1 Simoni Petrosi, a nandra ni mupostola wa Yesu Kriste, ku lava hinkweru hi yamukeliki kupfumela kakufana kalisima, akululameni ka Xikwembu Nkulukumba weru ni Muhuluxi Yesu Kriste.
ku Tito n'wananga hi ntshima kupfumeleni loku kunga ka hinkweru, timpswalu ni kurula, swipfaka ku Xikwembu Nkulukumba Tatana ni le ku Kriste Yesu, Muhuluxi weru.
Na hili ni Moya mun'we wa kupfumela, swanga hi leswi kutraliwiki: Mine nipfumelile kutani, xileswo ni khanelile. Nakone na pfumela, xiswoswo na khanela, na hine hipfumelile xileswo na hine hakhanela;
Hikola ka leswo, ahinyiki aswidumbiso swake swalisima ledrikulu ngopfu swinene, akuva ha swone n'wiva ni vuhlengeli bya ntumbuluku wa kuhlawuleka wa le henhla-henhla, n'witrutruma ku swinavelo swakubiha swinga kone misaveni.
Mine Petrosi, mupostola wa Yesu Kriste, ku vahlawuliwa, valuveli lava vahangalakiki Ponto, ni le Galatiya, ni le Kapadokiya, ni le Aziya, ni le Bitiniya;
hi kukumbuka kupfumela kwaku loku ngeke na kukanganyisa, loku afaka ali naku kokwana waku Loyide kusunguleni, ni mamana waku Ewunice, ni nikudumba leswaku unaku na wene.
A mavito ya vapostola lava va khume na vabiri hi lawa: A wa kusungula, Simoni, lweyi ahlayiwaka Petrosi, ni makwavu Andreyasi; Yakobe ni makwavu Yohana, vana va Zebedeya;
Hileswo-ke, n'wine lava vapfumelaka vanani ni xihluwa, kambe ku lava va kuka-kupfumela, a ribye ledri a vayaki vadridreliki, drindruluki a ribye dra hoka;
akuva a ntshima ya vupfumeli byenu, lebyi byitlulaka hi lisima a gole, ledri drisuvaka, kambe dridringiwaka hi ndrilo, yifanekela hi kukhensiwa, ni kuphatima, ni xihluwa, akutikombekiseni ka Yesu Kriste;
Mine Pawulosi nandra wa Xikwembu Nkulukumba ni mupostola wa Kriste Yesu, hi kulandra a ntiro wa kupfumela ka vahlawuliwa va Xikwembu Nkulukumba ni kutiva a xihlayelamfuri lexi xifambelanaka ni vukhongoti,
A khale afa kunge na lweyi ativiki kungu ledro, kambe swoswi dri kombisiwile ku varumiwa vakuhlawuleka ni vahlayi va ritu, hi ndlela ya Moya wa Kuhlawuleka.
Kambe n'wine n'wi vakwe, hi le ku Yesu Kriste, lweyi ku hine andrulukiki vutlhari, ni vululami, ni kuxwenga, ni vutiruli hi kurandra ka Xikwembu Nkulukumba,
Kuti loko Yesu afamba-famba ankingeni wa lwandle dra Galileya, avona vamakwavu-na-makwavu vabiri; mun'we afa ali Simoni lweyi ahlayiwaka Petrosi, mun'wana afa ali Andreyasi, na vapeta a minkukutu yavu a lwandle, hikusa afa vali vaphasi va tinhlampfi.