Filimoni 1:6 - Testamente Ledrimpswha ni Mapsalma

⁶ Kukombela kwanga hileswaku a ntlhanganu wa kupfumela kwaku kuva loku tiraka hintamu, akutiveni ka hinkwaswu leswi nene leswiyentxeliwaka Kriste amakari kwenu.

Filimoni 1:6 Referans Kwoze

II Ptr 1:8

Hikusa leswo loko swili kone ku n'wine hi ntalu, ku n'wine swiyandra, swin'wiyentxa akuva n'wingavi lava valolohaka, nambi kuva n'wingabeki mihandru akutiveni ka Hosi yeru Yesu Kriste.

Va-le-Kolosa 1:9

Hileswo-ke, na hine kusukela siku ledri hiyingeliki leswo, a hi yimi kun'wikhongotelela ni kun'wkombelela leswaku n'witala hivutivi byakurandra kwake, avutlharini hinkwabyu ni kuyingelisisa loku pfaka ku Moya wakwe,

Mt 5:16

A kuvaninga kwenu akuvaningisi xiswoswo amahlweni ka vhanu, akuva vatakota kuvona a mintiro yenu leminene, vatatwalisa Tatana wenu lweyi anga Matilweni.

I Ptr 2:12

n'wiva ni mahanyela manene amakari ka va-Matiko, akuva, leswi van'wihlevaka ha swone swanga tinsulavoya, hi kuvona a mintiro yenu leminene, vatatwalisa Xikwembu Nkulukumba hi siku ledri atakavayendrela ha drone.

Yakobe 2:17

Hi swoswo, a kupfumela ka kunhati loko kungena mintiro, kutifelile.

Yakobe 2:14

Swipfuna yini vamakweru, loko a mhunu ahlaya leswaku ani kupfumela na angena mintiro? Xana akupfumela loko kutamuhuluxa xana?

Va-Heberu 6:10

Hikusa Xikwembu Nkulukumba angana mona, akuva adrivala ntiro wenu ni lirandru ledri n'widrikombisiki ku vito drakwe, hikusa n'witirelile, mfuri n'wahata tirela vahlawuliwa.

Tito 3:14

Na vone a vaka-kweru avadondre a kutinyiketela amintirweni leminene lomu kunganikuvilela, akuva vangativa lava vakuka-vangabindruli mihandru.

I Kor 14:25

leswi swifihlekiki ambilwini yake switativonekisa, laho-ke atatiwisa hi mombo, agandrela Xikwembu Nkulukumba na aku: Kunene, Xikwembu Nkulukumba akone amakari kwenu!

I Ptr 3:16

kambe swiyentxani hi kunabyala ni xitxhavu, n'wivani lipfalu ledrinene, akuva, ku leswi van'wifingetaka ha swone, vava ni tingana lava van'wifingetaka hi mahanyela yenu lawa manene ku Kriste.

I Ptr 3:1

Vavasati, na n'wine tibekani hansi amahlweni ka vanuna venu, akuva loko kuni lava vayalaka a ritu, hi mahanyela yenu, kungali hi kuvulavula, na vone vakokiwa,

Va-le-Filipiya 4:8

Avugan'wini, vamakweru, hinkwaswu leswi swinga xihlayelamfuri, hinkwaswu leswi swinkhensekaka, hinkwaswu leswi swilulamiki, hinkwaswu leswi swibasiki, hinkwaswu leswi swirandrekaka, hinkwaswu leswi swinga ni vito ledrinene, loko kuli ni leswi swinga ni vunene, ni loko kuli ni kukhenseka swiyanakanyani.

I Kor 16:9

hikuva nipfuleliwi a nyangwa yikulu mfuri leyi yinene, na kone a vakaneti i vanyingi.

Va-le-Kolosa 3:10

Swoswi n'wine n'wiyambalile mhunu mumpswha, lweyi apfuxetiwaka kutiveni, hi xifaniso xa lweyi amuvumbiki;

Mt 25:16

Lweyi ayamukeliki ntlhanu wa matalanta, afamba, ayatira ha wone abindrula man'wana ya ntlhanu.