Ef 6:11 - Testamente Ledrimpswha ni Mapsalma

¹¹ Hlomani hi matlhari hinkwawu ya Xikwembu Nkulukumba, akuva n'wita kota kutiya mintlhan'wini ya Diyavulosi.

Ef 6:11 Referans Kwoze

II Kor 10:4

A matlhari lawa hi matirisaka akulweni kweru ahi ya nyama, kambe im'na, i ya ntamu lowu wupfaka ku Xikwembu Nkulukumba, akuva mahahlula a makhokholo, hihahlula a miyanakanyu ya kuhereka,

Rm 13:12

A vusiku byihundrile, a vuxa byi kusuhi. Ahitrikeni mintiro ya munyama, ahi tiyambexeni hi matlhari ya livaningo.

I Tsl 5:8

Kambe hine hingavanhlikanhi, ahitikhomeni, hiyambala xitlhangu xa kupfumela, ni xa lirandru, ni xilembe xa kudumba ka huluko.

Ef 6:13

Hileswo-ke tamelani a matlhari hinkwawu ya Xikwembu Nkulukumba, akuva n'wita tiya sikwini ledriya dra kubiha, akuva loko n'wihlulile hinkwaswu n'witakota kutiya.

I Ptr 5:8

Tikhomani, n'wilavelela! A nala wenu, Diyavulosi, aratela swanga hi nghonyama leyi yidruma-drumekaka, na yidjula lweyi yingamuphatlulaka yimuda;

II Kor 2:11

Akuva Sathana anga ti londrovota ha hine, hikusa ha mativa swinene a makungu yake.

Ef 4:14

akuva hingahatami hiva swanga vatrongwana, lava vapfilunganyisiwaka vayisiwaka hala-ni-hala, hi tekiwaka hi timheho hinkwatu ta tidondro, hi kukanganyisiwa hi vhanu, hi marengu lawa vama nhingenisaka ya kuyisa mhunu ku honeni.

Va-le-Kolosa 3:10

Swoswi n'wine n'wiyambalile mhunu mumpswha, lweyi apfuxetiwaka kutiveni, hi xifaniso xa lweyi amuvumbiki;

Rm 13:14

Kambe yambalani Hosi Yesu Kriste, n'winga kokeliweni a nyameni akuva n'wita yentxa a kunavela ka yone.

II Kor 11:3

Kambe ni txhava leswaku, swanga Eva lweyi angakanganyisiwa hi madrimi ya nyoka na n'wine a miyanakanyu yenu mingatxhuka mihoniwa, mitrika vunene ni kubasa leswi swiyisaka ku Kriste.

II Kor 6:7

aritwini dra xihlayelamfuri, antan'wini wa Xikwembu Nkulukumba, nihi matlhari ya kululama, kungava kutimpfekela kumbe kulweni.

Mpfuletelo 2:24

Kambe swoswi nili ku n'wine, ni ku van'wana a Tiyatira, hinkwavu lava vangaliki ni dondro leyo, lava vangativiki a mintxhumu ya vuyentelelo ya Sathana, kufana ni leswi valiki: Anin'wirwexi ntrhwalu wumbeni,

Ef 4:24

na kone n'witiyambexa mhunu lweyi mumpswha, lweyi a vumbiwiki hi xifaniso xa Xikwembu Nkulukumba, a vumbiwiki a xihlayelamfurini, kululameni, ni le kuhlawulekeni.

Va-Heberu 7:25

Hileswo-ke, vangaswikota kuhuluxa lava trhindrekelaka ku Xikwembu Nkulukumba, leswi ahanyaka hilaha kungahelikiki akuva ava khongotelela.

Yd 1:24

Ke, Yene lweyi anganintamu wa kun'wibekisa kuswikhunguvanyiso, ni kun'wiyimisa mahlweni ka kuphatima kwake hikutrhava na mingena nandru,

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

I Kor 10:13

An'wingihumeleliwa hi ndringo lowu wungafanekeliki vhanu; kambe Xikwembu Nkulukumba adumbekaka, angaka angapfumeti leswaku n'widringiwa kutlula a mintamu yenu; kambe, kun'we ni mindringo, atan'winyika a ndlela ya kuhuma ku mindringo, akuva n'wikota a kumibyatrha.

Marka 13:22

Hikusa kutahumelela lava vatihlayaka vaku mine ni Kriste, hi madrimi, ni profeta va madrimi vatakahamba ni swikombiso ni mahlolana, akuva vakanganyisa vahlawuliwa va Xikwembu Nkulukumba, loko swingakotekaka.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

Mpfuletelo 19:20

Kambe kukhomiwi xihari xa kulebya kun'we ni muprofeta wa madrimi, lweyi hi kuyentxa mahlolana ni swikombiso amahlweni ka yone, akanganyisiki lava vangayamukela xikombiso xa xihari xa kulebya, afaka vakhisamela xifaniso xa xone. A xihari ni muprofeta wa madrimi vatxukumetiwa na vaha hanya ativeni dra ndrilo lowu wupfuraka, wa xivavula.

Yakobe 4:7

Hileswo-ke, titrongohatani ku Xikwembu Nkulukumba; na n'wiyalela Diyavulosi atatrutruma ku n'wine.