II Ptr 1:7 - Testamente Ledrimpswha ni Mapsalma

⁷ hi vukhongoti, n'wirandrana, hi kurandrana ka lirandru.

II Ptr 1:7 Referans Kwoze

Va-Heberu 13:1

Yanani mahlweni n'wiva ni lirandru drawu kwavu.

Rm 12:10

Randranani hivuxaka, n'wisiya-siyana hiku yentxelana xihluwa.

I Tsl 3:12

A Hosi yinga yengetela ni kuyentxa lirandru drenu drikula ku van'we ni kuva van'wana ni kuhinkwavu. Swanga hi leswi na hine hin'wirandraka.

Gl 6:10

Hileswo-ke, leswi hingani nkama ahi yentxeleni leswi swinene ku hinkwavu, kambe ngopfu ku lava vanga vandangu wa vupfumeli.

I Yhn 4:21

Ke, hini leleto ledri hisiyeliwiki ha Yene, ledri draku: lweyi arandraka Xikwembu Nkulukumba na kone afanela akurandra makwavu.

I Yhn 3:16

Hileswo, hitiva lirandru: leswaku Kriste anyiketiki vutomi byake hinkonta yeru, hine hifaneli kunyiketa vutomi byeru hinkonta ya vamakweru.

I Yhn 3:14

Haswitiva hine leswaku ahikhaluti hi kulifu hiya vuton'wini, hikusa hi randra vamakweru. Lweyi akalaka angarandri makwavu aha file.

I Ptr 2:17

Vana ni xihluwa ku hinkwavu, randrani a vukwavu, txhavani Xikwembu Nkulukumba, n'wivani xihluwa ku mufumi.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

Va-le-Kolosa 3:14

A henhla ka hinkwaswu, vanani ni lirandru, xinga xitrimbo xa kuhetiseka.

I Ptr 3:8

Hi vugamu, vanani va mayanakanyela man'we, n'wili va kutretrelela, n'wini lirandru dra xikwavu, n'wivani vumbilu ni kutitrongohata,

I Tsl 5:15

Lavisani leswaku kungavi ni lweyi atlheliselaka mun'wana kubiha hi kubiha, kambe djulisisani minkama hinkwayu swa hombe van'we ku van'wana ni ku hinkwavu.