II Ptr 3:15 - Testamente Ledrimpswha ni Mapsalma

¹⁵ Pimisani leswaku akulehisa ka mbilu ka Hosi yeru i kuhuluxiwa kweru, swanga hileswi na yene Pawulosi, makweru lweyi arandriwaka an'witraleliki hikulandra vutlhari lebyi anyikiwiki byone,

II Ptr 3:15 Referans Kwoze

Rm 2:4

Udrelisa kuyini wene a vumbilu lebyikulu bya Xikwembu Nkulukumba, ni kuleha ka mbilu ni kutiyisela? Awuswitivi leswaku a vumbilu bya Xikwembu Nkulukumba afa byifanela ku kuyisa akutisoleni ka swidoho?

II Ptr 3:9

Hi leswaku a Hosi ayihlweli kuyentxa leswi yi dumbisiki swone, swanga heswi a van'we vapimisaka leswaku yahlwela, kambe an'wilehisela mbilu, hikusa angadjuli kuva ni mun'we alahleka, kambe leswaku hinkwavu vandruluka.

I Tmt 1:16

Kambe hikola ka leswo, niyentxeliwi lirere akuva Yesu Kriste akombisa ha mine ninga lwenkulu, a kulehisa hinkwaku ka mbilu, swiva xikombiso ku lava afaka vatakapfumela ku yene, akuva vakuma vutomi lebyi byingahelikiki.

I Ptr 3:20

leyi a khale miyaliki a kuyingiseta, loko Xikwembu Nkulukumba, ahayimela hi kuleha-ka-mbilu, amasikwini ya Nowa, loko kahayakiwa a ngalawa, leyi kungahuluxiwa ha yone a vhanu vatrongo, hileswaku, ntlhanu na vararu, amakari ka mati;

Yakobe 3:17

Kambe a vutlhari lebyi pfaka hi le henhla i kusungula ka hinkwaswu, kubasa; byirulile, ni kunabyala, ni kuyingelana, byitali hi lirere, mintiro ya hombe; abyi yentxi xihlawu-hlawu xa vhanu, abyi na kutiyentxisa.

Lk 21:15

hikusa mine nitan'winyika nomu ni vutlhari lebyi a valala venu hinkwavu vatakahluleka kubyikaneta ni kuyangula ntxhumu.

Yakobe 1:5

Kambe loko wa kukari angenavutlhari bya kudringana a akombele ku Xikwembu Nkulukumba lweyi hananaka hinkwavu mahala na angasoli, kutani atan'winyika.

Mintiro Ya Vapostola 15:25

hivoni na swili swin'we, ku hine, hitlhangani hiva hiyingelana, hihlawula a vavanuna hi varumelela kun'we ni varandriwa veru Pawulosi na Barnabasi,

I Kor 2:13

a mintxhumu leyi hikhanelaka ha yone kungali hi maritu ya kudondrisiwa hi vutlhari bya vumhunu, kambe hi maritu lawa madondrisiwiki hi Moya, na hili kari hitlhamuxela a swa Moya ku lava vanga va Moya.

Ef 3:3

Aninyiki kutiva makungu ya xihundla xakwe. Nilulamisi mhaka leyi, hi kuhangwesa ku mbangu mun'wana.

I Kor 12:8

Hikuva mun'we anyikiwa hikola ka Moya, a ritu dra vutlhari; mun'wana, hikola ka Moya wolowo, anyikiwa a ritu dra vutivi;

I Kor 3:10

Hi timpswalu ta Xikwembu Nkulukumba leti ninyikiwiki tone, swanga ntivi hi tlhelo dra vuyaki, nibeki a masungulu; kutani mun'wana ayaka a henhla ka wone; kambe mun'wana-ni-mun'wana ativonele leswi ayakisaka swone a henhla ka wone.

Mintiro Ya Vapostola 7:10

amuhuluxa amahlomulweni yake hinkwawu; amunyika timpswalu ni vutlhari amahlweni ka Faro, mufumi wa Egipta, lweyi amusimekiki kuva ndrunankulu ya Egipta ni ya yindlu yake.

Mintiro Ya Vapostola 9:17

Ananiya afamba, aya kaya ka Yuda, ayantlhanteka mavoko ku Saulo, aku ku yene: Saulo makweru, Hosi Yesu, lweyi atikombisiki ku wene andleleni, anirumi ku wene akuva utlhela uvona, ni kuva utala hi Moya wa Kuxwenga.

II Ptr 3:2

akuva n'widrimuka maritu lawa ya khale mahlayiwiki hi vaprofeta lava kuhlawuleka, ni xileleto xa Hosi ni Muhuluxi, lawa n'widondrisiwiki hi vapostola venu.