II Tmt 1:10 - Testamente Ledrimpswha ni Mapsalma

¹⁰ a tivonekisiki swoswi, hi kuvoneka ka Muhuluxi weru Kriste Yesu, lweyi ahelisiki kufa, avonekisa vutomi ni kuhanya loku kungahelikiki hi Ivangeli,

II Tmt 1:10 Referans Kwoze

I Yhn 1:2

Hikusa a vutomi bya vonekisiwile, hi byi vonile, hi timboni ta byone, hi n'wibyela vutomi lebyingahelikiki, lebyi afaka byi li ku Tatana, kutani byi vonekisiwi ku hine.

Rm 16:26

swoswi dri vonekisiwi hi mabuku ya vahlayi va ritu swanga hi leleto dra Xikwembu Nkulukumba lweyi angakone hila kungahelikiki. Kutani dri nyikiwi matiko hinkwawu leswaku wone mayamukela kupfumela.

II Ptr 3:18

Kutlula hinkwaswu, yanani mahlweni n'wikula atimpswalwini ni le kutiveni ka Hosi yeru ni Muhuluxi Yesu Kriste. Ku yene akunyikiwe lidrumu, kusukela swoswi nikuyatlhasa sikwini ledringahelikiki! Amen.

Tito 2:11

Hikusa kuvonekisiwi a timpswalu ta Xikwembu Nkulukumba leti tihuluxaka a vhanu hinkwavu,

I Kor 15:26

Kutani a nala lweyi atakahetisiwa avugan'wini, i lifu.

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.

II Tmt 1:1

Pawulosi, mupostola wa Yesu Kriste hi kurandra ka Xikwembu Nkulukumba, hi xidumbiso xa vutomi lebyinga ku Kriste Yesu,

Ef 1:9

ahipfuletela xihundla xa kurandra kwake, hikola ka vumbilu byake afaka ayanakanyile kuma yentxa ha Kriste.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Mpfuletelo 22:17

A Moya ni Mutekiwa vaku: Tana! Ni lweyi a swiyingelaka, leswi aku: Tana! Ni lweyi anganitora, a atrhindrekele. Lweyi aswirandraka ayamukeli mati ya vutomi hi timpswalu.

Mpfuletelo 22:14

Kukatekile lava vabasisaka swiyambalu swavu angatini ya Hambana, hikuva xileswi vava ni mfanelo ya kuda mihandru ya nsinya wa vutomi, nhingenani mutini hi swipfalu.

Mpfuletelo 18:1

Antrhaku ka swone, ni vona yin'wana ntrumi yi xika hi le tilweni, na yili ni ntamu lowukulu. A misava mivaningiwa hi kuphatima ka yone.

Mpfuletelo 2:7

Lweyi angani tindleve ayingiseti leswi a Moya wuswibyelaka a makereke: Ku muhluli, nimunyika a kuda a mihandru ya nsinya wa vutomi, lowu wunga Paradiseni dra Xikwembu Nkulukumba.

II Ptr 3:2

akuva n'widrimuka maritu lawa ya khale mahlayiwiki hi vaprofeta lava kuhlawuleka, ni xileleto xa Hosi ni Muhuluxi, lawa n'widondrisiwiki hi vapostola venu.

II Ptr 2:20

Hikolahu ka leswo, loko ntrhaku n'wihulukile kuhonekeni ka misava hi kutiva Hosi yeru ni Muhuluxi Yesu Kriste, amatrhamelo yavu mandruluki matlula lawa ya kusungula hi kubiha.

II Ptr 1:11

Kutani, hi ndlela leyo n'witayengeteliwa ngopfu a nyangwa ya kunhingena Mfun'wini wa Yesu Kriste, Hosi yeru ni Muhuluxi.

II Ptr 1:3

Hileswi hi ntamu wakwe wa vukwembu (vunkulukumba bya le henhla-henhla), ahi hananiki hinkwaswu leswifaneliki avutomi ni lirere, ni hikutivisisa lweyi ahivitaniki akuphatimeni kwake ni ntamu wakwe.

Va-Heberu 10:32

Drimukani-ke, masiku lawa makhalutiki, lawa ntrhaku kakuva n'wivaningeliwile, mitiyiselile kulweni lokukulu ni mahlomulo.

Tito 3:4

Kambe loko kuvoneki a vunene bya Muhuluxi weru, Xikwembu Nkulukumba, ni lirandru drakwe ku vhanu,

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

II Tsl 2:8

kolahu kutahumelela a mupfukeli atavonekisiwa, kutani Hosi Yesu ata muhlula hi huhutu dra nomu wakwe, ni kumufuma hi kuphatima ka kubuya kwake.

Ef 1:18

Akuvaningiwa ka miyanakanyu yenu, akuva n'witakota kutiva akulavisela akuvitaniweni kwenu, ni lifuyo dra kuphatima ka kulavisela ka tinsasi,

Gl 5:4

N'witravukani na Kriste n'wine lava vadjulaka vululami hi nawu, n'wi wile an'wehena timpswalu.

II Kor 5:4

Kunene, hine lava hahaliki ntrongeni lowu, hakonya, hikamiwa, swinge leswaku hinavela kuhliviliwa wone, kambe hi navela kuyambexiwa, akuva lowu wa kufa wu mitiwa mfuri hi vutomi.

I Kor 4:5

Hileswo-ke, n'wingayavanyiseni ntxhumu na nkama wungasinatlhasa, kukota kutlhasa Hosi; anga Yene atakavaninga leswi swifihlekiki, swa munyama, atakavonekisa ni makungu lawa manga timbilwini ta vhanu; laho-ke mun'wana-ni-mun'wana atayamukela a kukhensiwa hi Xikwembu Nkulukumba.

Rm 6:6

Haswitiva leswaku leswi afaka hilixiswone hine kusunguleni swifile na Kriste axihambanwini, akuva kuhelisiwa leswi ku hine afaka kuni kubiha akuva hinga havi swikarawa swa xihono,

Rm 3:31

Hi helisa a nawu hi kupfumela? Aswitanu, na swone ha wutiyisa a nawu.

Mintiro Ya Vapostola 13:23

Alixakeni dra lweyo, swanga hi xidumbiso, Xikwembu Nkulukumba abuyiseli Israyele a Muhuluxi, anga Yesu.

Mintiro Ya Vapostola 5:31

Kambe yelweyo, Xikwembu Nkulukumba amutlakuxelile axineneni xakwe, ava Hosi ni Muhuluxi, atanyika Israyele akuva andruluka ava adrivaleliwa swidoho swake.

Yohana 20:31

Kambe a timhaka leti titraliwi akuva n'wipfumela leswaku Yesu i Kriste, N'wana wa Xikwembu Nkulukumba, ni leswaku hi kupfumela, n'wiva ni vutomi avitweni drakwe.

Yohana 5:40

Kutani an'wiswidjuli kuta ku mine leswaku n'wikuma vutomi lebyi byingahelikiki.

Yohana 4:42

Vahangaku ku wansati: Ahahapfumeli hinkonta ya ritu draku; hikusa na hine himuyingeli ha sweru, kutani haswitiva leswaku lweyi kunene i Muhuluxi wa misava.

Yohana 1:9

A livaningo dra xihlayelamfuri, ledri drivaningelaka vhanu hinkwavu, dritile amisaveni. Ledri drivaningelaka vhanu hinkwavu, dritile amisaveni

Lk 13:7

Aku ku lweyi wa mudrimi: Lavisa! Kuhundri malembe mararu na nitatadjula mihandru ankuweni wolo ningamikumi. Wutreme; xana wuhonela yini a misava xana?

Lk 11:36

Loko a miri yaku hinkwayu mivaningiwa, kungena mbangu wakuva munyameni, mitavaningiwa hinkwawu swanga hi loko a motre wuvaninga hi kuvaninga ka wone.

Lk 2:11

Hi leswaku namunhla n'wipswaleliwi Muhuluxi anga Kriste Hosi amutini wa Davida!

I Yhn 4:14

Hine hiswivonile kutani hinyika vumboni bya leswaku Tatana arumi N'wana wakwe akuva Muhuluxi wa misava.

II Ptr 1:1

Simoni Petrosi, a nandra ni mupostola wa Yesu Kriste, ku lava hinkweru hi yamukeliki kupfumela kakufana kalisima, akululameni ka Xikwembu Nkulukumba weru ni Muhuluxi Yesu Kriste.

Mpfuletelo 20:14

A lifu ni gehena switxukumetiwi tiveni dra ndrilo. A tiva ledri dra ndrilo i lifu dra vubiri.

II Tmt 1:8

Hileswo-ke ungave ni tingana hi vumboni bya Hosi yeru, nambi kakuva ha mine, ninga mubohiwa wa yone; kambe yingela kuvaviseka kun'we na mine, a Ivhangeleni leyinene, hi ntamu wa Xikwembu Nkulukumba;

II Tmt 4:1

Amahlweni ka Xikwembu Nkulukumba ni ka Kriste Yesu, lweyi atakayavanyisa lava vahanyaka ni lava vafiki, hi vito dra kuvoneka kwake ni hi Mfumu wakwe; nakukombela nili:

II Tmt 4:8

Kutani swoswi nibekeliwa ngiyana ya kululama, leyi Hosi a muyavanyisi lweyi wa kululama, yitakaninyika asikwini ledro; a nge mine swanga vatahananiwa hinkwavu lava valaviselaka kubuya kwake.