II Ptr 1:6 - Testamente Ledrimpswha ni Mapsalma

⁶ ni hi vutivi, akutikhoma ha byenu; akutikhomeni loku, n'wiva ni kutiyisela; ni le kutiyiseleni, nwiva ni vukhongoti;

II Ptr 1:6 Referans Kwoze

II Ptr 1:3

Hileswi hi ntamu wakwe wa vukwembu (vunkulukumba bya le henhla-henhla), ahi hananiki hinkwaswu leswifaneliki avutomi ni lirere, ni hikutivisisa lweyi ahivitaniki akuphatimeni kwake ni ntamu wakwe.

Va-Heberu 10:36

Hikusa swadjuleka n'wiva ni kutiyisela, akuva loko n'witava n'wiyentxile kurandra ka Xikwembu Nkulukumba, n'wikuma leswi n'widumbisiwiki swone.

Lk 21:19

Hi kutiyisela kwenu n'witahuluxa mahika yenu.

Va-Heberu 12:1

Hileswo-ke, na hine leswi hi trandreliwaka hi tlavi ledrikulu dra timboni, kolahu, ahitrhikeni a ntrhwalu wini ni wini lowu wuhisivelaka, ni xidoho lexi xitekisaka kuhinamarela hi trutruma hi kutiyisela, hi heta mpfuka lowu hi bekeliwiki wone.

I Kor 9:25

Hinkwavu lava vapalisanaka, vatikhoma ku mintxhumu hinkwayu; vone vaswiyentxela ntsena akuva vayamukela a ngiyana leyi yibolaka, kasi hine hiyentxela a kukuma a ngiyana leyi yingabolikiki.

Tito 2:2

A vavanuna lavakulu ngopfu, avave lava vatxhavisekaka, vatikhomaka, vatiyiki akupfumeleni, alirandrwini, ni le kulehiseni ka mbilu;

Gl 5:23

A nawu awu kone lowu wakuyala leswo.

Mpfuletelo 14:12

Hi loku kukone kutiyisela ka tinsasi, vanga lava vabekisaka swileleto swa Xikwembu Nkulukumba ni kupfumela ku Yesu.

Mpfuletelo 2:2

Nitiva a mintiro yaku, a kukhinyela kwaku ni kutiyisela kwaku ni leswaku awuswirandri akuva kun'we ni lava vamfani; ni leswaku udringi lava vatihlayaka vapostola na kasi ahi vapostola, ukuma leswaku i va madrimi;

Tito 1:8

kambe ave murureli wa vayeni, ava mhunu wa hombe, wa kutlhariha, murandri wa leswinene, akotaka kutikhoma, mululami, wa kuxwenga, arandraka a kulandra a nawu,

I Tsl 1:3

na hi n'widrimuka, hinga karali hikola ka mintiro ya kupfumela kwenu, ku ntiro wenu wa lirandru, ni kutiyisela ka kulavisela ku Hosi yeru Yesu Kriste, amahlweni ka Xikwembu Nkulukumba Tatana weru,

Va-le-Kolosa 1:11

n'witiyisiwa hi kutiya hinkwaku, hikola ka ntamu wakutwala kwake, akutiyiseleni hinkwaku n'wilehisa mbilu ni kutrhava.

II Kor 6:4

Kambe kuhinkwaswu, hi tiseketela swanga vatiri va Xikwembu Nkulukumba: Hikutiyisela loku kukulu, amahlomulweni, ni le kutitroneni, ni le kukamiweni ka mbilu,

Rm 8:25

Kambe loko hine hilavisela leswi hingasiki na swivona, hiswilavisela hi kutiyisela.

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.

Mintiro Ya Vapostola 24:25

Kambe loko Pawulosi aha mudrungulela swa vululami, kutikhoma, ni kuyavanyisa loku kutaka, Felikisi asungula kururumela, abyela Pawulosi aku: Tifambele kutani. Nitatlhela nikuvitana na kone, loko nikumi nkama.

Lk 8:15

A mbewu leyi yiweliki misaveni leminene, hi vhanu lava yingelaka a ritu hi timbilu leti tinene, vayingiseta kutani vadribekisa, vatiya vanyika a ntrhovelo wunene.

Rm 15:4

Kutani hinkwaswu leswinga kone Matralweni ya Kuhlawuleka switraliwi kuva ndondriso yeru, leswaku hikulehisa mbilu, ni kutiyisiwa hi matralwa, hiva ni kulavisela.

Mpfuletelo 13:10

Lweyi ayisaka van'wana bohelweni, ataya bohelweni. Lweyi atakadlaya hi lipanga, swadjuleka adlayiwa hi lipanga. Hiwolowu nkama wa kutiyisela ni wa kupfumela ka tinsasi.

Mpfuletelo 1:9

Mine Yohana, makwenu ni muhlengeli na n'wine akuxanisiweni, ni le Mfun'wini, ni le kutiyiseleni loku kunga ku Kriste, nivi axihlaleni lexi xitxhuliwaka Patimosi, hinkonta ya ritu dra Xikwembu Nkulukumba, ni vumboni bya Yesu.

II Ptr 3:11

La kakuva hinkwaswu leswo switaka hohlotisiwa xileswo, n'wifanela kuva vhanu lava vafambaka mahanyeleni yakuhlawuleka ni vukhongoti,

Va-Heberu 6:15

Hileswo-ke, Abrahamu hi kulehisa mbilu, akumi leswi adumbisiwiki swone.

Va-Heberu 6:12

akuva n'wingavi lava valolohaka, kambe n'wiva lava vayetisaka lava vadiki pfindla dra xidumbiso hi kupfumela ni kulavisela.

Tito 1:1

Mine Pawulosi nandra wa Xikwembu Nkulukumba ni mupostola wa Kriste Yesu, hi kulandra a ntiro wa kupfumela ka vahlawuliwa va Xikwembu Nkulukumba ni kutiva a xihlayelamfuri lexi xifambelanaka ni vukhongoti,

II Tmt 3:5

lava vangani xiyimu xa vukhongoti kasi valandruli ntamu wa byone; trhindreka kule ni vhanu lavo.

I Tmt 6:11

Kambe wene, mhunu wa Xikwembu Nkulukumba, tingawula a mintxhumu yoleyo; uva udjuletela a kululama, ni vukhongoti, ni vupfumeli, ni lirandru, ni kutiyisela, ni kunabyala.

I Tmt 6:6

Kambe kunene, a vukhongoti kun'we ni kutrhava i bindru drikulu.

I Tmt 6:3

Loko mhunu adondrisa dondro yimbeni ava angapfumeli a maritu manene ya Hosi yeru Yesu Kriste ni dondro leyi yifambelanaka ni vukhongoti,

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

I Tmt 2:10

kambe avatixongise hi leswi swifanekelaka a vavasati lava vatxhavaka Xikwembu Nkulukumba, anga mintiro leminene.

I Tmt 2:2

vafumi, ni hinkwavu lava vanga switrhan'wini swa vurangeli, akuva hihanya ha hombe, ni hi kurula, avukhongotweni hinkwabyu, ni le kusimameni ka xitxhavu hinkwaxu.

II Tsl 3:5

Ingi a Hosi yinga fambisa timbilu tenu lirandrwini dra Xikwembu Nkulukumba ni kutiya loku pfaka ku Kriste.

II Tsl 1:4

N'wine n'wimhaka ya kutikulisa kweru makari ka makereke ya Xikwembu Nkulukumba hinkonta ya kulehisa ka mbilu, ni ka vupfumeli loku n'wikukombisaka ku tinxaniso hinkwatu ni kunonon'hwa loku n'winga ni kukurwala.