine ni bohiwile.

Tito 3:8

Aritu ledri dradumbeka; nidjula leswaku, mayelano ni mintxhumu leyo, utiyisa hi kudumba, akuva lava vapfumeliki ku Xikwembu Nkulukumba, vakhinyela kutinyiketa amintirweni le minene. Leswo i swinene, swipfuna vhanu.