Gl 2:9 - Testamente Ledrimpswha ni Mapsalma

⁹ na kone vatiki vativa timpswalu leti hinyiwiki tone, mine, na Yakobe, Kefasi, na Yohana lava vahlayiwaka timhandre, va hi nyika mine na Barnabasi, avoko dra xinene dra kutlhangana, hikuva hine hiya ku va-Matiko, vone vaya ku vaku sokiwa.

Gl 2:9 Referans Kwoze

Rm 12:3

Hi timpswalu leti ni nyikiwiki tone, ni n'wileleta leswaku ni mun'we anga txhuki atipimisa kutlula leswi swifanelaka. Kusungula yanakanyani hi kunabyala ni leswaku mun'wana-ni-mun'wana a atiyanakanye ha vuswake swanga hi mpimu wa kupfumela lowu Xikwembu Nkulukumba amunyikiki.

Mpfuletelo 3:12

A muhluli, nitamuhamba ava mhandre ya kutiya a Tempeleni dra Xikwembu Nkulukumba wanga, lomu angatikihuma swimbeni, mfuri nitatrala a henhla kwake a vito dra Xikwembu Nkulukumba wanga, ni vito dra muti wa Xikwembu Nkulukumba wanga, dra Yerusalema mumpswha, lweyi axikaka hi le Tilweni, apfa hi le ku Xikwembu Nkulukumba wanga, ni vito dranga ledri drimpswha.

Gl 2:2

Niyi kone hi kupfuleteliwa; nivatlhamuxeli Ivangeli leyi ni reraka ku va-Matiko, kambe ni swiyentxi xihundleni ku lava afaka va voneka swanga hi loko vali kutwala ka ntamu ku van'wana, akuva kuyentxeka leswaku, ninga trutrumi, kumbe ni va lweyi atrutrumiki mahala.

Rm 1:5

Kuvi hikola kwake hi yamukeliki a timpswalu ni vurumiwa, kuyisela kuyingiseteni ka kupfumela, amakari ka vhanu va-Matiko hinkwawu hinkonta ya vito drakwe.

I Yhn 1:3

Lexi hi xivoniki, ni lexi hi xiyingeliki, hi lexo hi n'wibyelaka xone, akuva na n'wine n'witlhangana na hine. Na xileswi hitlhanganisiwi kun'we na Tatana, ni N'wanake Yesu Kriste.

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

I Tmt 3:15

kambe loko nihlwela, utativa a mayentxela lawa mafanekelaka andlwini ya Xikwembu Nkulukumba, dringa kereke dra Xikwembu Nkulukumba lweyi ahanyaka, mhandre ni xiseketelo xa xihlayelamfuri.

Va-le-Kolosa 1:29

hikolahu ka leswo ni tiraka, na nilwa hikola ka ntamu wakwe wutiraka ku mine.

Ef 2:20

N'wiyentxa yindlu yin'we ntsena, leyinga ni masungulo ya varumiwa ni vahlayi va ritu, ni leyi Yesu Kriste anga ribye dra khumbi.

II Kor 8:4

vahikombeli hi kuhikhongota ngopfu, akuva hiyamukela leswi angahumexa swone akuva hi yavela tinsasi.

I Kor 15:10

Kambe hi timpswalu ta Xikwembu Nkulukumba, mine ni leswi ninga swone, ni timpswalu ku mine ativanga ta mahala, hikuva nitiri ngopfu kutlula hinkwavu, nambi leswi afaka angali mine kambe tili timpswalu ta Xikwembu Nkulukumba leti tinga ku mine.

Rm 15:15

Nambi swilitanu, ni n'witraleli hi kutiyanyana henhla ka timhaka leti akuva n'witiyanakanya. Niyentxi leswo hinkonta ya ntiro lowu Xikwembu Nkulukumba anirwexiki,

Mintiro Ya Vapostola 15:13

Loko vaheti kukhanela, Yakobe avayangula aku: Vamakweru, niyingelani:

Mintiro Ya Vapostola 15:7

Ntrhaku ka kukanetana kukulu, Petrosi asekeleka aku ku vone: Vamakweru, n'waswitiva swinene n'wine leswaku, kusukela khale, Xikwembu Nkulukumba anihlawulile amakari kwenu, akuva niyativisa Ivangeli ku va-Matiko akuva vayamukela vapfumeli.

Mintiro Ya Vapostola 4:36

Na yene Yosefa lweyi atxhuliwaka Barnabasi hi vapostola, hileswaku: N'wana wa kumiyeta, loko kutlhamuxeliwa, mulevi, abelekiwiki Kipra;

Mt 16:18

Na mine nakubyela leswaku: Wene u Petrosi (ribye). A henhla ka ribye ledri nitayaka a Kereke dranga; nambi tinyangwa ta Hades tingadrihlule.

Lk 22:8

Yesu aruma Petrosi na Yohana aku: Fambani n'wiya hilulamisela Paska hitadrida.

Yohana 1:42

Amuyisa ku Yesu. Loko Yesu amulavisile, aku: U Simoni, n'wana Yohana. Utatxhuliwa Kefasi (Xigirika: Petrosi; hileswaku Ribye).

Mintiro Ya Vapostola 12:17

Kambe yene avakwehleta hi voko leswaku vamiyela, avatrhandrela hi laha Hosi yimuhumexiki bohelweni ha kone. Kutani aku: Tivisani timhaka leti ku Yakobe Kusukela kolanu, avoneka swanga mun'we wa varangeli vakulu va Kereke dra le Yerusalema akweru. Ahangahuma, atifambela ku wun'wana mbangu.

II Kor 11:5

Kambe niyanakanya leswaku anivanga lweyi ntrongo hantxhumu kuvolava vanga vapostolo lava vakulu!

II Kor 12:11

Nivi singe, hi kukhanelisa xileswi; kambe avi n'wine n'winisindrisiki akuva niva xiswoswo, hikusa n'wine afa n'witanitwalisa; hikusa anintrongo ku va apostolo volavo, nambi ninge wa ntxhumu.

Gl 1:16

leswi apfuleteliki N'wana wakwe ku mine, akuva niyamurera amakari ka va-Matiko. Na hikuhangwesa anivutisanga nyama nambi ngati,

Gl 1:18

Antrhaku ka malembe mararu, kutani ni ntlhantukeli Yerusalema akuva niya vonana na Kefasi, ni trhami na yene khume dra masiku ni ntlhanu.

Gl 2:1

Kuku ntrhaku ka khume dra malembe ni mune, na kutlhelela Yerusalema. Kun'we na Barnabasi mfuri ni teki na Tito.

Gl 6:3

Loko mhunu apimisa leswaku i xa ntxhumu nange wa ntxhumu, awa tikanganyisa ha vuswake.