Gl 4:8 - Testamente Ledrimpswha ni Mapsalma

⁸ Kambe n'wine khale afa n'wingativi Xikwembu Nkulukumba, afa n'witirela swikwembu leswi afaka swingeswone.

Gl 4:8 Referans Kwoze

I Kor 8:4

Hileswo-ke, mayelanu ni kuda leswi swiphahleliwiki a swikwembu swakuka-ndlela, haswitiva leswaku a xikwembu xa kuka-ndlela ahi ntxhumu amisaveni hinkwayu, ni leswaku akuna Xikwembu Nkulukumba mun'wana handle ka lweyi wa mun'we ntsena.

II Tsl 1:8

Atata hi le makari ka malangavi ya ndrilo, a kutatakhatisa lava vayalaka Xikwembu Nkulukumba, ni lava vangayingisetikiki a Ivangeli ya Hosi Yesu Kriste.

I Tsl 4:5

Kunge hi kunavela ka swakubiha, swanga hi va-Matiko, lava vangativikiki Xikwembu Nkulukumba.

I Tsl 1:9

Mfuri vone vadrungula manhingenela yeru ku n'wini, ni hi kundruluka kwenu ku Xikwembu Nkulukumba, n'witrika a swikwembu swakuka ndlela, akuva n'witirela Xikwembu Nkulukumba lweyi a hanyaka ni wa xihlayelamfuri,

I Ptr 4:3

Hikuva wadringana a nkama lowu wukhalutiki, na n'wiyentxa a kurandra ka va-Matiko, hi kufambela vuwoswanini, ni kunaveleni loku kumfani, vupopswini, ni le minkhubyini ya kuda, ni le kugandreleni ka kunyenyentsa ka swikwembu swakuka-ndlela.

I Kor 1:21

Hikusa leswi, a vutlharini bya Xikwembu Nkulukumba a misava mingamutivangakiki Xikwembu Nkulukumba hi vutlhari bya yone, Xikwembu Nkulukumba atirandreli a kuhuluxa a vapfumeli hi vusinge bya kurera a Ivangeli.

Ef 4:18

A miyanakanyu yavu mile munyameni, vatravukanile kule ni vutomi bya Xikwembu Nkulukumba, hiku kohleka loku kunga kone ku vone, hinkonta ya kunono'hwa ka timbilu tavu;

I Kor 12:2

N'waswitiva leswaku ankama afaka n'wili va-Matiko, afa n'wikokeliwa ku swikwembu swakuka-ndlela, leswi swingavulavuliki, n'wifambisiwa handle ka ndlela.

I Yhn 3:1

Lavisani vukulu bya lirandru ledri Xikwembu Nkulukumba Tatana, ahi randriki ha drone, kukota hihlayiwa vana va Xikwembu Nkulukumba! Kutani hine hi vana ha kunene! Hiswoleswo a misava amihitivi, hi laha mingativikiki Xikwembu Nkulukumba.

Rm 1:28

Na swone leswi vatrikiki kutiva Xikwembu Nkulukumba, xiswoswo Xikwembu Nkulukumba avanyikeli avutlharini bya kuhomboloka, akuva vayentxa leswi faka swingafanekeli.

Mintiro Ya Vapostola 17:23

Hikusa loko nifambafamba, nilavisa leswi n'wiswigandrelaka, nikumi a xiluvelo kutraliwiki ku xone leswaku: Ku Xikwembu Nkulukumba lweyi wa kuka angatibyiwi. Lweyi n'wimugandrelaka na n'wingamutivi, hi Yene lweyi nin'widrungulelaka Yene.

Mintiro Ya Vapostola 14:12

Kutani Barnabasi vamutxhula Zewusi, Pawulosi vamutxhula Hermesi, hikusa hi yene afaka arangela a ntiro wa ritu.

Yohana 1:10

A Ritu afa drili kone misaveni; ni misava mitumbuluxiwi ha drone, kambe a misava amidritivanga,

Rm 1:23

Vandruluta a lidrumu dra Xikwembu Nkulukumba lweyi angafikiki, vagandrela swifaniso swa mhunu lweyi a faka, vako vagandrela swifaniso swa tinyanyana, ni tinyoka ni swa swin'wana swihari.

Gl 4:3

Hi swoswo na hine. A nkama afaka hili vatrongwana afa hili hansi ka mintamu ya misava leyi;