Gl 5:19 - Testamente Ledrimpswha ni Mapsalma

¹⁹ Kambe a mintiro ya nyama mile livaleni, minga leyi: A vumbuye, ni vuwoswi, ni xambya,

Gl 5:19 Referans Kwoze

Mpfuletelo 21:8

Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.

Gl 6:8

Hikusa lweyi a byalaka leswi nyoxisaka a nyama yake, ata trhovela swa nyama, kambe lweyi abyalelaka a Moya, ku Moya atatrhovela vutomi lebyingahelikiki.

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

I Kor 3:3

hikusa n'wahali va nyama, ntsena. Hikuva leswi kahaniki vukwele ni timholova amakari kwenu, xana an'wi va nyama, ni va kufamba hi ximhunu ntsena?

Rm 8:13

Loko n'wine n'wihanya hi kunavela ka nyama, n'wikongoma kufeni; kambe loko hi Moya n'widlaya mintiho ya vudohi, xileswo n'wine n'witahanya.

Rm 8:5

Hikusa lava vatinyiketaka ka nyama vayanakanya mintxhumu ya nyama, kambe lava vatinyiketaka ka Moya, vayanakanya swa Moya.

Mpfuletelo 22:15

Kambe a handle kutrhama timbyana, ni vangoma, ni va vumbuye, ni vadlayi, ni lava vagandrelaka swifaniso ni hinkwavu lava varandraka kuyentxa madrimi hi maritu ni mintiro.

I Kor 6:18

Trutrumani, n'witxhava a vumbuye ni vuwoswi. A xidoho xin'wana-ni-xin'wana lexi a mhunu axiyentxaka xile handle ka miri; kambe lweyi ayentxaka a vumbuye kumbe vuwoswi, adohela a miri wakwe.

Gl 5:17

Hikusa a nyama yini kunavela loku kuyalanaka ni ka Moya, na wo Moya wuyalana ni kunavela ka nyama, hikusa amintxhumu leyo, milwetana kun'we akuva n'wingayentxi leswi n'wiswirandraka.

Gl 5:13

Hikusa n'wine vamakweru, n'wivitaneliwi kuntrhunxeka; hileswo ke, n'wingatxhuki n'witeka kuntrhunxeka n'wikuyentxa hi kurandra ka nyama, kambe fambani hi lirandru drin'wiyentxa leswaku n'witirelana van'we ni van'wana.

Rm 8:9

Ke, n'wine swoswi an'wihanyi nyameni, kambe n'wihanya Moyeni, loko hakunene n'wini Moya wa Xikwembu Nkulukumba. Loko mhunu ange na Moya wa Kriste, ahi wa Kriste.

Rm 7:18

Hikusa naswitiva leswaku a vunene abyi trhamanga ku mine, nidjula kuhlaya leswaku antumbulukwini wanga. Nambi nini kunavela ka kuyentxa leswi swinene, aniswikoti leswo.

Rm 7:5

Hikusa loko a haha hanya hi swa nyama, nikunavela ka xidoho, loko ku kumaka ntamu hi nawu, afa switira a mirini yeru akuva hibeka mihandru ya swidoho.

Yohana 3:6

Leswi swipswaliwaka hi nyama i nyama; kambe leswi pswaliwaka hi moya i moya.

Rm 8:3

Hikusa leswi afaka swinga koteki ku nawu, hi leswi afaka wu hikola ka nyama, Xikwembu Nkulukumba a yentxile leswi hi ku rumela N'wana wakwe hiku fana ni nyama ya xidoho, xiswoswo, Xikwembu Nkulukumba a yavanyisile Xidoho a nyameni.

Rm 7:25

Ninyika lidrumu Xikwembu Nkulukumba hinkonta ya Hosi yeru Yesu Kriste, leswi ninga hi ntshima ni tirelaka Xikwembu Nkulukumba ni vutlhari byanga, nambi loko nili hansi ka nawu wa xidoho, ni ntumbuluku wanga wa vumhunu.

Va-Heberu 13:4

A vukati abyi bekeliwi xihluwa hi vhanu hinkwavu, na byone likuku byinga nyenyentsisiwi, kambe loko vali vayentxi va vumbuye ni vuwoswi, Xikwembu Nkulukumba ata vayavanyisa.