Gl 3:1 - Testamente Ledrimpswha ni Mapsalma

¹ Hayi! Vagalatiya, masinge ndrun'wine! N'wikanganyisiwi hi mani xana? N'wine lava ni n'wiyentxiki n'wivona Yesu Kriste lwa vambiwiki.

Gl 3:1 Referans Kwoze

II Kor 11:3

Kambe ni txhava leswaku, swanga Eva lweyi angakanganyisiwa hi madrimi ya nyoka na n'wine a miyanakanyu yenu mingatxhuka mihoniwa, mitrika vunene ni kubasa leswi swiyisaka ku Kriste.

Mpfuletelo 2:20

Kambe nini xisolo ku wene hi leswi utrikaka Jezabele, a wansati lweyi atihlayaka leswaku i muprofeta, adondrisa ava akanganyisa a malandra yanga akuva mayentxa vumbuye, ni kuda leswi switlhaveliwiki swikwembu swakuka-ndlela.

Gl 1:6

Nahlamala ngopfu hikusa n'wihangwesi kuyini akutrika lweyi a n'wivitaniki hi lirandru dra Kriste, n'wilandra yin'wana Ivangeli, ya kuhambana.

I Ptr 4:17

Hikusa i nkama wa kusungula a kuyavanyisa, kusungula hi yindlu ya Xikwembu Nkulukumba; ke, loko kusungula ha hine, byitava byini a vugamu bya lava va kuka-kuyingiseta a Ivangeli ya Xikwembu Nkulukumba, xana?

II Ptr 2:18

Vavulavula maritu ya kutikulisa ni ya kuka ndlela, na matirela kunavela ka nyama, ni ka vuwoswani, vanga lava yisaka vhanu lava afaka vahatrutruma lava vahanyaka kuhoneni.

Va-Heberu 11:8

Hi kupfumela Abrahamu ayingiseti loko avitaniwile akuva, kutani asuki atiyela atikweni ledri afaka atanyikiwa drone swanga pfindla. Asuki a famba na angakutivi lomu ayaka kone.

Ef 4:14

akuva hingahatami hiva swanga vatrongwana, lava vapfilunganyisiwaka vayisiwaka hala-ni-hala, hi tekiwaka hi timheho hinkwatu ta tidondro, hi kukanganyisiwa hi vhanu, hi marengu lawa vama nhingenisaka ya kuyisa mhunu ku honeni.

Gl 4:9

Kambe swoswi, leswi n'witivaka Xikwembu Nkulukumba, kumbe, leswi n'witibyiwaka hi Xikwembu Nkulukumba, xana swiyentxisa kuyini, loko n'witlhela ku swagome, swaku ka ndlela, lebyi n'widjulaka kutlhela n'wibyitirela swanga hi le kusunguleni?

Gl 3:3

N'wiphuntisi xileswi xana? N'wisunguli hi swa Moya, kutani soswi n'wiswihetisa hi nyama xana?

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

Va-Heberu 5:9

Kuti loko ahetisekisiwile, andruluki Muvangi wa huluku ledri dringahelikiki ku hinkwavu lava vamuyingisetaka.

Ef 5:15

Kolahu tivonelani swinene ku leswi n'wifambisaka xiswone, n'wingafambeni swanga masinge, kambe swanga hi tintlhari.

I Tmt 6:4

lweyo i wa kutikukumuxa, na angativi ntxhumu, kambe ani mavabyi ya kurandra a kuphikisana ni timholova mayelano ni maritu, lawa ku wone kuhumaka a xikwele, ni timholova, ni swifingeto, ni kulumbetana hi swakubiha,

Gl 2:14

Loko ni voni leswaku avafambi hi laha swifanekelaka ha kone hi xihlayelamfuri xa Ivangeli, nite ku Kefasi, a mahlweni ka hinkwavu: Loko wene, unga mu-Yuda, uhanya swanga hi va-Matiko, na ungahanyisi xi-Yuda, hayini usindrisela a va-Matiko vahanya swanga va-Yuda xana?

I Kor 11:26

Hikuva hi minkama hinkwayu, loko n'wida a kati ledri, n'winwa a ntrheko lowu, n'witava n'witivisa a kufa ka Hosi yikondra yibuya.

I Kor 2:2

Hikusa afa nititrimbeli leswaku ningadjuli kutiva swimbeni amakari kwenu loko kungali Yesu Kriste ntsena, Kriste lweyi avambiwiki axihambanwini.

Rm 6:17

Kambe, a kutlangeliwi Xikwembu Nkulukumba! N'wine lava n'wiviki swikarawa swaxidoho, kuhinkwaswu n'wivi nikuyingiseta hi mbilu amayentxela ya dondro dondrweni leyi n'wiyi nyikiwiki.

Rm 2:8

Kambe atavanyika xikhatiso lexakunono'wha lava vamupfukelaka ni lava vangamupfumelikiki hi xihlayelamfuri, kambe valandrelela vubihi.

Mintiro Ya Vapostola 6:7

A ritu dra Xikwembu Nkulukumba afa driya mahlweni, na yone nhlayu ya vadondrisiwa afa yiyandra ngopfu a Yerusalema; mfuri a vunyingi bya vaprista afa vayamukela vupfumeli.

Mpfuletelo 18:3

Hikusa hinkwawu matiko manwile vinyo dra kulebya ka vumbuye byake. A vafumi va misava va yentxi vumbuye na yene, ni vaxavisi va misava vandruluki vafuyi hi vumbuye byake bya kukala mpimu.

II Tsl 1:8

Atata hi le makari ka malangavi ya ndrilo, a kutatakhatisa lava vayalaka Xikwembu Nkulukumba, ni lava vangayingisetikiki a Ivangeli ya Hosi Yesu Kriste.

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

II Kor 10:5

ni kutikukumuxa hinkwaku loku kuhumelelaka akulwa ni vutivi bya Xikwembu Nkulukumba, Hiva hiyentxa miyanakanyu hinkwayu miyingiseta Kriste.

Rm 10:16

Kambe ahi hinkwavu lava yamukelaka Ivangeli. Ezaya ahlayisi xiswoswo aku: Tatana, i mani xana lweyi apfumelaka kuleswi afaka hi rera swone?

Lk 24:25

Yesu aku ku vone: Yo! Vhanu lava vakuka vangayingeli, lava vatimbilu leti tinanaka kupfumela hinkwaswu leswi vaprofeta vangahlaya swone!

Mt 24:24

Hikusa kutahumelela lava vatakatihlaya va Kriste hi madrimi, ni vaprofeta va madrimi, vatakahumexa swikombiso leswi swikulu ni mahlolana, akuva loko swikoteka, kukanganyisiwa na vone a vahlawuliwa.

Mt 7:26

Kambe lweyi ayingelaka a maritu yanga ava angamayentxi atafananisiwa ni wanuna wa singe, ayakiki a yindlu yake apfunyeni.

Mintiro Ya Vapostola 16:6

Vone vatremakanya matikwana ya Frijiya na Galatiya, leswi vayaleliwiki hi Moya wa Kuxwenga a kudrungula a ritu dra Xikwembu Nkulukumba le Aziya,

Gl 1:2

ni vamakweru hinkwavu lava vanga na mine, hi tralela makereke ya le Galatiya hili:

Gl 5:11

Kambe loko ali mine vamakweru, loko na ha rera a kusoka, xana na ha xanisiwela yini? Kolahu a xikhunguvanyiso xa xihambanwini afa xitahela.