Ef 6:18 - Testamente Ledrimpswha ni Mapsalma

¹⁸ N'wikhongota minkama hinkwayu hi kukhongota hi kutitrongohata hi kutlhangana ni Moya wa Kuxwenga, n'wirindra hikutiyisela ni kutitrongohata ni hikukhongotela tinsasi hinkwatu.

Ef 6:18 Referans Kwoze

I Tsl 5:17

Khongotani n'winga yimi.

Va-le-Kolosa 4:2

Khinyelani aku khongoteni, na n'wihiteka hi mitlangelo.

Va-le-Filipiya 4:6

N'winga hlatiyeleni ntxhumu, kambe atimhakeni hinkwato akukombela kwenu aku tibyiwe hi Xikwembu Nkulukumba, hi kukhongota ni kukombela ni kutlangela.

I Tmt 2:1

Hileswo-ke, hi kusungula, nitratriya, leswaku kuyentxiwa a swikombelo, swikhongoto, kutlangela ni kukombelela a vhanu hinkwavu,

Yd 1:20

Kambe n'wine, varandriwa, tiyakani avupfumeleni byenu lebya kuhlawuleka, ngopfu na n'wikhongota hi kutlhangana ni Moya wa Kuxwenga.

Marka 14:38

Hitekani, n'wikhongota, akuva n'wingatihluliwa hi ndringo. A moya waswirandra, kambe a miri mini gome.

Lk 21:36

Hitekani hi minkama hinkwayu, n'wikombela ku Xikwembu Nkulukumba, akuva n'wikuma ntamu wakuphondla ku hinkwaswu leswi switakayentxeka, n'witakota kuyima amahlweni ka N'wana wa Mhunu.

Mt 26:41

Hitekani n'wikhongota, n'wingatinhingena andringweni, hikuva a moya wone wapfumela, kambe a miri mini gome.

Ef 1:16

Hikolahu-ke, anikarali kutlangela Xikwembu Nkulukumba ha n'wine, nanin'wikumbuka aswikhongotweni swanga.

Rm 12:12

Nyoxani akulaviseleni, n'wiva ni xixixi amahlomulweni, n'witiyisela a kukhongoteni.

Marka 13:33

Tivonelani, hitekani, hikusa an'witivi leswaku dritatlhasa drini a siku ledro.

I Ptr 4:7

A kuhela ka mintxhumu hinkwayu ku kusuhi. Hileswo-ke tlharihani, n'witikhoma n'witakota akukhongota.

Mintiro Ya Vapostola 1:14

Hinkwavu afa vatiyisela hi mbilu yin'we akukhongoteni, kun'we ni vavasati, na Maria mamana wa Yesu, ni vamakwavu vakwe.

Lk 22:46

Aku ku vone: N'wikhutriyelela yini xana? Pfukani n'wikhongota, n'wingatinhingena kudringiweni.

Va-Heberu 5:7

Yene Yesu, amasikwini ya kuhanya kwake anyameni, ahumexeli hi swidrilo kun'we ni minyembeti leyiminyingi, a swikhongoto ni mintratriyo ku lweyi afaka a kota kumuhuluxa ku lifu, avi ayingeliwa hinkonta ya kutxhava Xikwembu Nkulukumba.

II Tmt 1:3

Ni tlangela Xikwembu Nkulukumba lweyi ni mutirelaka swanga hi vakokwana vanga, hi lipfalu ledri dribasiki; na kone anikaluti kukudrimuka aswikhongotweni swanga vusiku ni nhlikanhi.

Va-le-Filipiya 1:4

hi minkama hinkwayu aku khongoteni kwanga hinkwaku, ni khongota hi kunyoxa ha n'wine hinkwenu,

Ef 6:19

Mfuri na mine n'wini khongotela, akuva Xikwembu Nkulukumba anihuhutela, akupfuleni ka nomo wanga ni vulavula hikudumba, akuva a ntiro wa mhaka ya Ivangeli yi vonekisiwa,

Mintiro Ya Vapostola 12:5

Petrosi, yene, afa alaviseliwa bohelweni, kambe a Kereke afa dritekisa kuya mahlweni hi kumukhongotela ku Xikwembu Nkulukumba.

Filimoni 1:5

hikuyingela swalirandru ledri unganadru ku Hosi Yesu ni kutinsasi hinkwatu, ni kupfumela loku unganaku.

Mintiro Ya Vapostola 10:2

Afa ali mhunu wa vukhongoti, lweyi atxhavaka Xikwembu Nkulukumba kun'we ni va ndangu wakwe hinkwavu, afaka apfuna ngopfu amakari ka tiko hi swihananu, ni kukhongota Xikwembu Nkulukumba nkama hinkwawu.

Mintiro Ya Vapostola 6:4

Hine, hitatiyisela akukhongoteni ni le ntirweni wa kuhlaya ritu dra Xikwembu Nkulukumba.

Ef 3:18

akuva n'witakota kuyingelisisa, kun'we ni vapfumeli hinkwavu, avukulu ni kuyanama, vunyingi ni kuyeta ka lirandru dra Kriste.

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

Rm 8:15

Hikusa an'wiyamukelanga Moya wa vukarawa, akuva n'wihanya na n'witxhava, kambe n'wiyamukeli a Moya wakuhlayiwa leswaku n'wi vana, lowu ha wone hi bandlukanaka: Abba, swidjulaka kuhlaya leswaku Tatana.

Ef 2:22

Ha Kriste, mfuri na n'wine n'wiyentxa xiyenge xa yindlu leyo, leyinga yindlu lomu Xikwembu Nkulukumba atrhamaka kone hi Moya wakwe.

Lk 3:37

wa Matusela, wa Henoki, wa Yerete, wa Maleleyeli, wa Kayinama,

Va-le-Kolosa 1:4

hikusa hiyingeli kupfumela kwenu ku Kriste Yesu, ni lirandru ledri n'widrikombisaka ku vapfumeli hinkwavu.

Gl 4:6

Hikusa n'wine n'wi vana, Xikwembu Nkulukumba arumi Moya wa N'wana wakwe atimbilwini teru, lowo wu bandlukana: Abba, swidjulaka kuhlaya leswaku: Tatana!

Lk 3:26

n'wana Maati, n'wawa Matatiya, n'wana Semeyi, wa Yoseki, wa Yoda

Va-le-Kolosa 1:3

Loko hin'wikhongotela hitlangela Xikwembu Nkulukumba Tatana wa Hosi yeru Yesu Kriste hi minkama hinkwayu,

Mt 17:21

Kambe a lixaka ledri dra mademoni, drihuma ntsena hi kukhongota ni kutitrona.]