II Ptr 3:17 - Testamente Ledrimpswha ni Mapsalma

¹⁷ N'wine ke, varandriwa, n'witivisiwile swoswi, tivonelani! N'winga titrikeni n'wikokiwa hixihono xa lavanfani, akuva n'wingatiwa akutiyeni kwenu.

II Ptr 3:17 Referans Kwoze

Va-Heberu 3:14

Hikusa hi yentxiwile lava vangavatirikuloni na Kriste, loko kunene hitiya kutlhasa vugan'wini, a kudumba loku hi viki na kone kusunguleni.

Va-le-Kolosa 2:8

Tivonelani n'wingatitrika n'wikanganyisiwa hi tidondro ta vutlhari bya kukala ndlela, hi kulandra swihena swa vhanu kumbe hiku landra masungulo ya misava, na kunge hi ku tidondro ta Kriste.

Ef 4:14

akuva hingahatami hiva swanga vatrongwana, lava vapfilunganyisiwaka vayisiwaka hala-ni-hala, hi tekiwaka hi timheho hinkwatu ta tidondro, hi kukanganyisiwa hi vhanu, hi marengu lawa vama nhingenisaka ya kuyisa mhunu ku honeni.

I Kor 15:58

Hileswo-ke, vamakweru lava varandrekaka, tiyani n'wingatrekatreki, n'wivani nkhinkhi yikulu antirweni wa Hosi minkama hinkwayu, na n'witiva leswaku a ntiro wenu a Hosini ahi wa mahala.

I Kor 10:12

Hileswo-ke lweyi apimisaka leswaku ayimile ativonele akuva anga wi.

Mt 7:15

Tivonelani ku vaprofeta va madrimi, lava vataka ku n'wine na vayambali swanga tihamba, kambe hi le ndreni i mahava lawa mahahlulaka.

Rm 16:18

hikusa volavu avatireli Kriste Hosi yeru, kambe, ina votirela makhuri yavu. Hi maritu yavu lawa ya hombe ni hi kukutxa, vakanganyisa vhanu lava vangeke na rengu.

II Tmt 4:15

Tivonele ku yene hikusa ayalisi ngopfu maritu yeru.

II Kor 11:3

Kambe ni txhava leswaku, swanga Eva lweyi angakanganyisiwa hi madrimi ya nyoka na n'wine a miyanakanyu yenu mingatxhuka mihoniwa, mitrika vunene ni kubasa leswi swiyisaka ku Kriste.

Mt 16:6

Yesu aku ku vone: Lavisani, tivonelani ku handrelo ya vafarisi ni vasaduki.

Mintiro Ya Vapostola 2:42

Hinkwavu afa vakhinyela andondrweni ya vapostola, ni le mpatranweni, ni le kukhemeni ka kati, ni le swikhongotweni.

Mt 16:11

Xana an'wiyingelanga leswaku afa ningahlayi swa makati? Kambe tivonelani ku handrelo ya vafarisi ni ya vasaduki!

Mpfuletelo 2:5

Drimuka-ke lomu uwiki kone! Tisole, utlhelela ku mintiro yaku ya kusungula; loko swingali tanu, nakutela, nitasusa a motre waku ambangwini wa wone, loko ungatisoli.

I Ptr 5:9

muyalelani, hi kutiya akupfumeleni, na n'witiva leswaku a kuxanisekeni ka kufana ni loko, kuhumelela ni le ku vamakwenu lomu misaveni.

Va-le-Kolosa 2:5

Hikusa, nambi ninge kone hi miri, ni na n'wine hi moya; na trhava kutiva leswaku n'wine n'wihanya hi nawu wa hombe na n'witiyi kupfumeleni ku Kriste.

Va-le-Filipiya 3:2

Tivonelani atimbyaneni leto, tivonelani ku vatiri lava kubiha, tivonelani ka ta kusoka!

Yohana 16:4

Kambe nin'wibyeli leswo akuva loko nkama lowo wutlhasa, n'witaswidrimuka leswaku nin'wibyelile swone. Anin'wibyelanga leswo akusunguleni, hikusa afa nahali na n'wine.

Gl 5:4

N'witravukani na Kriste n'wine lava vadjulaka vululami hi nawu, n'wi wile an'wehena timpswalu.

II Ptr 2:7

Kambe ahuluxi Loti, hi leswi afaka e wa kululama, hikukaratiwa hi mayentxela ni mahanyela ya vhanu va kusomboloka.

II Ptr 3:1

Varandriwa, ledri i papela dra vubiri ledri ni n'witralelaka; ku wone, nidjulisisa kupfuxeta mimpimiso yenu leyinene hi swidrimuxo,