Gl 6:12 - Testamente Ledrimpswha ni Mapsalma

¹² Hinkwavu lava vadjulaka kuva lava vatrhavisaka hi tlhelo dra nyama, van'wisindrisa ku soka akuva ntsena vanga xanisiwi hinkonta ya xihambanu xa Kriste.

Gl 6:12 Referans Kwoze

Gl 5:11

Kambe loko ali mine vamakweru, loko na ha rera a kusoka, xana na ha xanisiwela yini? Kolahu a xikhunguvanyiso xa xihambanwini afa xitahela.

Va-le-Kolosa 2:23

A mintxhumu leyo mini mavonekela ya vutlhari, hikusa swi mi kombisa xiyimu xa vukhongoti kutitrongahateni, ni le kudreleni ka ntshima ya miri. Kambe leswo aswina lisima ni drin'we, ntsena switirela kutrhavisa kurandra.

II Kor 11:13

Hikusa volavu i vapostolo vamadrimi, avatiri lava vakanganyisaka, vatiyentxiki avapostolo va Kriste.

Mintiro Ya Vapostola 15:1

Van'we vakukari vapfiki Yudeya afa vadondrisa vamakwavu vaku: Loko n'wingasokiwanga swanga hi kuleleta ka Moxe an'wina kuswikota kuhuluka.

Gl 2:3

Kambe, nambi yene Tito, lweyi afaka ali na mine na ali mu-Girika, angasindrisiwanga kusoka,

Lk 16:15

Yene aku ku vone: N'wine, n'witiyentxa lava valulamiki amahlweni ka vhanu, kambe Xikwembu Nkulukumba ativa timbilu tenu. Hikusa leswi swingani lisima amakari ka vhanu, ku Xikwembu Nkulukumba swibihile.

Va-le-Filipiya 3:18

Hikusa i vanyingi, ni tekisiki kun'wibyela, mfuri na n'wibyela ni swoswi, na ni drila: vanga valala va xihambano xa Kriste.

Va-le-Filipiya 2:4

Mun'wana-ni-mun'wana angatidjuleli leswi swinga swake ntsena, kambe adjuleli ni van'wana.

Va-le-Filipiya 1:15

Avan'wana vareri ta Kriste hi matrhoho ni vukwele; kambe, avan'wana, vaswiyentxa hi moya wunene.

Gl 6:13

Hikusa nambi lava vasokaka ava landri nawu, kambe varandra leswaku n'wine n'wisoka, akuva vatitwalisa amirini yenu.

Gl 2:14

Loko ni voni leswaku avafambi hi laha swifanekelaka ha kone hi xihlayelamfuri xa Ivangeli, nite ku Kefasi, a mahlweni ka hinkwavu: Loko wene, unga mu-Yuda, uhanya swanga hi va-Matiko, na ungahanyisi xi-Yuda, hayini usindrisela a va-Matiko vahanya swanga va-Yuda xana?

II Kor 10:12

Hikusa ahitiyi kutidringanisa ni kutifanisa ni van'wana vatitwalisaka ha swavu, kambe volavu, hikutidringanisa, ni kufanisana ha swavu, avatlharihanga.

Mintiro Ya Vapostola 15:5

Kambe kusekeleka van'we va ntlawa wa vafarisi lava vandrulukiki vapfumeli, vaku: Swifanekeli kuvasokiwa a vapfumeli ni kubekisa a nawu wa Moxe.

Yohana 7:18

Lweyi ativulavulelaka a swake ntsena, atidjulela kutwalisiwa, kasi lweyi adjulaka kutwalisa lweyi amurumiki, yelweyi adumbekile, akuna kusomboloka ku yene.

Lk 20:47

Vone vadaka nhlengwe ya vamafelwa, ni hi kutiyentxisa vakhongota nkama wa kuleha. Kambe Xikwembu Nkulukumba atakhatisa a vana lavo, vatayamukela yavanyiso ledri drihundrisaka hi vukulu.

Mt 23:28

Hi swoswo na n'wine, hi le handle ingi n'wi vhanu vanene, kasi andreni n'witali hi mandrendre ni vusomboloki.

Mt 23:5

Hinkwaswu leswi vaswiyentxaka, vaswiyentxela akuva vatavoniwa hi vhanu. Hikusa vayanamisa tifilatera tavu, valehisa ni makhaxa ya swiyambalu swavu.

Mt 6:16

Loko n'wititrona, n'wingavi fana ni va mandrendre lava vatiwonyanisaka mimombo; hikusa vatimphumisa liso, akuva switavoneka avhanwini leswaku vatitrona. Nihlayelamfuri, nili ku n'wine: vakuma a hakelo dravu.

Mt 6:2

Hileswo-ke, loko unyika xinyiko, ungatxhuki uyimba nanga amahlweni kwaku, swanga hi leswi a vamandrendre vayentxisaka xiswone, amasinagogeni ni le maruweni, akuva vhanu vatavatwalisa. Nihlayelamfuri nili ku n'wine: xileswo, vone vayamukelile a hakelo dravu.

Mt 6:5

Loko n'wikhongota n'wingayentxi swanga hi vhanu va mandrendre lava varandraka a kukhongota na vayimile, amasinagogeni ni le matlhanganwini ya maruwa, akuva vatavoniwa hi vhanu. Nihlayelamfuri leswaku a vhanu lavo vayamukeli khale a hakelo dravu.

Mt 5:10

Vakatekile lava vaxaniseliwaka kululama, hikusa a Mfumu wa Matilo i wavu!

Mt 23:27

Yowee, n'wine vatrali ni vafarisi va mandrendre! Hikusa n'wifana ni maxira lawa matotiwiki hi mhemba hi le handle, mavoneka maxongi ngopfu, kambe andreni matali hi marambu ya vafi ni tinxaka hinkwatu ta nxambya.