Gl 3:17 - Testamente Ledrimpswha ni Mapsalma

¹⁷ Ke, ni hlaya leswi: leswaku a xipfumelelanu lexi xingatiyisiwa hi Xikwembu Nkulukumba, a nawu wutiki loko kuhundri mune wa madzana ya malembe na makume mararu (430), awuna kuswikota kuhelisa a xipfumelelanu, akuva a xidumbiso xinga havi kone.

Gl 3:17 Referans Kwoze

II Kor 1:20

Hikusa i swidumbiso hinkwaswu swinga ku Xikwembu Nkulukumba a hlaya: ina, hikusa, ha Yene kutani na hine hi hlaya Amen akuva kutwalisiwa Xikwembu Nkulukumba ha hine.

Rm 3:3

Kuhumelela yini loko van'wana vangapfumeli? A kukala kudumbeka kwavu kuta yentxa leswaku Xikwembu Nkulukumba na Yene angadumbeki?

Va-le-Kolosa 2:4

Nihlaya leswi akuva ni mun'we angan'wikanganyisi hi maritu ya kun'wikokela kun'wikholwisa.

Gl 5:4

N'witravukani na Kriste n'wine lava vadjulaka vululami hi nawu, n'wi wile an'wehena timpswalu.

Gl 3:15

Vamakweru, ni khanela na n'wine swanga mhunu nambi loko a xipfumelelano xitiyile, nambi xakuva xa vhanu, akuna mhunu lweyi a honaka, kumbe kuyengesela xa ntxhumu.

I Kor 1:17

Hikusa Kriste anganirumanga kuyababatisa, kambe ntsena a kuyativisa a Ivangeli, na ningatirisi vutlhari bya maritu, akuva swingatisusa lisima axihambanwini xa Kriste.

Yohana 1:17

Hikusa a Nawu wunyikiwi hikola ka Moxe, kambe a timpswalu ni xihlayelamfuri switi ha Yesu Kriste.

I Ptr 1:20

lweyi hi tlhelo drin'we arangiki kutiviwa na misava mingasinavumbiwa, kambe hi tlhelo drin'wana angavonekisiwa avugan'wini bya minkama hikola kwenu,

Va-Heberu 11:13

Hinkwavu vhanu lava vafile a kupfumeleni, na vangasangana yamukela a swidumbiso, kambe va swivonile na vali hi le kule, vakholwile ku swone, afa vatiyisa leswaku i valuveli ni vayendri lana misaveni.

Va-Heberu 7:18

Hikusa a nawu lowu wa kuranga wuhelisiwile, hikusa afa wuli ni gome, wunga pfuni ntxhumu.

Ef 4:17

Hikolahu ka leswi, na n'wibyela, ni kutiyisa aHosini leswaku, n'wingaha fambeni swanga hi va-Matiko, a miyanakan'wini yavu ya kuka-ndlela.

Gl 3:21

Xana-ke, a nawu wu yalana ni swidumbiso swa Xikwembu Nkulukumba? Swingatxhuki swiva tanu! Hikusa loko afa a nawu wunyikiwi ntamu wa kuhanyisa, kunene akululama afa kuta huma a nawini.

II Kor 9:6

Mfuri na n'wibyela nili: Lweyi abyalaka kutrongo atatrhovela kutrongo, lweyi abyalaka ngopfu atatrhovela leswi swinyingi.

I Kor 10:19

Nili yini-ke? Xana leswi switlhaveliwaka a swikwembu swakuka-ndlela i ntxhumu? Kumbe a xikwembu xa kuka-ndlela i ntxhumu, xana?

I Kor 7:29

Kambe nihlaya leswi, vamakweru: A nkama wugomile, kusukela swoswi, lava vangani vasati avave swanga hi loko vangali navu,

I Kor 1:12

Nihlaya leswo hi leswi mun'wana-ni-mun'wana ku n'wine aliki: Mine ni wa Pawulosi!, Mine ni wa Apolo!, Mine ni wa Petrosi!, Mine ni wa Kriste!

Rm 3:25

Lweyi Xikwembu Nkulukumba angamubeka khale ava xiruliso, hikupfumela ka ngati yake, akuva akululama kwake ku kombisiwa. Hileswi Xikwembu Nkulukumba atrikiki kukhatisa a swidoho leswi swiyentxiwiki khale;

Mintiro Ya Vapostola 7:6

Nakone Xikwembu Nkulukumba ahlayi ku Abrahamu leswaku: A vana vaku vatatrhamisa swanga valuveli tikweni dra vambe. Vatatrhamisa swanga swikarawa na vaxanisiwa hi mpfhuka wa malembe ya mune wa madzana (400).

Gl 5:16

Kambe nili ku n'wine: hanyani hi kulandra Moya, n'winga yentxi hi kunavela ka nyama.

Ef 2:12

ankameni lowo afa n'wingalina Kriste, afa n'witravukanisiwile ni tiko dra Israyele, afa n'wili lava vangativiwikiki ku xipfumelelanu xa xidumbiso, na n'wingalina kulavisela n'wingalina Xikwembu Nkulukumba misaveni.