Gl 5:13 - Testamente Ledrimpswha ni Mapsalma

¹³ Hikusa n'wine vamakweru, n'wivitaneliwi kuntrhunxeka; hileswo ke, n'wingatxhuki n'witeka kuntrhunxeka n'wikuyentxa hi kurandra ka nyama, kambe fambani hi lirandru drin'wiyentxa leswaku n'witirelana van'we ni van'wana.

Gl 5:13 Referans Kwoze

I Ptr 2:16

swanga vhanu lava vantrhunxekiki, na n'winga londrovoti a vuntrhunxeki akuva n'wiyentxa vubihi, kambe vatireli va Xikwembu Nkulukumba.

I Kor 9:19

Hikuva nambi nitrunxekile ku hinkwavu, nitiyentxi a nandra wa hinkwavu, akuva nitakuma lava vanyingi.

I Kor 8:9

Kambe tivonelani, akuva a kutrhunxeka kwenu kungatxhuki kundruluka xikhunguvanyiso ku lava va gome!

Gl 5:14

Hikusa hinkwawu nawu wu katrakanyiwa hi leleto drin'we ledri driliki: Utarandra mhunukuloni swanga hi loko u tirandra.

Ef 5:21

Titrongohatani van'we ku van'wana, akutxhaveni ka Kriste.

Gl 6:2

Rwalelanani mintrhwalu yenu mun'wana-ni-mun'wana, n'wihetisisa xiswoswo a nawu wa Kriste.

Yd 1:4

Hikusa kunhingeni van'we vhanu hi xihundla, lava kusukela ka khale vatraleliwiki kuyavanyisiwa; vhanu va kubiha, vandruluta timpswalu ta Xikwembu Nkulukumba weru hivubihi, na kone valandrula Yesu Kriste lweyi anga Mudondrisi weru ntsena ni Hosi.

II Ptr 2:19

Vadumbisa kuntrhunxeka, na kasi vone i swikarawa swa vuhoneki, hikusa mhunu mun'wana-ni-mun'wana i xikarawa xa leswi mufumaka.

II Kor 4:5

Hikusa ahi tireri hine, kambe hi rera Kriste a Hosi, mfuri hine vatiri venu hinkonta ya Kriste.

Mintiro Ya Vapostola 20:35

Nin'wikombisi hi tindlela hinkwatu leswaku kudjuleka hipfunisa xiswoswo, hi kutira, lava vangani gome, na kudrimukiwa a maritu ya Hosi Yesu, hikusa Yene, hi ntshima yake ate: Kukateka ngopfu a kuhanana, kutlula a kuyamukela.

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Lk 4:18

A Moya wa Hosi wule henhla kwanga, hikusa yi nitotile, akuva nidrungulela swisiwana a Ivangeli, yi nirumi kuhuwelela kuntrhunxeka ku lava vabohiwiki, ni kubuyisela kuvona ku lava vakufa-mahlu, ni kuntrhunxa lava vaxanisiwaka;

Gl 4:22

Hikusa kutraliwi, Abrahamu avi na vana vabiri, amun'wana ali wa nsati wa xikarawa, amun'we ali wa nsati wa kuntrhunxeka.

I Tsl 1:3

na hi n'widrimuka, hinga karali hikola ka mintiro ya kupfumela kwenu, ku ntiro wenu wa lirandru, ni kutiyisela ka kulavisela ku Hosi yeru Yesu Kriste, amahlweni ka Xikwembu Nkulukumba Tatana weru,

II Kor 12:15

Mine hikurandra kwanga, ni lulameli kunyiketa hinkwaswu leswi ninga naswu, mfuri na mine hi vutama byanga nitatinyiketa, akuva ni n'wipfuna; loko ni n'wirandra ngopfu, n'witanirandra kutrongo xana?

II Kor 3:17

Ke, Hosi i Moya; kutani lomu a Moya wa Hosi wunga kone, kone kuni kuntrhunxeka.

Gl 2:4

leswo swavi hikola ka vamakweru va madrimi, afaka vanhingenile na hine hi kukanganyisa, akuva vata kambisisa avuntxhunxeki byeru lebyi hinga nabyu ku Yesu Kriste; akuva vahi yentxa nangweso swikarawa swa nawu.

Gl 5:1

Akuva hi ntrhunxeka, avi Kriste angahi ntrhunxa. Kolahu-ke, trhamani n'witiya, n'wingahatlheli n'witinhingenisela ku mpinga wa wukarawa.

II Kor 2:8

Hikolahu-ke, ni n'wikombela leswaku n'wimutiyisa hi lirandru drenu.