Gl 3:14 - Testamente Ledrimpswha ni Mapsalma

¹⁴ akuva amakateko ya Abrahamu matlhasa ku va-Matiko ha Yesu Kriste, leswaku hi yamukela hi kupfumela a Moya lowu hi dumbisiwiki wone.

Gl 3:14 Referans Kwoze

I Kor 12:13

Hileswo-ke, hinkweru hibabatisiwi ku Moya wolowu wa wun'we, akuva hiva miri wun'we, vangava va-Yuda kumbe va-Girika, swikarawa kumbe lava vantrhunxekiki. Nakone hinkweru hinwisiwi a Moya wun'we ntsena.

Ef 2:18

Akutlangeliwe Yene hikusa haswikota swoswi, swanga ha van'we ku van'wana hitlhasa ku Tatana, na hifambisiwa ha Moya mun'we.

Gl 3:2

Nidjula kutiva ntsena leswi: N'wiyamukeli Moya, hinkonta ya mintiro ya nawu, kumbe hi kuyingela ka kupfumela?

Mintiro Ya Vapostola 2:33

Hileswo-ke atiki awatlakuxiwa axineneni xa Xikwembu Nkulukumba, ayamukeliki ni xidumbiso xa Moya wa Kuxwenga ku Tatana, atxheli ahenhla kweru leswi na n'wine n'wiswivonaka ni kuswiyingela.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

Yohana 7:39

Hikuhlaya swoleswo, Yesu afa adjula kuhlaya leswaku hinkwavu lava vapfumeleka ku yene afa vatayamukela a Moya wa Kuxwenga; hikusa kutlhasa nkameni wolowo afa Moya wungasiva kone, hikusa Yesu afa angasinatlakuxiwa.

Ef 4:30

Minga hlundrukiseni Moya wa Xikwembu Nkulukumba, lowu n'wingafungiwa ha wone ku siku dra kutiruliwa.

Ef 3:16

akuva an'winyika kuphatima hi nhlengwe yake, nikuva n'witiyisiwa ni kuseketeliwa hi Moya wakwe, ku mhunu wa le ndreni.

Ef 2:22

Ha Kriste, mfuri na n'wine n'wiyentxa xiyenge xa yindlu leyo, leyinga yindlu lomu Xikwembu Nkulukumba atrhamaka kone hi Moya wakwe.

Gl 4:6

Hikusa n'wine n'wi vana, Xikwembu Nkulukumba arumi Moya wa N'wana wakwe atimbilwini teru, lowo wu bandlukana: Abba, swidjulaka kuhlaya leswaku: Tatana!

Gl 3:16

Xileswo, swidumbiso swiyentxeliwi Abrahamu ni ku lixaka drakwe; swanga hi loko drili drinyingi. A tralwa adrihlayi, swanga hi loko kuva drin'we ntsena, kambe kuhlayiwa ni le lixakeni draku, anga Kriste.

II Kor 1:22

mfuri ahifungiki, ahinyikiki xirangana xa Moya atimbilwini teru.

Mintiro Ya Vapostola 5:32

Hine hi timboni ta hinkwaswu kun'we ni Moya wa Kuxwenga, lowu Xikwembu Nkulukumba awunyikaka ku lava vamuyingisetaka.

Mintiro Ya Vapostola 4:12

Na swone, akuna kuhuluka ha mun'wana, hikuva akuna vito drimbeni a hansi ka tilo, ledri vhanu vadrinyikiwiki, ledri hingafanekelaka a kuhuluka ha drone

Lk 24:49

Lavisani, nitan'wirumela leswi n'widumbisiwiki swone ha Tatana. N'wine trhamani kola Yerusalema, n'wikota n'wiyambexiwa ntamu wa le henhla.

Lk 11:13

Nambi n'wine n'wingalava vamfani n'wiswikotaka a kuhanana a vanenu leswi swinene, angopfu Tatana lweyi wa le Tilweni atanyika a Moya wakuxwenga ku lava vakombelaka ku yene!

I Ptr 3:9

n'wingatlheliseli vubihi hi vubihi kumbe xiruku hi xiruku, kambe hi kuhambana ni leswo, hlayelani maritu manene hikusa n'wivitaneliwi leswo, akuva n'wiyamukela a pfindla dra nkateko.