Gl 2:4 - Testamente Ledrimpswha ni Mapsalma

⁴ leswo swavi hikola ka vamakweru va madrimi, afaka vanhingenile na hine hi kukanganyisa, akuva vata kambisisa avuntxhunxeki byeru lebyi hinga nabyu ku Yesu Kriste; akuva vahi yentxa nangweso swikarawa swa nawu.

Gl 2:4 Referans Kwoze

Yd 1:4

Hikusa kunhingeni van'we vhanu hi xihundla, lava kusukela ka khale vatraleliwiki kuyavanyisiwa; vhanu va kubiha, vandruluta timpswalu ta Xikwembu Nkulukumba weru hivubihi, na kone valandrula Yesu Kriste lweyi anga Mudondrisi weru ntsena ni Hosi.

Gl 5:1

Akuva hi ntrhunxeka, avi Kriste angahi ntrhunxa. Kolahu-ke, trhamani n'witiya, n'wingahatlheli n'witinhingenisela ku mpinga wa wukarawa.

Gl 4:3

Hi swoswo na hine. A nkama afaka hili vatrongwana afa hili hansi ka mintamu ya misava leyi;

II Kor 11:26

Tiyendrweni letinyingi, ni vi makhombyeni ya kutaleliwa hi mati, ni ya tinsulavoya; makhombo ya kuyentxiwa hi va-le-kweru, ni le makhombyeni ya kuyentxiwa hi va-Matiko, amakhombyeni ya le mutini, amakhombyeni ya le huleni, amakhombyeni ya le lwandle, amakhombyeni ya kuyentxeliwa hi vamakweru vamadrimi;

I Yhn 4:1

Varandriwa, n'winga pfumeleni ku mimoya hinkwayu; kambe kambisisani kusungula leswaku i mimoya ya Xikwembu Nkulukumba hi xihlayelamfuri, hikusa kuni vaprofeta vanyingi vamadrimi vahangalakiki misaveni.

II Ptr 2:19

Vadumbisa kuntrhunxeka, na kasi vone i swikarawa swa vuhoneki, hikusa mhunu mun'wana-ni-mun'wana i xikarawa xa leswi mufumaka.

II Tmt 3:6

Hikusa a makari kwavu kuni lava vanhingenaka atindlwini, vahambukisa a vavasati lava bindriwaka hi swihono, lava fambisiwaka hi kunavela lokakutala.

Gl 5:10

Mine na n'widumba Hosini leswaku n'winga yanakanyi swimbeni. Hikusa lweyi an'wikarataka atarwexiwa ku yavanyisiwa, angava mani na mani.

II Kor 11:20

N'widrivalela ha hombe lava n'wiyentxaka swikarawa, ni lava van'wimitaka, ni loko an'witekela, lweyi atikulisaka, lweyi an'wibaka liso.

II Kor 11:13

Hikusa volavu i vapostolo vamadrimi, avatiri lava vakanganyisaka, vatiyentxiki avapostolo va Kriste.

II Kor 3:17

Ke, Hosi i Moya; kutani lomu a Moya wa Hosi wunga kone, kone kuni kuntrhunxeka.

Mintiro Ya Vapostola 20:30

Ni leswaku amakari kwenu kutapfuka vavanuna, vatakakhanela swakusomboloka, akuva vatikokela a vadondrisiwa, vavalandra.

Mintiro Ya Vapostola 15:24

Leswi hitiviki leswaku van'we va-kweru vatitan'wiganaganekisa hi maritu, van'wiyentxela ni mpfilu-mpfilu amimoyeni, na hine hingavapfumelelanga;

Mintiro Ya Vapostola 15:1

Van'we vakukari vapfiki Yudeya afa vadondrisa vamakwavu vaku: Loko n'wingasokiwanga swanga hi kuleleta ka Moxe an'wina kuswikota kuhuluka.

I Ptr 2:16

swanga vhanu lava vantrhunxekiki, na n'winga londrovoti a vuntrhunxeki akuva n'wiyentxa vubihi, kambe vatireli va Xikwembu Nkulukumba.

Gl 4:25

Kambe Agari afanisa Nhava ya Sinayi a Arabiya, leyi yinga muti wa Yerusalema wa swoswi, lweyi anga xikarawa kun'we ni vana vakwe.

II Kor 11:17

Leswi ni hlayaka swone, aniswihlayi ha Hosi; kambe im'na, swanga hi vusinge, akudumbeni loko ka kutitwalisa.

Rm 8:15

Hikusa an'wiyamukelanga Moya wa vukarawa, akuva n'wihanya na n'witxhava, kambe n'wiyamukeli a Moya wakuhlayiwa leswaku n'wi vana, lowu ha wone hi bandlukanaka: Abba, swidjulaka kuhlaya leswaku Tatana.

Gl 1:7

Ahi leswaku yi kone yin'wana Ivangeli, kambe hileswaku kuni van'wana vhanu van'wipfilunganisaka, vadjula kun'windrulutela Ivangeli ya Kriste.

Yakobe 1:25

Kambe lweyi ayingisetaka swinene Nawu lowu wa kululama, a nawu wa vuntrhunxeki, atiyisela ku wone, na ange muyingiseti wa kudrivala, kambe na ali muyentxi wa ntiro ni muyentxi wa ritu, lweyo atava ni ndjombo ku hinkwaswu leswi a swiyentxaka.

Lk 5:38

Kambe vhinyo ledrimpswha swifanekeli dritxheliwa aminkwameni leyi mimpswha.