Gl 2:16 - Testamente Ledrimpswha ni Mapsalma

¹⁶ Hine hi tivaka leswaku a mhunu angahlayiwi mululami hinkonta ya mintiro ya nawu, ntsena hi kupfumela ku Kriste Yesu, hine hi pfumeli ku Yesu Kriste akuva hihlayiwa valulami hi kupfumela ku Kriste, kunge hi mintiro ya nawu, hikuva akuna mhunu lweyi atakahlayiwa mululami hi mintiro ya nawu.

Gl 2:16 Referans Kwoze

Va-le-Filipiya 3:9

ni kuva ni kumiwa ku Yene, na ningena kululama kwanga loku kupfaka nawini, kambe loku kupfaka hi kupfumela ku Kriste,

Rm 9:30

Hitahlaya yini hi leswi? Hidjula kuhlaya leswaku a va-Matiko afa vanga djulisisi kululama, vakuyamukeli mayelana ni kupfumela loku ka kululama;

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

Rm 4:2

Hikusa loko Abrahamu ahlayiwile kululama hinkonta ya mintiro, a faneli kutikulisa, kambe kunge mahlweni ka Xikwembu Nkulukumba.

I Ptr 2:24

hi Yene abyatrhiki a swidoho sweru amirini yake amhandreni ya xihambano, akuva hine, na hifeli swidoho, hihanyela a vululami; hi Yene mfuri hi swilondra swake n'wine n'widahiwiki.

Rm 8:3

Hikusa leswi afaka swinga koteki ku nawu, hi leswi afaka wu hikola ka nyama, Xikwembu Nkulukumba a yentxile leswi hi ku rumela N'wana wakwe hiku fana ni nyama ya xidoho, xiswoswo, Xikwembu Nkulukumba a yavanyisile Xidoho a nyameni.

Rm 3:30

inga leswi swaku, Xikwembu Nkulukumba i mun'we ntsena, lweyi atakahlaya valulami lava vakusoka hi kupfumela, ni lava vangasokangakiki, hi kupfumela.

Rm 1:17

Hakuva ku wone, kupfuleteliwa avululami bya Xikwembu Nkulukumba, kupfumela hikupfumela, swanga hi leswi kutraliwiki: Kambe amululami atahanya hikupfumela.

I Yhn 1:7

Kambe loko hi famba livaningweni, swanga ha Yene anga livaningweni, hitlhangana kun'we, ni ngati ya Yesu, N'wanake, yihibasisa swidoho hinkwaswu.

II Ptr 1:1

Simoni Petrosi, a nandra ni mupostola wa Yesu Kriste, ku lava hinkweru hi yamukeliki kupfumela kakufana kalisima, akululameni ka Xikwembu Nkulukumba weru ni Muhuluxi Yesu Kriste.

Mpfuletelo 7:9

Ntrhaku ka leswo, nivoni ntalu wukulu wa vhanu, lowu afaka kungali na lweyi angakotaka kuhlaya a ntrengo wa wone, vapfaka hi le ku matiko hinkwawu, tinxaka ni tindrimi hinkwatu. Vayimi mahlweni ka xitrhamu-xa-vufumi ni le mahlweni ka Hambana, na vayambali swiyambalu swa ntlhohe, na vani minkindru amavokweni yavu,

Gl 5:4

N'witravukani na Kriste n'wine lava vadjulaka vululami hi nawu, n'wi wile an'wehena timpswalu.

I Kor 6:11

Hi leswi afaka n'wili swone, van'we ku n'wine; kambe n'wihlampswiwile, mfuri n'wixwengisiwile, n'wiva n'wiyentxiwa lava valulamiki hi vito dra Hosi yeru Yesu Kriste, ni hi Moya wa Xikwembu Nkulukumba weru.

Yohana 20:31

Kambe a timhaka leti titraliwi akuva n'wipfumela leswaku Yesu i Kriste, N'wana wa Xikwembu Nkulukumba, ni leswaku hi kupfumela, n'wiva ni vutomi avitweni drakwe.

Gl 4:5

akuva atirula lava afaka vali hansi ka nawu, leswaku hi yentxiwa vana.

Mpfuletelo 7:14

Kutani mine niku ku yene: Hosi yanga, hi wene uswitivaka! Kutani yene aku ku mine: Lava, hi lava vapfaka hi le nhlomulweni lowukulu, vahlampswiki a swiyambalu swavu, vaswiyentxa swa ntlhohe angatini ya Hambana.

I Ptr 1:2

vahlawuliwiki hi Xikwembu Nkulukumba Tatana, angativela vone a khale, vaxwengisiwiki hi Moya akuva vayingiseta, ni hi kuxuviwa hi ngati ya Yesu Kriste, a timpswalu ni kurula aswive hi ntalu ku n'wine.

Rm 4:24

Matraliwi na kone hinkonta yeru. Hikusa Xikwembu Nkulukumba na kone awahiyamukela swanga valulami, ku hine lava vapfumeliki ku lweyi apfukiki ku vafi aya vuton'wini, inga Yesu, Hosi yeru.

Mintiro Ya Vapostola 4:12

Na swone, akuna kuhuluka ha mun'wana, hikuva akuna vito drimbeni a hansi ka tilo, ledri vhanu vadrinyikiwiki, ledri hingafanekelaka a kuhuluka ha drone