Ef 6:6 - Testamente Ledrimpswha ni Mapsalma

⁶ N'wingavi tira akuva va n'wivona ntsena, swanga hi loko n'widjula kunyoxisa vhanu, kambe swanga malandra ya Kriste, yentxani hi mbilu, akurandra ka Xikwembu Nkulukumba.

Ef 6:6 Referans Kwoze

I Tsl 2:4

Kambe swanga hi leswi hipfumeleliwiki hi Xikwembu Nkulukumba, akuva hidumbiwa Ivhangeleni, hihlayisa xiswoswo, na ingekutrhavisa vhanu, kambe kukutrhavisa Xikwembu Nkulukumba, lweyi a kambaka timbilu teru.

Gl 1:10

Swingava leswaku, mine swoswi, ni djula wupfuno bya vhanu kumbe bya Xikwembu Nkulukumba xana? N'wiyanakanya leswaku xana nidjula kunyoxisa vhanu xana? Loko ni djula leswo, afa ningativa nandra wa Kriste.

Ef 5:17

Hikolahu n'wingaveneni lava vanfani, kambe djulani kuyingelisisa leswaku hi kwini a kurandra ka Hosi.

I Ptr 4:2

akuva n'wingahahanyeli akunaveleni ka ximhunu, kambe n'wihanyela a kurandra ka Xikwembu Nkulukumba.

Va-le-Filipiya 2:12

Kolahu-ke vamakweru, swanga hi leswi n'wiyingisetiki minkama hinkwayu, na angali ntsena hi loko afa nili kone kolahu, kambe kutlula swoswi ningaliki kone, hi swoswo na kone n'witirela kuhuluka kwenu hi kutitrongohata ni kururumela;

Mt 12:50

Hikusa lweyi ayentxaka akurandra ka Tatana wanga lweyi anga Matilweni, lweyo i makweru waxinuna, ni makweru wa xisati ni mamana wanga.

Va-Heberu 13:21

an'wihetisekisi ku mintiro leminene hinkwayu, akuva n'wiyentxa kurandra kwake, ni leswaku ayentxa leswi amahlweni Yakwe leswi swimutrhavisaka ha Yesu Kriste, lweyi alidrumu dringa ku Yene hi minkama hinkwayu. Amen!

Va-Heberu 10:36

Hikusa swadjuleka n'wiva ni kutiyisela, akuva loko n'witava n'wiyentxile kurandra ka Xikwembu Nkulukumba, n'wikuma leswi n'widumbisiwiki swone.

Va-le-Kolosa 1:9

Hileswo-ke, na hine kusukela siku ledri hiyingeliki leswo, a hi yimi kun'wikhongotelela ni kun'wkombelela leswaku n'witala hivutivi byakurandra kwake, avutlharini hinkwabyu ni kuyingelisisa loku pfaka ku Moya wakwe,

Mt 7:21

Ahi hinkwavu lava vanihlayaka: HOSI, HOSI! Vatakanhingena a Mfun'wini wa Matilo, kambe ntsena lava vayentxaka a kurandra ka Tatana wanga lweyi anga Matilweni.

I Yhn 2:17

Ke, a misava yahundra, nambi kunavela ka yone; kambe lweyi ayentxaka kurandra ka Xikwembu Nkulukumba a trhama hilaha kungahelikiki.

Rm 6:17

Kambe, a kutlangeliwi Xikwembu Nkulukumba! N'wine lava n'wiviki swikarawa swaxidoho, kuhinkwaswu n'wivi nikuyingiseta hi mbilu amayentxela ya dondro dondrweni leyi n'wiyi nyikiwiki.

Va-le-Kolosa 4:12

Awa n'widrungula nangweso Epafra lweyi i nga mun'we wenu, a ntirweni wa Kriste, an'wilwelaka minkama hinkwayu hi swikhongoto, akuva n'witiyisiwa n'wiva lava vahetisekiki, akurandreni hinkwaku ka Xikwembu Nkulukumba.

I Ptr 2:15

hikusa loko i kurandra ka Xikwembu Nkulukumba, leswaku, hi kuyentxa leswinene, n'wimiyeta a vhanu lava va masinge, ni vhanu lava vangativikiki ntxhumu;

I Tsl 4:3

Hikusa leswi i kurandra ka Xikwembu Nkulukumba, akuxwengisiwa kwenu: n'wiva kule ni vuwoswi;

Marka 3:35

Hikusa lweyi ayentxaka a kurandra ka Xikwembu Nkulukumba, hi yene a makweru wa xinuna ni makweru wa xisati, ni mamana wanga.

I Kor 7:22

Hikusa lweyi avitaniwiki a Hosini na ali xikarawa, i mutrhunxiwa wa Hosi; hi xiswoswo na yene lweyi avitaniwiki na atrhunxekile, i xikarawa xa Kriste.