Gl 2:19 - Testamente Ledrimpswha ni Mapsalma

¹⁹ Hikusa, mine hi nawu ni file ku nawu, akuva ni hanya kun'we na Xikwembu Nkulukumba.

Gl 2:19 Referans Kwoze

Rm 7:4

Hiswoswo vamakweru, na n'wine n'wifile nawini hikola ka miri ya Kriste, akuva n'wiva ku mun'wana lweyi angapfuka akufeni, akuva hibekela Xikwembu Nkulukumba a mihandru.

Rm 6:2

Swingatxhuki swiva tanu! Hinga hanyisa kuyini a xidohweni Hine lava ku Yene hi fiki?

I Tsl 5:10

lweyi ahifeliki akuva nambi hilavelela, nambi hikutriyela hita hanya kun'we na Yene.

II Kor 5:15

Kutani yene a feli hinkwavu, leswaku lava hanyaka, vangaha tihanyeli ha swavu, kambe vahanyela lweyi ava feliki atlhela apfuka kufeni.

Rm 6:11

Hi ndlela yoleyo, tipimisani na n'wine lava feliki xidoho kambe n'wihanyela Xikwembu Nkulukumba hi kutlhanganasiwa na Yesu Kriste.

Rm 8:2

Hiswoswo a nawu wa Moya wa vutomi, ku Yesu Kriste, wu kuntrhunxi ku nawu wa xidoho ni wa lifu.

I Ptr 2:24

hi Yene abyatrhiki a swidoho sweru amirini yake amhandreni ya xihambano, akuva hine, na hifeli swidoho, hihanyela a vululami; hi Yene mfuri hi swilondra swake n'wine n'widahiwiki.

Rm 6:14

Hikusa a xidoho xingahavi ni ntamu henhla kwenu; hikusa a mehe hansi ka nawu. Kambe atimpswalwini ta Xikwembu Nkulukumba.

I Ptr 4:6

Avi hikola ka leswo a Ivangeli yidrunguleliwiki na kone ku lava va kufa, akuva, hi tlhelo drin'we, vatayavanyisiwa hi kulandra a mahanyela ya ximhunu anyameni, kambe hi tlhelo drin'wana vatahanya, amoyeni, hi kulandra kurandra ka Xikwembu Nkulukumba.

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Va-le-Kolosa 2:20

Loko n'wifile kun'we na Kriste, ni loko n'wihambanile ni ku swihila swa misava. Hayini n'witinyiketa ku minkhuva swanga va misava? A switsimbo swanga hi leswaku:

Gl 3:24

Hi ndlela leyo, a nawu wuvi mudondrisi weru akuva wuhiyisa ku Kriste, leswaku hihlayiwa valulami hi kupfumela.

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

Va-le-Kolosa 3:3

Hikusa n'wine n'wifile na Kriste a vutomi byenu byifihliwi kun'we na yene ku Xikwembu Nkulukumba.

Gl 3:10

Lava vangahansi ka nawu wa Moxe va le hansi ka kuruketeliwa, hikusa kutraliwi: Kurukiwa lweyi angalondrisikiki hinkwaswu leswi traliwiki bukwini dra Nawu, akuva aswiyentxa.

I Kor 10:31

Hileswo-ke nambi n'wida, nambi n'winwa, nambi n'wiyentxa yini na yini, yentxani hinkwaswu hi kutwalisa Xikwembu Nkulukumba.

Rm 7:14

Hikuva haswitiva leswaku a nawu i wa Moya, kambe mine ni mhunu wa gome, nixavisiwiki awukaraweni bya xihono.

Rm 5:20

A nawu wutile wutayengesela ngopfu a xidoho. Kambe lomu kuviki ni kudoha ngopfu, kuvi ni timpswalu hi kuyandra,

Rm 4:15

Hikusa a nawu wu koka mahlundru, kambe ni laha ku ngeke na nawu akuna kutlula nawu.

I Kor 9:20

Ku va-Yuda nitiyentxi swanga ni mu-Yuda, akuva nitakuma a va-Yuda; ku lava vanga hansi ka Nawu, nitiyentxi swanga ni lweyi anga hansi ka nawu, nambi leswi ningaliki hansi ka Nawu, akuva nitakuma lava vanga hansi ka nawu.

Gl 6:14

Kambe mine, anidjuli kutitwalisa loko kunge xihambanwini xa Hosi yeru Yesu Kriste; lweyi amisava mivambiwiki ku mine ha Yene, na mine ni vambiwile ku yone.