Gl 5:24 - Testamente Ledrimpswha ni Mapsalma

²⁴ Kambe avaka Kriste Yesu va vambi nyama ni kurandra ni kunavela ka yone.

Gl 5:24 Referans Kwoze

Rm 6:6

Haswitiva leswaku leswi afaka hilixiswone hine kusunguleni swifile na Kriste axihambanwini, akuva kuhelisiwa leswi ku hine afaka kuni kubiha akuva hinga havi swikarawa swa xihono,

Rm 13:14

Kambe yambalani Hosi Yesu Kriste, n'winga kokeliweni a nyameni akuva n'wita yentxa a kunavela ka yone.

Rm 8:13

Loko n'wine n'wihanya hi kunavela ka nyama, n'wikongoma kufeni; kambe loko hi Moya n'widlaya mintiho ya vudohi, xileswo n'wine n'witahanya.

Rm 8:9

Ke, n'wine swoswi an'wihanyi nyameni, kambe n'wihanya Moyeni, loko hakunene n'wini Moya wa Xikwembu Nkulukumba. Loko mhunu ange na Moya wa Kriste, ahi wa Kriste.

Gl 6:14

Kambe mine, anidjuli kutitwalisa loko kunge xihambanwini xa Hosi yeru Yesu Kriste; lweyi amisava mivambiwiki ku mine ha Yene, na mine ni vambiwile ku yone.

I Ptr 2:11

Varandriwa, nan'witratriya swanga valuveli ni vayendri amisaveni leyi, leswaku n'witrika a kunavela swa nyama, loku kulwaka ni moya;

I Kor 3:23

kambe n'wine n'wi va Kriste, Kriste i wa Xikwembu Nkulukumba.

II Kor 10:7

N'wine n'wilavisisa swa le handle, loko mhunu atidumba leswaku i wa Kriste, aatlhele atiyanakanya leswaku, swanga hileswi yene anga wa Kriste, na hine hiva Kriste.

Gl 3:29

Ke, loko n'wili vaka Kriste, lahu hinkwenu n'wilixaka dra Abrahamu, ni vadi va pfindla swanga hi xidumbiso.

I Kor 15:23

Kambe mun'wana-ni-mun'wana, hi nkama wakwe: Hi kusungula, Kriste swanga xirangana; hi kulandra, lava vanga va ka Kriste akubuyeni vakwe.

Gl 5:20

ni kugandrela swifaniso, ni vungoma, ni mona, ni timholova, ni vukwele, ni mahlundru, ni tihanyi, ni kutravukana, kuyalana,

I Kor 6:13

A swakuda i swa xidelo, ni xidelo i xa swakuda; kambe Xikwembu Nkulukumba ataswihelisa, a swakuda ni xidelo. Kambe a miri ahi ya vumbuye kumbe vuwoswi, kambe i ya Hosi, na yone Hosi i ya miri.

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

Gl 3:26

Hileswo-ke n'wine hinkwenu n'wivana va Xikwembu Nkulukumba, hi kupfumela ku Kriste Yesu.

Gl 3:28

Akehena kuhambana amakari ka va-Yuda ni va-Matiko, akuna xikarawa, ni vhanu vakuntrhunxeka, makari ka vavanuna ni vavasati. Hikusa n'wine hinkwenu n'wi mun'we ku Kriste Yesu.

Ef 3:1

Hikola ka leswo mine Pawulosi, ni bohiwiki, hinkonta ya kupfumela kwanga ku Kriste Yesu, ni bohiwile hinkonta ya bindru drenu va-Matiko.

Ef 3:6

A kungu dri ni leswaku hi Ivangeli ya Yesu Kriste ni hi ntlhanganu kun'we na yene, lava ngeke va-Yuda na vani xiyenge xa kufana ku pfindla, i swiro swa miri yoleyo ni kuhlengemela xidumbiso hi kufana.

Ef 3:11

Ledri hidro kungu ledri Xikwembu Nkulukumba adritraliki kusukela kusunguleni na adriyentxiki ha Yesu Kriste, Hosi yeru.

Va-le-Kolosa 2:11

Ku Yene mfuri n'wisokiwile, kunge kusokiwa loku yentxiwaka hi mavoko, kambe hi kusokiwa ka miri kunga ka Kriste, inga ku ntrhunxeka loko kungapfiki nyameni.