Gl 6:2 - Testamente Ledrimpswha ni Mapsalma

² Rwalelanani mintrhwalu yenu mun'wana-ni-mun'wana, n'wihetisisa xiswoswo a nawu wa Kriste.

Gl 6:2 Referans Kwoze

Rm 15:1

Hine lava hitiyiki akupfumeleni hifanela kubyatrha lava kutrana lava ngeke swanga ha hine, na hinga djuli leswinga hi nyoxisaka.

I Tsl 5:14

Ha n'wikombela mfuri vamakweru, akuva n'wiluleka lava vakukala vangatibekisi, tiyisani lava vaheliki timbilu, byatrhani lava vagome, n'wilehisela hinkwavu ambilu.

Yohana 13:34

Nin'winyika nawu lowu wumpswha, hileswaku: Randranani! Swanga hi leswi na mine nin'wirandriki, na n'wine randranani!

I Yhn 4:21

Ke, hini leleto ledri hisiyeliwiki ha Yene, ledri draku: lweyi arandraka Xikwembu Nkulukumba na kone afanela akurandra makwavu.

Yakobe 2:8

Loko kunene n'wilavisisa Nawu, swanga hi kuhlaya ka Tralwa, driliki: Utarandra mhunukuloni swanga hi leswi na wene utirandraka, n'wiyentxa leswi swinene.

Yohana 15:12

A nawu wanga hi lowu: Hi leswaku n'wirandranana, swanga hi leswi na mine nin'wirandriki.

I Ptr 2:24

hi Yene abyatrhiki a swidoho sweru amirini yake amhandreni ya xihambano, akuva hine, na hifeli swidoho, hihanyela a vululami; hi Yene mfuri hi swilondra swake n'wine n'widahiwiki.

Mt 8:17

Leswi swihumeleli akuva kuhetiseka leswi swingativisiwa hi muprofeta Ezaya loko aku: Yene atitekeli a mahlomulo yeru, atirwexi a mavabyi yeru.

Gl 6:5

Hikuva mun'wana-ni-mun'wana atatitekela ntrhwalu wakwe.

I Kor 9:21

Ku lava vangalikina nawu, nivi swanga hi lweyi angalikina nawu, nambi leswi mine ningaliki wa kukala nawu wa Xikwembu Nkulukumba, hikuva nini nawu wa Kriste, akuva nikuma lava vangalikina nawu;

Rm 8:2

Hiswoswo a nawu wa Moya wa vutomi, ku Yesu Kriste, wu kuntrhunxi ku nawu wa xidoho ni wa lifu.

Lk 11:46

Yesu aku: Yowee na n'wine vadondrisi va Nawu, hikusa n'wirwexa a vhanu a mintrhwalu leyi ya kuka mingarwaleki, kasi n'wine an'wimikhumbi nihi litiho drin'we drenu.

Yakobe 1:25

Kambe lweyi ayingisetaka swinene Nawu lowu wa kululama, a nawu wa vuntrhunxeki, atiyisela ku wone, na ange muyingiseti wa kudrivala, kambe na ali muyentxi wa ntiro ni muyentxi wa ritu, lweyo atava ni ndjombo ku hinkwaswu leswi a swiyentxaka.

Yakobe 2:12

Kambe vulavulani n'wihanya swanga lava vataka yavanyisiwa hi nawu wa vuntrhunxeki.

II Ptr 2:21

Hikusa afa switayampswa ku vone loko afa vangativanga ndlela ya kululama, kutlula leswaku vayitiva na ntrhaku vatlelela vatravukana ni Nawu lowu vanyikiwiki wone wa kuxwenga.

II Ptr 3:2

akuva n'widrimuka maritu lawa ya khale mahlayiwiki hi vaprofeta lava kuhlawuleka, ni xileleto xa Hosi ni Muhuluxi, lawa n'widondrisiwiki hi vapostola venu.