Ef 5:9 - Testamente Ledrimpswha ni Mapsalma

⁹ Hikusa a mhandru wa livango, i vunene hinkwabyu, ni kululama ni xihlayelamfuri,

Ef 5:9 Referans Kwoze

III Yhn 1:11

Murandriwa, ungayetisi leswakubiha, kambe ina yetisa leswaku xonga. Lweyi a yentxaka leswakuxonga i wa Xikwembu Nkulukumba, kambe lweyi a yentxaka leswi swakubiha angativi Xikwembu Nkulukumba.

Rm 15:14

Mine, nini kudumba vamakweru, hikola kwenu, leswaku n'witali hi vunene, n'witali hi vutivi byinyingi, n'witibekiseli akuva n'wilayana van'we ni van'wana.

Ef 6:14

Trhamani na n'witiyile, n'witikhama hi xihlayelamfuri swanga bandi, yambalani a vululami swanga hi xixirelo a swifuveni.

I Tmt 6:11

Kambe wene, mhunu wa Xikwembu Nkulukumba, tingawula a mintxhumu yoleyo; uva udjuletela a kululama, ni vukhongoti, ni vupfumeli, ni lirandru, ni kutiyisela, ni kunabyala.

Va-le-Filipiya 1:11

N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.

I Yhn 2:29

N'waswitiva n'wine leswaku Yene alulamile, ni leswaku lweyo ni lweyo lweyi alulamiki, apswaliwi ha Yene.

Va-Heberu 11:33

Lava hi kupfumela, vangahlula mifumu, vayentxi vululami, kutani vakumi swidumbiso, vapfali minomu ya tindrawu,

Ef 4:15

Kambe hikulandra a xihlayelamfuri alirandrwini, ahi kuleni hi matlhelo hinkwawu, ku lweyi anga nhloko, anga Kriste,

Rm 2:4

Udrelisa kuyini wene a vumbilu lebyikulu bya Xikwembu Nkulukumba, ni kuleha ka mbilu ni kutiyisela? Awuswitivi leswaku a vumbilu bya Xikwembu Nkulukumba afa byifanela ku kuyisa akutisoleni ka swidoho?

Va-Heberu 1:8

Kambe kuli hi tlhelo dra N'wana, kutraliwi vaku: Axiluvelo xaku, wene Xikwembu Nkulukumba i xa minkama hinkwayu; Anhonga ya vuhosi byaku, i nhonga ya kululama kwaku.

Ef 4:25

Hileswo-ke trikani madrimi! Hlayani xihlayelamfuri, amun'we ni mun'wana ku mhunukulobye, hikusa hinkweru hiswiro swa miri min'we.

Yohana 1:47

Yesu loko avona Nataniyele ata na amukongomile, kutani aku: Vonani a mu-Israyele wa xihlayelamfuri, lweyi kungekena kukanganyisa ku yene.

Mt 3:8

Humexani mihandru leyi mikombisaka kundruluka kwenu,

Va-le-Kolosa 3:18

Vavasati, yingesetani vanuna venu swanga hi leswi swifanelaka ku lweyi apfumelaka ku Hosi.